mohamed osman idris القـلم اللامــع
عدد الرسائل : 1050 الموقع : المملكة العربية السعودية تاريخ التسجيل : 24/12/2011
| موضوع: برنامج مراسى الشوق بالمنتدى السبت 16 يونيو 2012 - 5:33 | |
| نرحب بزيارة أسرة برنامج مراسى الشوق لمنتدى أبناء الغابة ، حيث قدم وفد البرنامج للمساهمة في البحث عن الأعضاء المنتسبين لهذا المنتدى والذين اختفوا في ظروف غامضة ولأسباب مجهولة ، وفي حلقة اليوم وعبر برنامج مراسى الشوق نناشد العضو الفاعل والمتفاعل حتى وقتٍ قريب ( اسماعيل كيجاب ) الى الغائب : اسماعيل من أسرة المنتدى تعال يا اسماعيل دايرين جيتك يا جناى النوم جافانا وبقينا زي السقد اخوانك عادل وصلاح عرسو وانت ما جيت اختك مروة عرسوها وانت غايب ناس كتار ماتوا وبرضك ما ظهرتُ والمنتدى يا اسماعين يا خوي بقى ما ياهو المنتدى ، يقعدوك في الكرسى الساخن وينسوك شهر ويخلوك تنجض وتستوى وتندلى براك وتمش تشوف شغلك وإن دخلت على المنتدى الإجتماعى ترى العجب العجاب يدخلوا خمسين والذين يتركوا بصمتهم خمسة | |
|
mohamed osman idris القـلم اللامــع
عدد الرسائل : 1050 الموقع : المملكة العربية السعودية تاريخ التسجيل : 24/12/2011
| موضوع: رد: برنامج مراسى الشوق بالمنتدى السبت 16 يونيو 2012 - 13:31 | |
| عليكم الله يا احبــــــــاب ا تلمو وتعالو قراب .. خلونا النعيش ايامنا .. الموت يادا خلف الباب .. الدنيات العبوس ذى .. راية الفكى الكضاب .. تضحكلك تقول جد لى .. تنتكى تغرس النشاب .. الموت يا صحاب بالجمله .. اصبح ما يدرلو اسباب .. والعاقل يعيش ايامو .. ما دام من تراب لى تراب .. اسى ان ماتو مننا عشره .. تلقاهم تمانيه شباب .. والتاسع يكون وسطانى .. والعاشر يكون ياداب .. علمنى الزمن يا خلى .. درسا ما قريتلو كتاب .. انو الدنيا مهما تلف وتدور .. تصبح كلها في سؤال وجواب .. اللقا يا رفاق من الله .. زيو كذالك الانجاب والحظ مابتجيبو القوه .. والشقى مابيزلو عتاب .. والبكى ما بيجيب الرايحه .. لو جرت الدموع صباب .. الافراح تدور يمشولا .. والاحزان تجيك للباب .. يااخوانا التفاؤل نعمه ديمه يريح الاعصاب .. والزول اليكون متشائم .. العصفور يشوفو غراب .... الفاتح ابراهيم بشير | |
|