نبارك ونهنئ للكتور صلاح القاضي

اللهم بارك لهما وبارك عليهما واجمع بينهما على خير

اشكركم اخوتي علي مشاعركم الرقيقة وتهنئاتكم التي افرحتني وعقبال كل الاحبة خاصة اعضاء المنتدى ----------- اخوتي الاستاذ الصادق والاخ الكريم ود الباجا صاحب الكتابات الهادفة وفارس المنتدي الاستاذ جدو واتمنى ان تكون التهنئة القادمة من نصيبه والاخ الكبير مجدى سليل استاذنا القامة عاصي القيد وما زلت اذكر كلماتك الحكيمة يامجدي في اللقاء الاول وللاسف الوحيد بيننا فقد تفرقت السبل وان شاء الله تعود تنجمع تانى والاخت الفاضلة محاسن وجميع احبتي في هذا المنتدي الشامخ شموخ اهلنا الكرام واقبلوا اعتذاري عن غيابي عنه فقد سرقتني قليلا مشاغل الحياة مرة اخري شكري وتقديري وليدم التواصل بيننا

الف ألف مبروك ي عمو صلاح ربنا يتمم ليك علي خير كنتا متمني أحضرو بس ما باليد حيله وعقبال الما عرس والداير يدبل يعمل حسابو (كل ذول بارك لي العريس إلا محاسن جمعتم الأتنين ي ربي تكون عارفا العروس )

الف الف مبروك بالرفاء والبنين والموده

هههههي يا محاسن أنا لسه شباب ونظري سته علي سته نحمد الله بس إفتكر "هما" للمثني يعني عريس وعروس بس ما مشكله حصل خير وبعدين أسأل ريسنا لي هو كتر خيرو جاب طرف الخيط نحنا نباري الخيط ونصل د.صلاح شخصيا : ( إسم العروس منو يا دكتور ) ما تدخل في خصوصياتك بس شمار حار وكدا ولك خيار الهروب

وينك ىا عمر ووين ايامك ياخي وكتر خيرك علي التهنئة وشكرا ياخي طولت الغيبة

التحية ليك الاخ الكريم حسن مصطفي ان شاء الله ايامك كلها تبريكات وشايفك مطول من المنتدى

شكرا شكرا كتير العم الاعز محمد الشيخ وعقبال الاخ احمد وابناء عمه عباس وجدو واخواتهم وربنا يكتر الافراح وان شاء الله تصل تهانيك للاهل بالبلد والعاصمة وقطر ----والف حمدا لله علي سلامتك ومتاسف فقد عرفت الامر من المنتدي متاخرا بسبب غياب قاهر عنه في الفترة الاخيرة وان شاء الله ربنا يديم عليك نعمة الصحة والعافية لتدوم علينا مشاركاتك المبدعة المتنوعة المترعة بخبرة السنين بس اخت لينا مشاغبات وشقاوات الاخ طارق لطيف عشان تتفرغ لينا