موضوع مالاقي ليهو عنوان مناسب ؟؟

هناك اصوات سماعيه اثتثنائية تخص بعض الاهل في منطقه الغابه لا تلفت انتباه احد الا عند حدوث الكلام مع هؤلا الاشخاص
المهم لست خبير لتسميه الحاله فسموها بي طريقتكم

مثلا لاقاني سالم في الشارع وبدا يحكي لي في موضوع ماء
سلام ياسلام سالم يرد وينك يازعيم
الحصل شنو في موضوع الوابور ياسالم
سالم يبدا سالم في سرد الموضوع بطريقته الخاصة
مشينا (بدرب بدرب بدرب بدرب ) بالحماره الطرمبه (شللق شللق شللق شللق ) ملو لينا الجركانه جاز
نزلنا الحواشه ودخلنا (كمبشك كمبشك كمبشك ) جو المتره دورنا البابور (تك تف تك تف تك تك ) رمي المويه
ده الحصل يازعيم

موضوع اخر منفصل

لاقاني هاشم بدا يحكي لي قصة مشوار لما مشا الحله التحت لما سألته وقلت ليه جيت في البيت مالقيتك
ختيت كبايه الشاي (شووت شوووت شووت ) شطفطها مسكت الشارع (كاشن كاشن كاشن ) نزلت الحله
لقيت حسب الله في الجنينه ( شو شو شو شو ) يحلب في البقره والعجيل جنا البقره (برطعك برطعك برطعك ) نط الحيطه
مشيت معاهو (تولوب تولوب تلوب ) من حيطه لي حيطه حتي قبضناهو

مضوع أخر منفصل

للاقاني عبد اللطيف بعد صلاه المغرب سألتو وينك نهار اليوم مختفي ؟
قال كنت في السوق (كو كو كو ) طحنت العيش لقيت كارو حامد (سيك سيك سيك ) وصلني البيت
خشيت ( جمبلق جميلق جمبلق ) اخت لي حمام دخلت الصالون وفتحت ليك المروحه (شو شو شو شو ) قصاد راسي

موضوع اخر منفصل

قال خت التلفون في الشاحن ( وكيررررين كيررررين ) يضرب مالحقت ارد

نشوف وشكم في ساعه خير سلام

أها( توشك توشك) نخش فى الموضوع...ده إسمو مؤثرات صوتية .. يتفاوت إستخدامها من شخص لآخر ، فتجدها بصورة ملفتة عند البعض ، بينما لايستخدمها البعض إلا قليلا .. وهناك من لايستخدمها ضُمَّ ضُمَّ .. فنجدها ، مثلاً عند عثمان محمد الحسن (أخو عابدين المعاى فى الصورة أنا والشهيد على الشيخ فى البوست بتاع لمن هذه الصورة ). تجدها عنده كتيرة جداً ، وكذلك هاشم مهدى ..فلايتحدثان إلا بالمؤثرات الصوتية ..

كركع كركع كركع ..












لا مافى حاجة بس موضوعك ده عطشنى ، قلت أشرب لى شوية موية ،

هههههههههههههههه الضحكة جات قبل نقول شكرا للريسبن الصادق وكمال شكرا لمروركم
صدقني كنت متوقع كلامك دة ياابوبكر بس ورطة مجدي في حكايه الصوره ديه اتحداهو كان يفلح يفك الشفره

اها انا بديكم بعض المؤثرا وانتوا اقعدو (نقننق نقنق نقنق ) اشرحو لي

جا ( تيت تيت تيت تيت ) يضرب في البوري قدام البيت
مشينا ليهو (جلبطك جلبطك جلبطك ) لقينا يضرب في العوضه جير
نزل الحفير (جوف جوف جوف ) اخد ليهو غطستين
طول الليل ( حوك حوك حوك ) ( وينن وينن زنن زنن ) ( كرش كرش كرش ) الباعوضا قبل راسنا ماخلتنا ننوم
من الديك يكورك ( عوععوع عوععوووع ) تناني مابنوم علا اذان الصبح الاول يازن
مشينا نفطر معاهو لقينا خاتي الحله في النار ( بخ بخ بخ بخ ) بوخا طالع

أسماعيل كيجاب كتب:

هههههههههههههههه الضحكة جات قبل نقول شكرا للريسبن الصادق وكمال شكرا لمروركم
صدقني كنت متوقع كلامك دة ياابوبكر بس ورطة مجدي في حكايه الصوره ديه اتحداهو كان يفلح يفك الشفره

اها انا بديكم بعض المؤثرا ت وإنتوا اقعدو (نقننق نقنق نقنق ) اشرحو لي

جا ( تيت تيت تيت تيت ) يضرب في البوري قدام البيت
مشينا ليهو (جلبطك جلبطك جلبطك ) لقينا يضرب في العوضه جير
نزل الحفير (جوف جوف جوف ) اخد ليهو غطستين
طول الليل ( حوك حوك حوك ) ( وينن وينن زنن زنن ) اها انا بديكم بعض المؤثرا وانتوا اقعدو (نقننق نقنق نقنق ) اشرحو لي
ا( كرش كرش كرش )لباعوضا قبل راسنا ماخلتنا ننوم من الديك يكورك ( عوععوع عوععوووع ) تناني مابنوم علا اذان الصبح الاول يازن
مشينا نفطر معاهو لقينا خاتي الحله في النار ( بخ بخ بخ بخ ) بوخا طالع

اها انا بديكم بعض المؤثرا وانتوا اقعدو (نقننق نقنق نقنق ) اشرحو لي

جاياك من عد الخضر فى الطريق......هههههههه

ابوبكر الشيخ الأسيد كتب:

أها( توشك توشك) نخش فى الموضوع...ده إسمو مؤثرات صوتية .. يتفاوت إستخدامها من شخص لآخر ، فتجدها بصورة ملفتة عند البعض ، بينما لايستخدمها البعض إلا قليلا .. وهناك من لايستخدمها ضُمَّ ضُمَّ .. فنجدها ، مثلاً عند عثمان محمد الحسن (أخو عابدين المعاى فى الصورة أنا والشهيد على الشيخ فى البوست بتاع لمن هذه الصورة ). تجدها عنده كتيرة جداً ، وكذلك هاشم مهدى ..فلايتحدثان إلا بالمؤثرات الصوتية ..

كركع كركع كركع ..












لا مافى حاجة بس موضوعك ده عطشنى ، قلت أشرب لى شوية موية ،

الامتحــان كشفوهو و ح نعيـــدو

شيييييييييييييييييب اقصد امعانافى السخرية والازدراء من نفسى لاننى لم افلح فى اختيار عنوان مناسب للموضوع و ( كلق )وتقريبا صوت مشابه لوقع هذه الحروف سويا اقصد به صحيح الموضوع منتشر وهى عادات كلامية تلازم اشخاص بعينهم وتكون جزء من ملامح شخصياتهم .
وانا استهوانى هذا الموضوع واخذت طق طق طقق طاق ابحث بالكيبورد عن مترادفات ولكن تغشانى الننعاس فجاة خخخخخخخخخخخخخخخخ وفاستيقظت على كع كراع صوت شجار بين ابنتى وكف كاف انتهى بانتصار احداهما على الاخرى الاخرى و تررم تترم تترم رااا ترم رم دقيقة ارد على الجوال , استاذن فى ضيوف على الباب طق طق طق ...

quote="كمال فتح الرحمن سالم"] تعلـــن حكومـــة جمهــورية الغـــابة عـــن غيـــاب بعض مواطنيهـــا عـــن المنبــر العــام واختفــاؤهـــم في ظـــروف غــامضــة وستــقوم الحكــومــة (امــد الله في عمـــرها وعمـــر رئيســها المفــدى) بنشـــر اسمـــاء هـــؤلاء المــواطنــين للمــثول امـــامهـــا فى المنـــبر العـــام في بوســـت (جمهـــورية الغـــابة ) او اي بوســت آخر سارى المفعـــول في مــدة لاتتجـــاوز ال48 ســـاعة ... وعلى كــل مــن يصــله الاعــلان ولا ينفـــذ سيعــرض نفســه للمســـائلة القــانونية وكــل مــن يتســتر على اى مـــن الفــارين مــن العـــدالة (الله قال بقولو)

والاسمــــاء هـــــى :




[/quote]

طق طق ندخل والا الفهم شنو ؟؟؟
اسماعيل كيفنك قالو لي دخلت توووووش كدا الامتحان ان شاءالله موفق وصلني سؤالك عني تسأل منك العافيه