يا جمـاعه الليله عـندي ليكم موضـوع ...
في منكم من يتفـق معـاي .. وفي من يعارض .. ( واختلاف الرأي لا يفسـد للـود قضـية ) ...
.. بالجد حاجـة تحـير الواحـد ..
كل الشعـب السـوداني (خريج ) طـب الخرطـوم .. طبعا خرتوم زمـان ...
يستحيل ما تشتكي من علة إلا وجاتك الإجابة من الزول القاعد تشتكي ليهو ...
يعني بالعربي .. ( أي زوول ممكن يوريك ) ...
الطب بقى حاجة عجيبة ..
يعني الدكاترة ( الشفع الخريجين ديل ما جاتهم راحة ) ..
أما الناس اللافين ساكت فهم الاطباء ..
والدليل على كدا .. انهم قاعدين يستعملوا نفس الدواء الفلاني أو الحبوب العلانية وعالجتهم ...
و إنت يا مؤمن كون صديق ...
ما عليك ألا انك تقوم طوالي تستعمل نفس الوصفة العلاجية المزعومة سواء أكانت ( عقاقيرية أو عشبية ) ...
عشـان تبقى كـويس .. ولا شــنو ... !!!!
حتى إنك في بعض الأحيان بتجد من (يُشخص ) ببواطن الطب العالمي وخفاياه فيبدأ بسؤالك ..
بطنك بتوجعـك ..؟؟
بيجيك صـداع ..؟؟
بتحس بي خمـول و تكسير في الجسـم ..؟؟
أنت تجاوب و بعد كل إجابة يقول لك ( بس .. بس يا هو ذاتو دا اللي كانت عندي )
.. كلام عجيب .. في قاموس الطب ..
لكن الحقيقة عندنا في السودان .. دا ما كلام عجيب ..
الكـلام العـجيب .. ياهـو كلامـي دا ...
.
الرئيسية
