الكـرور .. والكراكيب ..

قبل فــترة ...
حضـرت في الإذاعــة برنامـج للإذاعي الراقي / محمد شريف علي ....، وأسم البرنامج (ضل الضحي ) ...
وكانت حلقة قمة في الروعة من كل ناحية .. وخاصة من عـنوان الحلقــة ...
...
بـدأ الكـلام .. وقال ... ياأخـوانا الليلة حلقـتنا عـن ((( الكـرور ))) ...
والكــرور يعــني ( الكراكيب ) ...

قال ياجماعة ... البيوت السـودانية كلها كـــرور ..
وكلهـم متبريين منهـا .. وكل زول كـرورو .. براهـو ...

زمااان كان في حاجة اسمهـا كــرور الشـباك .. وكرور راس الـبيت ...
الشـباك أصلـو مابتقفـــل .. وراس البيت كلو عفـش أتقــول ساكــننو نـاس ..

وطبعاً .. كل واحـد كـرورو حسب مهنتو ..
اول حاجـة لو الأبـو ميكانيكي .. اي حـديدة هو عــاوزة ..
والبيت بيكون ملان زيوت وحالـتو صعـبة ..

وتـاني في حاجة أسمها كـرور المتبخ ( المطبخ) ..
وهو سبب المشاكل بين البت وامها ...

ده إذا جدعـوهـو .. الأم بتكون زهجـــانة زهـج شـــديـد ..
والبت بتنتهز فرصة طلـوع الأم عشــان تطلع الحاجـات الماعـاوزنهــا ..
وبعـديها هــاك يازعـل .. وحـــرد ..

.

والنوعية الاخـرى ...
الكــرور بتـاع الأولاد العجــلات ..
وكـررور الهـدوم .. حــولااااااااا وجـراها طــويلة ..
ياأخوانا أدفعـو ... الهـــدوم دي بتجيب الفقـــر ...
وتلقى البيت فيه خمسـة مسجـلات بايظــة وعشــرة روادي ..

وتاني في كـرور ذو قيمـــة .. وهو كـــرور المثقفــين ..
جـنس كتب تكســـر الدوالــيب .. وورق لالــيهو اول ولا لـــيهو آخـــر ..

اما الغــريب .. في حاجة اسمها هـتش البنـات ...
تلقــاهـا عـندها حلـق لـيهو .. 10 سنين قاعـد وبعـد كـده مكســـور ..
واي حاجة تجي تمـــرقها يقــولوا ليك بتنفـــع ..

ياأخـــوانا الحاجـــات دي كلهـــا ..تلقـــاها قاعـدة بالسـنين ..
ولو بتنفعـــك ماكنت جــبته غــيرها ..
والأمثال بتاعـة الماعـندو قــديم ماعــــــندو جــــــديــد ... دي بالله هنا مابتنفع ..

ياأخوانا في مثل بقــول ....وجـيبة مامرقـت من الزريبـة

..

وطبعاً .. كل واحـد كـرورو حسب مهنتو

يعنى يا محمد .. معقوله يكون صرافين البنوك كرورن. قروووووش

هو تانى فى كرور الهدوم بدلوها وناس الخردة ما خلو ليهم
كركابة فى بيت

عثمان الشيخ الاسيد كتب:: وطبعاً .. كل واحـد كـرورو حسب مهنتو

يعنى يا محمد .. معقوله يكون صرافين البنوك كرورن. قروووووش

.