مقلب حصل معاكم

[][/color]

Mahasin Mohamed Ali كتب:: قبل كم سنة وبعد قضاء نصف الاجازة في الخرطوم قررنا الذهاب للبلد لزيارة الاهل
في السوق الشعبي ام درمان لقيت واحدة من حلتنا رافقتها وهي طبعا عندها صوت يحسد عليه
قالت ليّ دايرة سكر ولسع ما خلصت كلامها كان في شاب مهندم ذي ما بيقولوا ولابس نظارة سوداء
تكاد ملامح وجهه لا تظهر جاء علينا وبادرنا بالسلام وردينا السلام وبعده طوالي قال لينا يظهر
عليكم ما عرفتوني وقبل ما نرد عليهو قال لينا انا اسماعيل ولد عاشة قدورة قامت طوالي المرة
الي معاي قالت ليهو كيفك يا وليدي وكيف امك قال ليها والله في نعمة وطبعا انا وحسب لا
اعرف اولاد البلد الا القليل جدا وقلت المرة دي عايشة في البلد حتكون تعرف ناس البلد كلهم
بعده قال لينا اي مساعدة المرة قالت ليهو دايرة لي سكر قال ما عندكم مشكلة ادتو القروش
رفض قال لينا اول امشي المحل القريب دا لو لقيت سكر اجي اشيل منكم القروش ومشي وجاء
راجع قالينا خلاص ادوني القروش لقيت سكر وقلنا الحمد لله لقينا واحد شهم وح يرفع لينا
السكر فوق العربية والمشية ال ياها لي يومنا دا
المرة تكورك اسماعيل ولد عاشة قدورة شال قروشي وشرد بعده جانا اسماعيل ولد عاشة
قدورة الحقيقي من وين ما عارفة قال يا جماعة شوفوا وشي دا ياهو انا ال شلت منكم القروش
قلنا ليهولا والله انا بالضحك ميتة بس مراعاة لي شعور المرة الزعلانة كتمتها

قصة عجيبة .. لكن في النهاية هو حقق واحده من توقعاتكم ... وهي... رفع ليكم السكر

طرفه لا تنتهى صلاحيتها بالتقـــــادم وسوف تظل خالدة بذهن المرا دى كل ما شافت اسماعيل أو كباية العصير أو كباية الشاى دا اذا ما كان حرمت شراب الشاي حتى بالتمـــــر ( مشكورة أم أحمد )

قبل كم سنة وبعد قضاء نصف الاجازة في الخرطوم قررنا الذهاب للبلد لزيارة الاهل
في السوق الشعبي ام درمان لقيت واحدة من حلتنا رافقتها وهي طبعا عندها صوت يحسد عليه
قالت ليّ دايرة سكر ولسع ما خلصت كلامها كان في شاب مهندم ذي ما بيقولوا ولابس نظارة سوداء

ياخي انت مالك كضاب كده قبل كم سنه السكر كان مالي الدكاكين وعلي قفا من يشيل

انة[/size]

[b]مقلب طبى طريف وطلعت أنـــــــــــــــــا الكسبـــان
مشيت أعمل صورة أشعة للجيـــوب الأنفيـــــــــــة
بإحدى عيادات شارع الدكاترة بالخرطوم ( صباحاً )
قاموا عملــــــوا لي موجات صوتية للكلى ( مساءاً )
وبالمجــان كمـــان يا ترى مين مقلب مين ؟؟؟!!![/b]

الكليه مقلبت الجيوب الانفيه

في النهاية دفعت قروش يا محمد

المقلب الحصل معاي
جاؤزا ناس الاراضي السنة الفاتت وباعوا لينا اراضي في الوادي الاخضر ب 9000 ريال
مشيت اسجلها قالوا لي في واحد سبقك وسجلها باسمه
قروشي ضاعت علي وقالوا لي نعوضك في محل تاني وليومك دا

الصادق ابو حسن كتب:: المقلب الحصل معاي
جاؤزا ناس الاراضي السنة الفاتت وباعوا لينا اراضي في الوادي الاخضر ب 9000 ريال
مشيت اسجلها قالوا لي في واحد سبقك وسجلها باسمه
قروشي ضاعت علي وقالوا لي نعوضك في محل تاني وليومك دا

إحتيال مع سبق الإصرار والترصد
"
:
وقضـــــــوا علي الأخضر واليابس
:
=
منو العوض وعليهو العوض
:
ود البدرى سمين
:
=
والجاتك في قطعتك سامحتك

mohmdalsheikh كتب:: الكليه مقلبت الجيوب الانفيه

هذا الحدث قبل رحلة الإغتراب أي فى العام 1995م ، حيث توجهت صباحَ يومٍ باكر صوب عيادة مشهورة تعمل فى مجال التشخيص بتوجيه من دكتور ( الأنف والأذن والحنجرة ) ومفروض استلم نتيجة التشخيص بعد صلاة الظهر إلا فنى الأشعة اختلط عليه الحابل بالنابل وقال لي يجب عليك أن تحضر بعد صلاة المغرب لعمل موجات صوتية ( وانا قلت في نفسى أنا ح أفهم أحسن من الحكووووووووومة ) أهو طلعت من عندو وأنا أودى وأجيب ، ما خليت كشك جرايد وللا بارد إلا ومريت عليهو وبقيت شغال ( جُرم ، مرروا ، نبق ، ترمس ، كبكبى ، قُضيم ) وغابت شمس ذاك اليوم وكنت أول الداخلين لقسم الموجات الصوتية ، لاحظوا معى أنا دخلت بسبب الرأس إلا أنى فوجئت بأنهم قاموا بفك الكرتيل ، حق الله بق الله وبدأ الحوار مع فنى الموجات الصوتية انت عاش وين وعايش كيف وين كتا الزمن دا كلوا والموجات الصوتية تجيب نيابة عنى بأننى لستُ الشخص المعنى بكل هذا الكلام وصاحبنا يقلع نضارة ويلبس الأخرى وتأتيه النتجية قلنا ما ياهو . كوم ، فيمد يده ليتناول صورة الأشعة ليطابقها فيما توصل اليه من بحليق شديد ويسألنى أنت إدريس الأمين فأجيبه لا أنا إدريس البنــــا ويضحك صاحبنا حتى بدت نواجزه وشر البلية ما يُضحك ، في شنو ؟ والله انتو مكنيكية آخر زمن ( اقول ليكم راس المكنة تمشو تفتشو التنك )
وينادى على موظف الإستقبــــال تعال يا فلان دا منو ؟ المريض في نظرهم و( المتعـــــــافى )في نظر صاحب المشكلة ، وبعدين خلاص قوم أمشى استلم صورة الأشعة حقتك ويردف قائلاً مبروك عملنا ليك موجات صوتية للكليتين ووجدناهما تعملان بصورة ممتازة ، فقلت له الحمد لله التبس الأمر مع ادريس الأمين وليس بخيته الأمين حتى لا تقول لي ليس هناك أمل في الحمل والولادة .

لا لا والله حلوة
البقول راسي يوجعني يربطولو كراعو؟

Mahasin Mohamed Ali كتب:: ["mohmdalsheikn كتب
ياخي انت مالك كضاب كده قبل كم سنه السكر كان مالي الدكاكين وعلي قفا من يشيل
والله قصة حقيقيةوكانت سنة2005 بس يا باش مهندس سكر الخرطوم له طعم ونكهة خاصة لان مافي زول يمشي البلد
والا محمّل بالسكر والشاي وحتى الملح حتى لو البلد مليانة

دي غلطتك يا محاسن لانك ما شكلتي كلمة السكر والباشمهندس حسب نياتو فتح السين والكاف

أني أشم رائحة عصير البلح بين ثنايا المداخلات وهذا مؤشر جيد

mohmdalsheikh كتب:: أني أشم رائحة عصير البلح بين ثنايا المداخلات وهذا مؤشر جيد

دي شمومه بس خلتك تفتكر أنو البوست بتاع محمد عثمان ادريس .. صاح وللا لا؟

واحد مصري اسمو بشري .. قدم عينتو لمختبر المستوصف للفحص وكمان في واحده سعوديه قدمت عينتها للمختبر للفحص .. بعدين الفني بتاع المختبر نادى .. بشرى .. بشرى .. هو يقصد المدام .. المصري طبعا شليق قام جري للشباك .. الفني ما رفع راسو وقال مبروك حامل .. يلّه تعال شوف الصري ... يالهوي .. يلهوي .. انعل أبو دي بلد دي

]عليك الله هو البوست ما بتاع محمد عثمان ؟ هذه الدقسه من هشاشة العظام وليست من اي شئ اخر

عثمان الشيخ الاسيد كتب:: واحد مصري اسمو بشري .. قدم عينتو لمختبر المستوصف للفحص وكمان في واحده سعوديه قدمت عينتها للمختبر للفحص .. بعدين الفني بتاع المختبر نادى .. بشرى .. بشرى .. هو يقصد المدام .. المصري طبعا شليق قام جري للشباك .. الفني ما رفع راسو وقال مبروك حامل .. يلّه تعال شوف الصري ... يالهوي .. يلهوي .. انعل أبو دي بلد دي

[color=brown][center]

اقتباس :

mohmdalsheikh كتب:: ]عليك الله هو البوست ما بتاع محمد عثمان ؟ هذه الدقسه من هشاشة العظام وليست من اي شئ اخر

صحيح ( محمد عثمان ) درس سنه أولى في الدبة الثانوية وكانت مقيطيعة وزقلونا ما بعيدة من الداخلية
وبرضو كمان درس تانية وتالته في القولد الثانوية وحي الشٌوبلى بالعباسية ما بعيد من الداخلية هو الآخر
لكن كمان ما تفهمونى ( غلــــط )حيث كنت من القلايل الذين لا يمرون بالطرمبة وهم قادمين من السوق
في طريقهم للداخلية حيث كنا نكتفى بالتمــــر ( الحــــــاف والجــــــــــــــاف)

وهاكم طرفة حدثت لنا في احدى العصريات ونحن في طريقنا من السوق الى الداخلية مروراً بحي
الشُوبلى ، كانت في واحدة من نسوان الشُوبلى واقفة لط وتترتع وتتكَّل في الحيطة وماشة علي بيتها
وصراحة مشينا نشاغلا ونتسلى بيها شوية ونكسر بيها شوية الوقت الباقي على المغيب ، لكن يبدو أنها
كانت (مفلله التنك ) وشافتنا غنم وقالت لينــــا (تك تك ) فقلت لأصحابى مشينا
المرا دى لو الشمش غابت بتقول لينـــــــا (كَــر )

الصادق ابو حسن كتب:: لا لا والله حلوة
البقول راسي يوجعني يربطولو كراعو؟

يا ريت لو ربطوهم ............ ديل حلوا الصواميل وخلوا ركبى سايبة

Mahasin Mohamed Ali كتب:: كلو كوم والمقلب الطبي كوم لانها تتعلق بحياة البشر والحمد لله يا ابو البراء المقلب لصالحك على الاقل
اطمنت على كليتيك

أي والله صدقت يا أم أحمد
والعجب العجاب فنى الموجات الصوتية نقاق نقه خشنة تودى المشرحة عديل كدا

» مقلب بتااااااع الحافلة ...........!!