فهم العلاقة عند الاولاد !!
..............................
..
........................
انواع الاولاد فى العلاقات ؟
النوع الاول:
بيشوف انو لازم يكون فى علاقة يعنى مستحيل يكون وحيد فى لحظة
يعنى بهتم بالعلاقة اكتر من البت
ده بتلقيهوا من الاسبوع الاول قال ليك بحبك
وللاسف كتير من البنات بصدقوا
بالمنطق احبك وانحن بنعرف بعض لينا اسبوع
بس ليه؟ باى منطق
مكن تكونى حلوة...يعنى هو حباك عشان انتى حلوة؟
طيب انتى بتضمنى انو مايشوف بت احلى منك؟!
النوع ده بهتم بالمقابلات الكتيرة والتلفونات المبالغ فيها
بكون واضح للبت انو ده حب شديد والله من كترت مامهتم
لكن ده ماحب ده مسك زمن بيك يامسكينة
النوع ده مكن يكون مابعرف غيرك يعنى بفهمكم مخلص
والخطورة كمان ده النوع البحب يحكى لاصحابوا
اى صغيرة وكبيرة وحااجى اوضح ليكم يعنى شنو صغيرة للمافهمها !
النوع ده يمثل حوالى 20% من المجتمع الزكورى والنسبة دى نتجت
من خلال استطلاع صغير يمكن تعميمه مع مقارنته بتجارب خاصة.
...........................
النوع الثانى:
بختلف من النوع الاول فى كونوا بهتم بالبت اكثر من العلاقة
يعنى كونوا فى علاقة ولا لا مافرقت المهم البت
النوع ده بتجزبوا البت بشكلها او شخصيتها او قروشها
و بسعى هو لان يكون قريب منها
بفكر فى كيف الحصول عليها لكن ابدا مابفكر فى انو حايعرسها
احيانا بتتحول لحب حقيقى واحيانا تقف فى كونوا اثبت لنفسوا
ده من اخطر الانواع لانو بعتمد على الكذب بصورة اساسية فى علاقتوا
وبمتاز بكثرة العلاقات يعنى مكن فى وقت واحد يكون حابى اربعة بنات ولا خمسة
.........................
النوع الثالث:
ده بكون عاجباهو بت معينة ويتعرف بيها ومن ثم
تبقى علاقة رسمية
يعنى حب من الطرفين
نجاح هذه العلاقة من عدمه بعتمد على البت بصورة 90%
10% يتوقف على الولد
بالنسبةبالنسبة للبت فيتوقف على اخلاقها وتصرافتها
اما الولد فبتتوقف على حكمتوا وكرامتوا
ديل نسبتهم قليلة جدا وسط الشباب الجامعى
لانو بنظر بواقعية انو انا لسع فى الجامعة بتين لمن اتخرج
وااقضى الخدمة و اشتغل واعمل قروش.............الخ
ده غير العمر
متوسط زواج الذكور فى السودان 28.3 سنة
وعند البنات 23.2 سنة
تجى تلقى ولد عمرو 22 بقول لبت عمرها 20 بحبك يعنى
انتظرينى شوية لمن اجهز نفسى يعنى لمن عمروا يبقى 28
وهى عمرها ببقى 26
يعنى هو يادوب دخل عمر العرس لكن هى فاتها
لو هو لسع ماغير رايو بتلقى امو بتقوليهوا ليه تعرس ليك بت كبيرة
..............................
النوع الرابع:
ده بكون فاقد حنان يعنى بكون ماحصل دخل فى علاقة
فبحاول يطبق البسمعوا من اصحابوا يعنى يوم يجيك حبيبتى و ياروحى
ويوم يجيك داير يعمل فيها الود شخصية طوالى اعرفى انو كان مع اصحابوا
.................
الاولاد واسرار العلاقة:
90% من الاولاد يرتاحون جدا عندما يفضفضون لاصحابهم
وعلى راى المثل ( سر ليلى مع صاحب قيس )
8% من الاولاد يفضلون ان يحكوا اسرار علاقتهم لانثى اخرى صديقة او اخت او بت اهل
2% لا يتحدثون عن علاقتهم مع اللاخرين
...................
الاولاد و الخط الاحمر :
المقصود بالخط الاحمر هى مايحصل فى العلاقة
من اشياء محرمة مثل البوسة والاحضان واحيانا اكثر من ذلك
النوع الاول:
بكون حابيك جد جد
لكن احيانا بتنتابه نشوة جنسية
فالشيطان بوسوس ليهوا
يقوم يجى يقول ليك بوسة او او او
فى بعض البنات برفضوا نهائيا
وفى البدو مرة وبمنعوا مرة
وفى البدو طوالى وده كلوا تحت غطاء
انا بحبك وحاازوجك
لمن العلاقة بتطول بكون شبع من الحاجات دى
او بقى مافى مبرر انو يعرسك لانو هو الدايرو طلع بيهوا بالرغم من انو بحبك
مش كده وبس
مكن يسالك انتى زى مااديتينى بوسة المانع شنو تدى اى زول ؟
البت: لانك انت حبيبى.
الولد: وده بديك الحق فى انك تدينى بوسة ؟ انتى ماسمعتى كلام ربك حاتسمعى كلامى انا؟
............
النوع التانى:
بكون بحب وخاتى عينوا على العرس
عشان كده مابطلب حاجات زى دى
ولو انتى دقستى وطلبتى منو حاجة زى ده
ابقى انتى ضيعتى نفسك بنفسك
مكن يرفض ومكن يديك لكن بكون قال فى نفسوا
طال ماهى كدا نستغلها ومن ثم نشوف بت الناس
..........
النوع التالت:
ده مابكون ما بحبك ولا عندو ليك الشى
لكن هموا كلوا الحاجات دى
ونستوا كلها كعبة
مابحاول يزعلك عشان ما تسيبيهوا
وانتى بتفتكرى ده بمووووت فينى
...........
كيف يتم خداع البنات؟
كل الاصناف من الاولاد يتبعون اسلوب واحد
للخداع وهو الزوااااااااااج
واى زول عندو طريقة بثبت بيها للبت انو هو جادى
من حركات بعملها او حليفة بالله بالكذب
و يتم الاثبات بمراحل يعنى كل مايحس بيك شكيتى فيهوا
يديك حاجة عشان يقنعك وهكذا
يعنى هى مجموعة كروت كل مرة بستخدم كرت
واخر كرت بختلف من ولد لولد
فى النوع المكن يصل معاك لبيتكم عدييييييل كده ويتكلم مع اهلك
و فى النهاية بنط
بالمناسبة عدم الموضوع عند الولد يسهل ليهوا خداعك
يعنى مكن تقولى ليهوا حبيبى انا مشتاقة ليك تعال لى اسع دى
هو طوالى يقوم يركب يجيك لانو ماعندو موضوع لكن انتى بتفسيريها
انو حبيبى ساب الوراهو والقدامو و جانى
...........
اوعى اوعى تتغشى
مافى راجل كامل الرجولة برضى يزوج ليهوا بت
شال منها بوسة ولا حتى برضى ببت
بتتكلم معاهو بالتلفون فى اوقات متاخرة
خليكى منطقية شوية فى حياتك
لو قال ليك ادينى بوسة
قولى ليهو بترضى لاختك كده ؟
لو قال لا انتى طوالى اقفلى فى وشو الخط
ولو قال نعم ده يبقى باطل مش راجل وطوالى اقفلى الخط
منقووووووووول
الرئيسية
