مساء الخير يا امير..

ابو مهدي... شخص سوداني .. اسمه اسامة ملامحه عربية داكن السمرة طويل القامه متين خشن الملامح عيونه كبيره لدرجة واضحه شكل شفتيه دائما وكأنه ينطق حرف .. واو ..او كانه يصفر علاقتي به هو مكتبهم الذي بالقرب من منزلنا . كل المكاتب تفتح على الشارع العام الا مؤسستهم يفتح بابها من جهة الخلف... ثم قويت علاقتي معه بعدما تحول ابنه الي مدرستنا... عمرة فوق الخمسين ولكن سيارته من نوع فلوكس واجن .. هي منحه من ابن صاحب المؤسسة .. ابن صاحب المؤسسة قال كانت هذه سيارته لما كان هو شباب بعدين تركتها وعندما طلبها ابو مهدي منحته اياها ولكن ابو مهدي يقول اقسم بالله العظيم أنه اشتراها كاش .. ريال ينطح ريال ... على اي حال هي غير لايقه معاهو البته
عندما تراه من بعيد وهو واقف مع مجموعة يتحدث اليهم بكامل جسده يؤشر بيديه ويقوم بحركه نصف دائرية بكامل جسمه واحيانا يستعمل احدى قدميه .. تعتقد ان هناك امر مهم .. ولكن في حقيقة الامر هو غالبا ما يحكي عن الوجبه التي ظبطتها المدام امس وكيف انهم التهموها هو ومن معه او انه يحكي كيف تفادى حادث خطير..او يحكي واقعه حدثت له ايام الطفوله
انا اقول له انت انسان كلك صور مقلوبه.. حتى اسمك المفروض انت تكون مهدي ابو اسامة مش اسامة ابو مهدي .. كمان مؤسستكم الوحيده التي بابها يفتح من الخلف .. .. وكمان سيارتك وضعها مقلوب .. بس باقي ليك تلبس جلابية انصارية وتتم الناقصة
يقول لي ... انا احسن منك على الاقل انا عندي هوية لكن انت فاقد للهوية.. تقول انت جعلي ومن الغابة .. كيف يعنى؟ شوية والله...... تقول لي زيدان مشلخ ولا والله احسن تقول لي البشير عندو سمايه ههه
ثم يلتفت للواقفين من الاصدقاء ويقول ليهم . يا جماعة انتو عارفين الزول دا اسمو منو؟ ثم هو الذي يجاوب.. واحد (باصابع يده) اسمه الاسيد 2 اسمه في البيت عثمان3 في المدرسة اولادو اسمهم عمر محمد ولين محمد وربا محمد كده ينادوهم بالمكرفون ... ومره كان قاعد يعبي نموذج عندي في الجهاز كتب اسمو محمد عثمان .. وكمان اي زول دفعتو صلاح من كسلا دفعتو ابراهيم كرداوي من الابيض دفعتو يوسف من بورسودان دفعتو الــ من سنار دفعتو الــ من كوستي دفعتو.. دا شنو دا.
يأخذني بيده اليمنى من يدي اليسرى وينسحب بي قليلا عن الموجموعة ويقول لي بصوت جاد وكانه يهمس.... شفت الراجل الــ جنب الكامري دا .. علي اليمين الراجل دا امبارح صلى بنا المغرب .. ياخ الراجل دا (ثم بدأ يوصف ويوشر) دا عشان يساوي الصفوف قبل علينا ووقفنا زي الطلبه ويؤشر بيديه ارجع.. تقدم.. ثم قال ضعوا كعب ارجلكم عند الخط وهو (اسامه) يضرب برجله على الارض .. وهكذا ظل يوصف مستخدما لغة الجسد . يؤشر ويرفس ويضرب ويدور ويصفق موضحا كيف ان هذا الامام قام بتسوية الصفوف
حتى ان ترنتي الذي كان ينتظرني على بعد امتار .... سالني .. انت الزول دا كان قاعد يقول ليك شنو؟
قلت له كان يقول لي كثير ولكن دائما هو يقول لي انه نادم انه تعرف بي وانا اقول لكم هو معاهو حق .. من كثرة المقالب التي عملتها فيهو وكان آخرها يوم امس بالتعاون مع زوجته .. كيف .. قريبا مع مساء الخير يا امير

( قريبا مع مســـــاء الخير يامير )

هل سوف تتحفنا براويه ياملك ....!؟

ففى الانتظـار يصيبنى هوس برصد الاحتـــمالات الكثيره ( من قصيده لاحمد مطر )

أرجو أن تستوى على نار هادئه تلك التى فى رحم الابداع

اروع رواية على الاطلاق ( الجائزه ) او ( موعد فى السويد ) إسمان لروايه واحده من اكثر من ثمانمائه صفحة من الحجم الكبير وهى الروايه الوحيده التى كتبها الامريكى ( آرفنج ولاس ) كتبها فى 25 عـــــــــــــــــــــــــــــــــــاما .

فى الانتظــــــــــــــــــار يا ملك

فيصل محمد خير محمد كتب:: ( قريبا مع مســـــاء الخير يامير )

هل سوف تتحفنا براويه ياملك ....!؟

ففى الانتظـار يصيبنى هوس برصد الاحتـــمالات الكثيره ( من قصيده لاحمد مطر )

أرجو أن تستوى على نار هادئه تلك التى فى رحم الابداع

اروع رواية على الاطلاق ( الجائزه ) او ( موعد فى السويد ) إسمان لروايه واحده من اكثر من ثمانمائه صفحة من الحجم الكبير وهى الروايه الوحيده التى كتبها الامريكى ( آرفنج ولاس ) كتبها فى 25 عـــــــــــــــــــــــــــــــــــاما .

فى الانتظــــــــــــــــــار يا ملك

لا لا يا فيصل .. أنا ما عندي رواية ولا بعرف اروي .. لكن اقسد قريبا سوف احكي لكم المقلب الدولي الذي عملته في اخونا اسامه.. مقلب لمن هو زاتو مات من الضحك
يله انا ماشي اقرأ باقي البوستات ... مع السلامة

بالفعل يا عثمان تمتلك فن التصوير وملكة التشويق والإثارة في عرض القصص
ولكن لم يكتب الله لنا اللقاء في الرياض خلال العطلة السابقة

الصادق ابو حسن كتب:: بالفعل يا عثمان تمتلك فن التصوير وملكة التشويق والإثارة في عرض القصص
ولكن لم يكتب الله لنا اللقاء في الرياض خلال العطلة السابقة

حمد لله على سلامة العودة .. وربنا يتقبل ان شاء الله
ولله فعلا نحن قاعدين منتظرينكم تمروا علينا في الرياض .. وفجأه شفناك في الدوحة
انا ما عارف الحصل شنو يعنى.. على كل حال خير ..لكن ضيعت علينا فرصة
وسيجري التحري والتحقيق مع محمد خير ماجد وعادل هلال وكمان عصمت

عثمان الشيخ الاسيد كتب:

فيصل محمد خير محمد كتب:: ( قريبا مع مســـــاء الخير يامير )

هل سوف تتحفنا براويه ياملك ....!؟

ففى الانتظـار يصيبنى هوس برصد الاحتـــمالات الكثيره ( من قصيده لاحمد مطر )

أرجو أن تستوى على نار هادئه تلك التى فى رحم الابداع

اروع رواية على الاطلاق ( الجائزه ) او ( موعد فى السويد ) إسمان لروايه واحده من اكثر من ثمانمائه صفحة من الحجم الكبير وهى الروايه الوحيده التى كتبها الامريكى ( آرفنج ولاس ) كتبها فى 25 عـــــــــــــــــــــــــــــــــــاما .

فى الانتظــــــــــــــــــار يا ملك

لا لا يا فيصل .. أنا ما عندي رواية ولا بعرف اروي .. لكن اقسد قريبا سوف احكي لكم المقلب الدولي الذي عملته في اخونا اسامه.. مقلب لمن هو زاتو مات من الضحك
يله انا ماشي اقرأ باقي البوستات ... مع السلامة

تقسد ولا ماتقسد نهنا ايزين روايه حتى لو منى روايه وبأدين أنت ما تكاف النقاد بيراعوك شويه فى الانتظار

عثمان الشيخ الاسيد كتب:

الصادق ابو حسن كتب:: بالفعل يا عثمان تمتلك فن التصوير وملكة التشويق والإثارة في عرض القصص
ولكن لم يكتب الله لنا اللقاء في الرياض خلال العطلة السابقة

حمد لله على سلامة العودة .. وربنا يتقبل ان شاء الله
ولله فعلا نحن قاعدين منتظرينكم تمروا علينا في الرياض .. وفجأه شفناك في الدوحة
انا ما عارف الحصل شنو يعنى.. على كل حال خير ..لكن ضيعت علينا فرصة
وسيجري التحري والتحقيق مع محمد خير ماجد وعادل هلال وكمان عصمت

كان الله فى عون أسامة أبو مهدى ويعينه على تحمل نوائب الدهر و على الجار بالجنب ومقالبه

هو بالله برضوا الريس عمل معاك كدا طيب تحرى لي معااااااااااااااااااااااااك

mohamed osman idris كتب:

عثمان الشيخ الاسيد كتب:

الصادق ابو حسن كتب:: بالفعل يا عثمان تمتلك فن التصوير وملكة التشويق والإثارة في عرض القصص
ولكن لم يكتب الله لنا اللقاء في الرياض خلال العطلة السابقة

حمد لله على سلامة العودة .. وربنا يتقبل ان شاء الله
ولله فعلا نحن قاعدين منتظرينكم تمروا علينا في الرياض .. وفجأه شفناك في الدوحة
انا ما عارف الحصل شنو يعنى.. على كل حال خير ..لكن ضيعت علينا فرصة
وسيجري التحري والتحقيق مع محمد خير ماجد وعادل هلال وكمان عصمت

كان الله فى عون أسامة أبو مهدى ويعينه على تحمل نوائب الدهر و على الجار بالجنب ومقالبه

هو بالله برضوا الريس عمل معاك كدا طيب تحرى لي معااااااااااااااااااااااااك

تخيل يا ابو البراء لو في واحد عندو مشكلة في حرف الصاد.. وهو اسمو الصادق وامه اسمها صفية وزوجته اسمها صفاء وبنتو اسمها صفية
وقال ح يصلي في الحرم ويجي صاد ونحن صدقنا .. كم صاد في ذلك

ذلك ليس فيها صاد - انت جيت صادي متين - ماتقولي من وين انا فقط حبيت ادخل الصاد في جمله مفيده

mohmdalsheikh كتب:: ذلك ليس فيها صاد - انت جيت صادي متين - ماتقولي من وين انا فقط حبيت ادخل الصاد في جمله مفيده

لا الا توريني انا جيت صادي من وين .. انت مش قلت دخول الحمام ما زي خروجو

يا جماعة انا عاوز اكتب المقلب لكن في مشكلة وهي:
المشتركين معاي في المقلب دا هن ... زوجة اسامة وزوجتي يله زوجتي رفضت اجيب سيرتها اتفقنا انو انا اشير الي اسمها بــ واحده.... يعنيي لما تجدوا في المقلب كلمة واحدة يعنى هي زوجتي وكان لازم اوضح ذلك لانو انا كمان خايف على سمعتي
وحاولت امبارح انزل الموضوع حوالي الساعة واحده والواحده هي مش زوجتي الــ رفضت اجيب سيرتها في الموضوع لكن اتفقنا ان اشير الي اسمها بــ واحدة وكان لازم اوضح ذلك عشان انا كمان خايف على سمعتي
وفي الحقيقة كانت مواعيد المدارس وانا كنت ناسي لمن اتصلت علي واحدة الواحده هي زوجتي الــ رفضت اجيب سيرتها في الموضوع لكن اتفقنا ان اشير الي اسمها بــ واحدة وكان لازم اوضح ذلك عشان انا كما خايف على سمعتي
لكن الوقت كان متاخر وانا كلفت اخونا ابو عمار ان ياخذ معه الاولاد الي المنزل في طريقه.. اعتذرت له ان سببت له ازعاج .. قال ياخي مافي مشكله الحالة واحدة والواحده هي مش زوجتي الــ رفضت اجيب سيرتها في الموضوع لكن اتفقنا ان اشير الي اسمها بــ واحدة وكان لازم اوضح ذلك عشان انا كمان خايف على سمعتي
يا جماعة بس باقي مرة واحدة والواحدة دي ........ خلاص خليتكم

/quote]

عثمان الشيخ الاسيد كتب:: تخيل يا ابو البراء لو في واحد عندو مشكلة في حرف الصاد.. وهو اسمو الصادق وامه اسمها صفية وزوجته اسمها صفاء وبنتو اسمها صفية
وقال ح يصلي في الحرم ويجي صاد ونحن صدقنا .. كم صاد في ذلك[/size]

سبحان الواحد الأحد الفرد الصمد
والله يا أبــــا عُـــــلا
رغم كل هذة الصادات الكثيرة ( لم نفلح فى إصطيادهـ )
حيث قال أنه مر علي وقت صلاة الجمعة
وأتصل علي حينما بعد عنى بحوالى 35 ك
وصحت فيه يا راجل دا برضوا كلام صحيح منك
يا أخى نحنا اليوم داك صلينا من غير خطبة
وما كان فى صلاة استسقاء وللا حتى صلاة جنازة
بالله عليك يصومنا ويفطرنا على بصلة
لكن الحمد لله ناس أختو صادووووووووووووووووووه

انت يا عثمان حفاظا علي سمعتك بتقول عن مرتك ( واحده ) وهي تناديك باسم الدلع وتقول ليك يا(عثموني) زمان اقصد في زمنا كانت ام العيال لا تناديك باسمك حفاظا علي سمعتها - كانت تناديك يا ( انت ) او يا (هوي) وهي حقيقة تكن لك كل الحب والموده والاحترام
تخريمه - هل فيكم من يأتيني باسم الدلع ( لخوجلي ) او ( ادروب )

mohmdalsheikh كتب:: انت يا عثمان حفاظا علي سمعتك بتقول عن مرتك ( واحده ) وهي تناديك باسم الدلع وتقول ليك يا(عثموني) زمان اقصد في زمنا كانت ام العيال لا تناديك باسمك حفاظا علي سمعتها - كانت تناديك يا ( انت ) او يا (هوي) وهي حقيقة تكن لك كل الحب والموده والاحترام
تخريمه - هل فيكم من يأتيني باسم الدلع ( لخوجلي ) او ( ادروب )

كان في واحده زمان يا الافندي زوجها اسمو طه
قالوا خلاص نحن نلم الناس كلهم وهي معاهم ونجيب المداحين .. يمدحو ... صلاة الله مولانا على طه الذي جانا.. عشان هي تنطق اسم زوجها(طه).. وفعلا الجماعة يمدحو .. صلاة الله مولانا على طه الذي جانا .. وهي تقول صلاة الله مولانا على داك .. تؤشر على زوجها ..الذي جانا

بالجد ما عارف اقول ليك شنو يا عثمان نجيك بي هنا نجينا بي هنا نحاول نتظارف تطلع انت الأظرف

فيصل محمد خير محمد كتب:: ( قريبا مع مســـــاء الخير يامير )

هل سوف تتحفنا براويه ياملك ....!؟

ففى الانتظـار يصيبنى هوس برصد الاحتـــمالات الكثيره ( من قصيده لاحمد مطر )

أرجو أن تستوى على نار هادئه تلك التى فى رحم الابداع

اروع رواية على الاطلاق ( الجائزه ) او ( موعد فى السويد ) إسمان لروايه واحده من اكثر من ثمانمائه صفحة من الحجم الكبير وهى الروايه الوحيده التى كتبها الامريكى ( آرفنج ولاس ) كتبها فى 25 عـــــــــــــــــــــــــــــــــــاما .

فى الانتظــــــــــــــــــار يا ملك

طيب رايك شنو يا فيصل نحن كلنا نعمل رواية ونسميها الحكاية مثلا وتفتتحها انت وبعدين كل الناس تشارك فيها اقصد قبيلة المنتدى
كل واحد يشارك ولو بكلمة
يله قول بسم الله وابدأ

mohmdalsheikh كتب:: انت يا عثمان حفاظا علي سمعتك بتقول عن مرتك ( واحده ) وهي تناديك باسم الدلع وتقول ليك يا(عثموني) زمان اقصد في زمنا كانت ام العيال لا تناديك باسمك حفاظا علي سمعتها - كانت تناديك يا ( انت ) او يا (هوي) وهي حقيقة تكن لك كل الحب والموده والاحترام
تخريمه - هل فيكم من يأتيني باسم الدلع ( لخوجلي ) او ( ادروب )

اسم الدلع (لخوجلي) هو ابو الجاز
واسم الدلع ( لادروب) ابو فاطنة .. ابو آمنه.. ابوعاشه)
انت قايل نفسك براك البتجاوب؟

Mahasin Mohamed Ali كتب:

Mahasin Mohamed Ali كتب:: وان كان الرسم بالحروف اصعب من الرسم بالالوان فقد رسمت هذا الرجل حتى صرت اتخيله شخص يتحرك امامي
يتكلم بيديه تارة ويضرب الارض برجليه تارة لكي ينبه الناس انا هنا فلتصمتوا جميعا
جميعنا صامتين ومنصتين بدون الفة في انتظار المقلب

كارت اصفر دا وللا شنو

عثمان الشيخ الاسيد كتب:

mohamed osman idris كتب:

عثمان الشيخ الاسيد كتب:

الصادق ابو حسن كتب:: بالفعل يا عثمان تمتلك فن التصوير وملكة التشويق والإثارة في عرض القصص
ولكن لم يكتب الله لنا اللقاء في الرياض خلال العطلة السابقة

حمد لله على سلامة العودة .. وربنا يتقبل ان شاء الله
ولله فعلا نحن قاعدين منتظرينكم تمروا علينا في الرياض .. وفجأه شفناك في الدوحة
انا ما عارف الحصل شنو يعنى.. على كل حال خير ..لكن ضيعت علينا فرصة
وسيجري التحري والتحقيق مع محمد خير ماجد وعادل هلال وكمان عصمت

كان الله فى عون أسامة أبو مهدى ويعينه على تحمل نوائب الدهر و على الجار بالجنب ومقالبه

هو بالله برضوا الريس عمل معاك كدا طيب تحرى لي معااااااااااااااااااااااااك

تخيل يا ابو البراء لو في واحد عندو مشكلة في حرف الصاد.. وهو اسمو الصادق وامه اسمها صفية وزوجته اسمها صفاء وبنتو اسمها صفية
وقال ح يصلي في الحرم ويجي صاد ونحن صدقنا .. كم صاد في ذلك

إيه رأيك اذا جاني ولد حأسميه الصديق

اسم الدلع (لخوجلي) هو ابو الجاز
واسم الدلع ( لادروب) ابو فاطنة .. ابو آمنه.. ابوعاشه)
انت قايل نفسك براك البتجاوب؟

اولا ( ابو ) ليس اسم دلع اسم الدلع لازم يكون خفيف زي النسيم وعليه بعض الاسماء لا تدلع مثل أبوبكر الشيخ الاسيد - الصادق ابو - الحاج كيجاب - محمد ميرغني - حاتم سعد هذه اسماء غير قابله للدلع وهناك اسماء قابله للدفع عثمان عثموني محمد الشيخ الافندي وهلم جرا [/size]

شوفوا الناس البدلعو في نفسهم ديل!!!!
اسم الدلع دا وراه طلب كبير بلحيل اذا عايزنك تمشي سوق الذهب وللا سوق الاثاثات

عثمان الشيخ الاسيد كتب:

فيصل محمد خير محمد كتب:: ( قريبا مع مســـــاء الخير يامير )

هل سوف تتحفنا براويه ياملك ....!؟

ففى الانتظـار يصيبنى هوس برصد الاحتـــمالات الكثيره ( من قصيده لاحمد مطر )

أرجو أن تستوى على نار هادئه تلك التى فى رحم الابداع

اروع رواية على الاطلاق ( الجائزه ) او ( موعد فى السويد ) إسمان لروايه واحده من اكثر من ثمانمائه صفحة من الحجم الكبير وهى الروايه الوحيده التى كتبها الامريكى ( آرفنج ولاس ) كتبها فى 25 عـــــــــــــــــــــــــــــــــــاما .

فى الانتظــــــــــــــــــار يا ملك

طيب رايك شنو يا فيصل نحن كلنا نعمل رواية ونسميها الحكاية مثلا وتفتتحها انت وبعدين كل الناس تشارك فيها اقصد قبيلة المنتدى
كل واحد يشارك ولو بكلمة
يله قول بسم الله وابدأ

وأنـــا موافق وهو اقتراح مبتكر وسوف أقدم لكم الافتتاحيه لرواية ( الحــكاية ) يوم السبت الموافق 10 مارس 2013 الساعه 4 صباحا إن أمد الله فى الآجال وعليك إستنفار الاقلام لإتمام فصولها والوصول للخاتمة والتى ارجو أن لاتكون تقليديه والى حلبه ( الحكايه ) وقد لاحظت أن المنتدى عامر بمواهب كثيره تستطيع أن تحقق ضربات قاضيه .....الى اللقاء الساعه الرابعه صباح السبت ؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!

[quote="mohmdalsheikh"]اسم الدلع (لخوجلي) هو ابو الجاز
واسم الدلع ( لادروب) ابو فاطنة .. ابو آمنه.. ابوعاشه)
انت قايل نفسك براك البتجاوب؟

اولا ( ابو ) ليس اسم دلع اسم الدلع لازم يكون خفيف زي النسيم وعليه بعض الاسماء لا تدلع مثل أبوبكر الشيخ الاسيد - الصادق ابو - الحاج كيجاب - محمد ميرغني - حاتم سعد هذه اسماء غير قابله للدلع وهناك اسماء قابله للدفع عثمان عثموني محمد الشيخ الافندي وهلم جرا [/size]or=blue]والله يا استاذنا افندى لو الحريم قصدوا يدلوعوك لو بقيت اسمك ابنعوف يلقوا ليك اسم الدلع

طيب وروينا اسم الدلع لابنعوف يكون شنو وليك جائزه

mohmdalsheikh كتب:: تخريمه - هل فيكم من يأتيني باسم الدلع ( ادروب )

دبايوا ....ايتانينا ...ايتانينا

محمد أوشيـــــك و ( أوشيك ) هي إسم الدلع للشيخ

أوهــــــاج : إسم الدلع للحاج
كُجــــــــر : إسم الدلع لخضر

أها أنــــا غايتو دلعت ليك أدروب

mohmdalsheikh كتب:: طيب وروينا اسم الدلع لابنعوف يكون شنو وليك جائزه

أصلاً هو إبن عوف
وأمو دلعته ( أبنعوف المابعرف الخوف )
هات الجائزة يا ( أوهـــــاج أوشيك )

الصادق ابو حسن كتب:: شوفوا الناس البدلعو في نفسهم ديل!!!!
اسم الدلع دا وراه طلب كبير بلحيل اذا عايزنك تمشي سوق الذهب وللا سوق الاثاثات

ههههههههههههههه يعنى دلعة بلا طلعة ( نهىء نهىء نهىء )

أصلاً هو إبن عوف
وأمو دلعته ( أبنعوف المابعرف الخوف )
هات الجائزة يا ( أوهـــــاج أوشيك )
سبحان الله خيالك واسع بشكل عجيب - علي اي حال ( اوهاج اوشيك ) اسم يناسبني جداً وسوف اتخذه اسما للايميل بتاعي

mohmdalsheikh كتب:: أصلاً هو إبن عوف
وأمو دلعته ( أبنعوف المابعرف الخوف )
هات الجائزة يا ( أوهـــــاج أوشيك )
سبحان الله خيالك واسع بشكل عجيب - علي اي حال ( اوهاج اوشيك ) اسم يناسبني جداً وسوف اتخذه اسما للايميل بتاعي

سفن أب + روب ............ دلعت أدروب
شربوت باقى الخروف احتار فى تدليع أبنعوف

سفن أب + روب ............ دلعت أدروب
شربوت باقى الخروف احتار فى تدليع أبنعوف

شكلك تقلت في الشربوت مع ان عيد الاضحي لسع بدري عليه
إيه رايك نحاول استقطاب الجماعه الذين هجرو المنتدي بان ندعوهم باسمائهم الدلعيه كان نقول لعصام فتح الرحمن عصمت وطارق لطيف مطرقه وجدو جلده وهكذا

mohmdalsheikh كتب:: سفن أب + روب ............ دلعت أدروب
شربوت باقى الخروف احتار فى تدليع أبنعوف

شكلك تقلت في الشربوت مع ان عيد الاضحي لسع بدري عليه
إيه رايك نحاول استقطاب الجماعه الذين هجرو المنتدي بان ندعوهم باسمائهم الدلعيه كان نقول لعصام فتح الرحمن عصمت وطارق لطيف مطرقه وجدو جلده وهكذا

[size=24]كده يا باشمهندس بتشجع الناس عشان يهجروا المنتدي ... انا في رأي نناديهم زي ما كا ن تناديهم امهاتهم زمان
غايتو عصام كانت امو تناديهو يا قشـــــــــــــــــــــــــــــــــــــار
كان قال ايوه ايوه .. تقول ليهو لواية تلوي حنكك
وكان قال نعم .. تقول ليهو نعامة ترفسك
وكان سكت .. تقول ليهو اطرش انت ما بتسمع؟

عشان كده مرة عصام كان قاعد في اجازة في الخرطوم ومعه اولاده وفي تلك الفتره كان ابنه مرتضى لا يعرف عربي.. وعصام ناده يامرتضى .. مرتضى قال yes عصام قال ليهو نعامة ترفسك... نخيلوا

نعم التربيه تربية الأمهات زمان كلها نبذ وشتيمه يعني اذا قلت ليها انا مسافر تقول ليك قطر يودي ما يجيب وغيره من الدعوات مثل ان شاء تلد الفار او الضريب شقاق العناقريب - هل تعرف الضريب شقاق العناقريب - ولكن الحمد لله ان ربنا يعلم انها في حقيقة الامر لا تتمني لك اي سوء او مكروه واللا لهلك الجميع تحت دعوات الأمهات - إيه رايك تعمل لينا قاموس بكل هذه الدعوات الصالحات كتوثيق للأجيال القادمه

بعد ان سالتك عن الضريب شقاق العاقريب وطلبت منك توثيق هذه المفردات فإذا بي اجد احدي الأخوات الففضليات قد قامت بهذه المهمه فرايت انقلها هنا للمتعه وشكرا

يضربك الضريب شقاق العناقريب

معجم المناصفات

كنت قد كتبت سابقا في مادة (النعامة التزوزي بيك) عن ظاهرة الدعاء على الاخرين، والتي تشتهر بها النساء دونا عن الرجال، ثم وعدت بالاعداد لموسوعة او معجم يشتمل على ادبيات الدعاء، وذلك لحفظ ذلك التراث النسوي الخاص بعد ان كاد ان ينقرض بالوعي الثقافي والديني الذي يذم الدعاء على الاخرين خاصة الابناء وينهى عنه .. بصراحة، نسيت الموضوع وان لم يختفي تماما من ذاكرتي فكلما سقطت على مسامعي صيغة دعاء فيها شيء من الابداع تمنيت ان ارصدها واتحسس معناها، واليوم نبدأ المشروع واتمنى ان تتشارك معي ذوات الاختصاص وموهبة المداعاة في عملية الرصد دون الشعور بالخجل عن ممارستهن لها في زمن الجاهلية .. عفا الله عما سلف.
أم بنتو
وتنطق بسكون الباء والنون وبينهما سكتة لطيفة (لطيفة دي كيف ؟ فظيعة !!) المهم الدعوة بها تكون في صيغة (أم بنتو التبنّتك)، والغريبة في تلك الدعوة انها تطلق عندما تنادي احداهن بـ (يا بت) وتلك مناداة ذات حدين، فان قلتها تصغيرا أو تمليحا للمنادية مرت الحكاية على خير، أما اذا قلتها من باب تقليل الشأن فماعليك إلا انتظار (التبنيتة الجاياك) .. باقي لي الدعوة تعني ان يصيبك داء ما يحيل جسمك لمربعات (كاروهات) عندما كنا صغارا كنا عندما نهم بلعب (الحجلة) نقوم بتخطيط الارض الي ستة مربات وتسمى تلك العملية بـ (تبنيت الحجلة) .. بالله العارف ليها معنى غير كده اليفيدنا ..
الملالة
وتنطق بتشديد اللام الثانية وتطلق في عدة صيغ منها (الملالة التملّك) أو (الملالة الجمرها حي) أو (الملالة التهردك) ايهما تيسر على لسان الداعية، والملالة كما هو ظاهر هي النار المستعرة وتقال ايضا عندما تسخن حرارة الشمس (زي الايام دي) فيقال (الواطة ملالة) أو (الواطة رمّاضة) .. المهم تطلق الدعوة بها عليك لمجرد سؤالك لاحدى الزهجانات (مالك ؟) .. انت مالك ومالا كمان تسأل سؤال زي ده والناس زهجانة ؟ خليك في حالك أحسن !!
النيني:
بكسر النونين وتطلق الدعوة في صيغة سجعية (انت بالنيني القرنتيني اللخليك تمشي وتنيني)، وتقال في حالة احتدام الجدال اثناء الشكلة بين اتنين عندما ينكر احدهما فعلة منكرة فعلها أو يتسدر للاعتراف تحديا بأنه فعل كذا فيقول: أنا ؟!! فيأتيه الرد مستعجلا بـ (انت بالنيني) .. و(النيني) حسب تقديري هو نوع من تورم البطن أو (النفاخ) يجعل بطن المدعي عليه يتضخم حتى يصل لحجم القرنتية ويئن انينا موجعا حينما يحاول المشي على قدميه !! وذلك لان هناك صيغة اخري (انت بالنيني الينفخك) ..
ابو مي
وتنطق بكسر الميم وتخفيف الياء، وتطلق الدعوة به في صيغ متعددة والمعنى واحد والعياذ بالله (أبو مي اليشقك) (أبو مي اليفقعك) .. و(أبو مي) حسب تقديري ايضا عبارة عن تورم في الحلق وربما كان (الممص) أو (أبو عديلات)، والغريبة ان هذه الدعوة تطلق لاهون سبب كأن تقول لاحدى الزهجانات: يا فلانة اديني معاك موية فتلجمك بـ (ابو مي اليشقك داك الزير امشي اشربي براك )! عاد كان في داعي لـ ده كلو ؟!!
الشنينة أم قريينات
دي عاد الله يعلم ما عارفة ليها معني، غير انها تقذف في وجهك عندما تسأل احداهن: قلتي شنو ؟ وهو سؤال بسيط ولكن قد يأتي في غير اوانه فيجلب لك المهالك من ذوات القرون
الويّة
بكسر الواو وتشديد الياء وتقال عندما تسأل احداهن ايضا سؤال بسيط جدا طلبا في معرفة سبب معين (ليه ؟) فتأتيك الاجابة بـ (الويّة التلوي حنكك)، ولنفس السؤال قد يكون الدعاء بـ (اللواية التلوي مصرانك)
الشلت
وهي مثل كلمة (بنتو) تنطق الشين والام مفصولات بالسكتة اللطيفة اياها، وتطلق الدعوة على الصبيان غالبا في الصيغة التالية (تلعب كراعك شلت)، وتقال عندما يسرف الصبي في لعب الكورة حتى مغيب الشمس، وعندما يعود يعتذر عن تأخره بـ (كنا بنلعب) .. عاد لكن تلعب لمن الليل ينتلت ؟!
الضريب
وتلك دعوة صعبة تطلق في سجع اقرب للقصيدة فيقال (يضربك الضريب شقاق العناقريب .. لا حنة لا ضريرة .. لا سيرة لا عديلة .. الناس في صلاة العيد وانت في التعب الشديد) .. والضريب كما هو ظاهر وما داير ليهو درس عصر هو الموت الواحد ده .. ربنا يجعل خير اعمالنا خواتيمها وخير ايامنا يوم لقياه.
لسه الكلام كتير .. ممكن نواصل في الرصد بس حسب التساهيل

منى سلمان
munasalman2@yahoo.com

هذا الرجل الذي اسمه اسامة ابتلاه الله بي ومهد لي ا لشيطان (اعوذ باله من اشيطان الرجيم) كل السبل لان افعل فيه من المقالب ما يشيب شعر الرأس يصادفني في الطريق بسيارته في اليوم اكثر من مره اما ان يكون امامي او خلفي وفي تقاطع
وانا احلف ان ذلك يحدث يوميا حتى انني مستعفرب لهذا التزامن الغريب
وفي اغلب الاحيان اعمل فيه مقلب وهو غالبا لايعرف نوع السيارة التي استغلها لانني غالبا لا استعمل سيارتي(سيارة ايجار او سيارات الشركة اوسيارة حسام اوغيرها ) وهذا التنوع ساعدني كثيرا في حبك المقلب.
اصدمه من الخلف ونحن في شارع رئيسي .. ينزل هو ينظر الي سيارته ولا يرفع راسه ليراني.. فقط يرفع يده بان كل شي تمام والحمد لله( كما يفعل معظم السودانيين) وبعدها اتصل علية واقول له صباح الخير يا اميرويقول لي .. هو دا انت ؟
ومرة اخري عند التقاطع ادخل امامه فجأه هو يمسك فرامل وينحرف بالسيارة ويطير عيونه الكبيره دي واحيانا يعضي لسانو واكون انا قد اختفيت في احد شوارع الحاره واتصل علية صباح الخير يا امير
وذات مره كان هو واقف امام شركتهم فقمت انا بمعارضة سيارتي خلف سيارته نزل من الشركة ووجد هذا المنظر وقال لي بالله شوف الانسان الحيوان دا واقف كيف هسه انا اطلع كيف ( وهو لايعرف انها سيارتي )الواحد هسه كان بيشر ليهو الكفرات دي غلطان؟ هسه اكسر قزازو .... والله انادي المرور فقلت له هذا الرجل دخل هذا المحل وعندما ذهب لطلب الرجل الوهمي تحركت انا وفتحت له الطريق واتصلت فيه وانا داخل السيارة (مؤمنه) صباح الخير يا امير..
اتصل هو مرة بي حوالي الساعة 2 بعد الظهر واجري معي هذا الحوار:
هو: نهارك سعيد يا ملك
أنا: أسعد الله نهارك يا أمير
هو: يفقع ضحكه هههههههههههههههههه والله لكن انت عزال خلاص... تعرف تختار الفواكه تمام
أنا: تقصد شنو؟
هو: تقصد شنو ؟ (حي الرز) عشان أوريك المقلب الـ ما بتعرفو انت... وقفل الخظ
سألت نفسي .. مقلب شنو؟ وفواكه شنو؟ والزول دا يقصد شنو؟
بعد شويه جاء اتصال من ام مهدي الي ام علا..وانا اسمع أم علا تقول لها .. عادي ..دي حاجات بتحصل بيناتهم عادي انت بس خليك بره اللعبة
سالتها دي منو وفي شنو؟
قالت دي ام مهدي تعتذر عن المقلب الـ عملو فيك ابو مهدي
أنا : مقلب شنو؟
هي: قالت هو شال من عربيتك الفواكه والخضار والخبز
أنا: عربيتي انا ..... كذاب
وعندما ذهبت صباح اليوم التالي الي مدرسة العيال .. وجدت عدد من اولياء الامور السودانيين متجمعين كالعاده ... يتناقشون في السياسة والغربة ...وهذه المواضيع الازلية... ولكن هذه المره كان حديثهم عن اسامه ابو مهدي والفضيحة التي فعلها امس في ساعة خروج الابناء من المدرسه
وهي انه امس وبكل جرأه فتح سيارة فادي اللبناني ( سيارة جيب نيسان اسود) واخذ الاشياء التي بداخلها من فواكه وخضار وخبز ثم هرب والراجل شايفو.. والله نحن هسة ما عارفين نودي وشنا فين
فقلت لهم ..طيب دقيقة.. ذهبت واتيت بسيارتي واوقفتها مع سيارة اللبناني وقلت لهم يا جماعة هسة في فرق .. كلهم قالوا لا والله .. وحكيت لهم القصة وفهمنا اللبناني وكلهم ضحكوا الا اسامه كان داخل جوا اضافرينو بس قاعد كل مره يقول للراجل والله انا آسف والله ما كنت عارف ..الخ
لكن دا ما هو المقلب الكبير

الحمد لله اخير خرج المقلب ، من 26 فبراير حتى 22 ابريل . يعنى شهرين ، إنتاج ضعيف يالاسيد .
اوع تكون شغال بالانتاج حتكون جوعت الاسره وكمان مقلب صغير يعنى الكبير 2015م

طيب الفكره الفلقتنا بيها متين ؟؟؟؟
بالمناسبه انا معطل ردود كثيره عشان الفكره وخاصة للابن رئيس رابطة طلاب الجامعات الحسين عبدالرحمن عبدالله والحوار الجاد مع حاتم كيرى والاخ الصادق ابو

مهله أخيره عندك 48 شهر فقط وإلا ..................

فيصل محمد خير محمد كتب:: الحمد لله اخير خرج المقلب ، من 26 فبراير حتى 22 ابريل . يعنى شهرين ، إنتاج ضعيف يالاسيد .
اوع تكون شغال بالانتاج حتكون جوعت الاسره وكمان مقلب صغير يعنى الكبير 2015م

طيب الفكره الفلقتنا بيها متين ؟؟؟؟
بالمناسبه انا معطل ردود كثيره عشان الفكره وخاصة للابن رئيس رابطة طلاب الجامعات الحسين عبدالرحمن عبدالله والحوار الجاد مع حاتم كيرى والاخ الصادق ابو

مهله أخيره عندك 48 شهر فقط وإلا ..................

ان كلماتك تحدث ضوضاء وتفترش الصفحة كي يسمعها الناس ويروها اما الافكار فانها تقبع في راس من يقوم بالتفكيرولكي نعرف ما الذي يفكر فيه شخص ما او نتبادل الحديث عن طبيعة الفكره فيلزمنا ان نستعمل شيئا لا بديل عنه الا وهو الكلمات (ستيفن بنكر)
لذلك انا اجد صعوبة في الحصول على كلمات توصل الفكره بسوهله ووضوح وقبول نسبي معقول لان كلمة واحدة ان لم تكن في محلها الصحيح يمكن أن تفسد كل الفكره
فمثلا لاحظ الخطأ الذي وقعت فيه انا .. انه مجرد صفر .. بدلا ان اكتب 480 ساعة كتبت 48 ساعة
لكن يا فيصل لا تجعلني شماعة ان فكرتي لا تتعارض مع اي موضوع او طرح.. خش في موضوعك مع الصادق وحاتم والحسين انا مجنب يمين الشارع وسامح ليك بالمرور

بالمناســـبه الاولى : ( المقلب رائع جدا ) و انا نسيت اعلق عليه فى البدايه لكن ثبت بما لا يدع مجال للشك إنك مراوغ بارع وتصلح مهاجم لكن على الورق فقط .

المناسبه الثانيه : منذ الآن سوف نقرأ وعودك وننوم قفا حتى تتحسن حالتك وساعتك البيلوجيه

قال نسيت صفر قال ...

بالمناسبة الثالثه : أنت عارف قصة (أكتب المبلغ صفر ) هى من احراش السعداب أرجو أن تحكيها

فيصل محمد خير محمد كتب:: بالمناســـبه الاولى : ( المقلب رائع جدا ) و انا نسيت اعلق عليه فى البدايه لكن ثبت بما لا يدع مجال للشك إنك مراوغ بارع وتصلح مهاجم لكن على الورق فقط .

المناسبه الثانيه : منذ الآن سوف نقرأ وعودك وننوم قفا حتى تتحسن حالتك وساعتك البيلوجيه

قال نسيت صفر قال ...

بالمناسبة الثالثه : أنت عارف قصة (أكتب المبلغ صفر ) هى من احراش السعداب أرجو أن تحكيها

[size=24] والله البلد فيها ناس كتار فخر ليها اكتر مننا لكن فى امور استجدت وعلى كل حال أنا بشاور صاحبة الشأن وأن كان الامر كما تريد برسل ليك ولدى خوجلى بكره بعد سوق السبت ولو ما جاك منى خبر أنسى الموضوع وربنا يسهل ليك خيرا منها ...

(هسه عليك الله مراوغ انا وللا حاج النور.. قول ليه والله احسن من المقدم الجعلي دا ما بتلقا تاني)

نوم قفه انت اصلك براك داير ليك سبب عشان تنوم

بعدين شنو احراش دي ليه نحن متمردين وللا عشان اسماءنا تشبه اسماء الحيوانات
(المبلغ صفر) عبارة قالها عمي المرحوم المحب tiger (عقدتونا من اسامينا) وقالو سمح القول من خشم ود اخو سيدو
عشان كده انا اقترح يحكيها لكم اخونا ابن السعداب معنا في المنتدى وهو الاخ ..happy helper tiger

» مســــــــــــــــــؤولين من الخير،،،
» مسؤولين من الخير وين......
» فيك توسمتُ الخير .
» اعلان نتيجة الشهادة السودانية(2009) اليوم مساء..
» حكاوي عن المغترب السوداني ومراحل نموه من القرد إلي الحر