نكهة العيد فى السودان..

العيد فى السودان له نكهه خاصه...

يجتمع الأحباب والأهل بد إنقضاء صلاة العيد والتصافح والصفح والسلام....

وزياره الجيران ومباركة العيد لهم ...

يجتمع الأهل حول الشيات واللحوم وإعداد القهوه والأفطار الذى يحتوى على لقمه وعصيده ولحووووم ..والتحليه ش....وش....

وكل منطقه فى السودان تختلف من المنطقه الأُاخرى بعاداتها وتقاليده.....ولكن اللمه وآحده...

وكدى نشوف حاتقولوا شنوا ياناس كادقلى ....

وعاوزين نشوف العيد فى السعوديه ..ياعاطف وترنتى وباقى العقد الفريد...وكذلك فى أمريكا عمار .. والدوحه..الصادق وكيرى وبقية العقد الفريد... ويوغندا .إنت ياعصام فتحى المقعدك هناك شنو...

والغابه أورحمد ووليد وإسماعيل وراقيه ومروه والجزيره الخضراء..سمؤل ومحمد ميرغنى ....

ياشباب عاوزين نقل مباشر ..وكل زول يرسل لينا ش...ش...ش..ش من خروفوا....{شوية ...الشين الأُولى}

والعندهم ملوحه يخلوها بعد العيد..!!

نكهة العيد فى السودان.. 913e0da4650e787ca9b55207f878625b

نكهة العيد فى السودان.. 913e0da4650e787ca9b55207f878625b

نكهة العيد فى السودان.. Gallery-Eid-al-Adha-Sudan-025

نكهة العيد فى السودان.. 3Lw2X-wUl1_545038946

يا مجدى كل عام وانتم بخير
بس انا خايف لو شفت يوغندا القاعد فيها عصام دى تقول انت المقعدكم في السودان شنو!!
ما حكيت لينا العيد في مصر يامجدى

اول عيد بعد الربيع العربي

الله عليك يامجدي والله صورك هذه انذلت الدمع قصرا من عيني
كل عام وانت والاهل والسودان بالف خير
ونسال الله ان نكون بين الاهل في السودان في الاعياد القادمه ان شاء الله
طبعا انا لي اكثر من عشرة سنين ماعيدت في السودان
ولكن صور العيد وبالذات في اللبد لاتفارق مخيلتي
اما العيد هنا في الرياض بس الحمد لله
من امس اشتريت خروف وسلمته المطبخ المخصص للذبح ( هواوير قنتي )
وباكر بعد الصلاة ان شاء الله نذهب ونذبح طبعا ( متفرج فقط )
الحسنه الوحيدهلمت العذابه ولكن للاسف السنه دي عذابتنا فاضيه مافيها الا شخصين او ثلاثه
نفطر وبعد ذالك كل واحد يشوف ليهو سرير وينخمد
هذا هو كل العيد عندنا والحمد لله

عمر عوض حماد كتب:

التحية لك الحبيب عمر وكل سنه وأنتم طيبين ...تشكر على الصور الجميله ..وتوقعنا مشاركه فى البوست وسيما معينك حافل بالكثير عن العيد فى الغربه...تحياتى..

جاتني رسالة في ايميل حبيت انقلها

مناسبة عيد الضحية
لحن مدحة سمح الوصوفو، يا رب نشوفو

الجاب خروفو حسب ظروفو
أكلوه ضيوفو، ما خلوا صوفو
***
كبشي البجيبو ماكن مدغلب
شحمو البمرقو ودكا يتعلب
شافوا السماني قام جاط وجقلب
شرق الحلفايا شارب لو مقلب
غشوه جماعة وباعو لو ثعلب
***
الجاب خروفو حسب ظروفو
اكلوه ضيوفو ما خلو صوفو
***
خروفنا داير اورنيك جمارك
سيدو اب عريريق بسوطو بارِك
كم فيه راغب كم ليه تارك
سماسرة خايضين جنبو المعارك
ما بشتريه أستاذ مشارك
إلا المقاول او دكتور مسالك
***
الجاب خروفو حسب ظروفو
اكلوه ضيوف ما خلوا صوفو
***
الناس غلبانة تجف وتعرقْ
الما بضحي بصبح مطلَّقْ
لازم ضبيحة وفرار مطَرَّقْ
لو ما قدرت اضبح ود ابرقْ
***
الجاب خروفو حسب ظروفو
اكلوه ضيوفو ما خلو صوفو

ههههها جميله والله نرجو نقل فعاليات العيد فى الدوحه ..العيد هناك لونه وطعمه ..شربات ولاحلو مُر.....تشكر أخى

الصادق على القصيديه الخروفيه..أأأقصد الخرافيه .....هههه.

زهير سلطان عبد اللطيف كتب:: الله عليك يامجدي والله صورك هذه انذلت الدمع قصرا من عيني
كل عام وانت والاهل والسودان بالف خير
ونسال الله ان نكون بين الاهل في السودان في الاعياد القادمه ان شاء الله
طبعا انا لي اكثر من عشرة سنين ماعيدت في السودان
ولكن صور العيد وبالذات في اللبد لاتفارق مخيلتي
اما العيد هنا في الرياض بس الحمد لله
من امس اشتريت خروف وسلمته المطبخ المخصص للذبح ( هواوير قنتي )
وباكر بعد الصلاة ان شاء الله نذهب ونذبح طبعا ( متفرج فقط )
الحسنه الوحيدهلمت العذابه ولكن للاسف السنه دي عذابتنا فاضيه مافيها الا شخصين او ثلاثه
نفطر وبعد ذالك كل واحد يشوف ليهو سرير وينخمد
هذا هو كل العيد عندنا والحمد لله

التحية لك أبو الزهور....تشكر على هذا الإحساس الجميل ..وإن شاء الله تجى السنه القادمه وتحضر العيد فى البلد بين اهلك واحبابك واصدقائك...وكل عام وانتم بخير..تحياتى للأسره..

» العيد السعيد
» السودان بعد 45 سنه
» ما هو سبب ضعف الوطنية في السودان
» فرحة العيد بين الأمس واليوم
» في صحيفه آخر لحظه العدد 1327 يوم الأحد 18_4_2010