لبيـك عثمان الشخ الاسيد ( الحكايه / الفصل الاول)

/right]

الحكـــــــــــايه ( روايه جماعية يشارك فيها
الجميع الفكره والعنوان والدعوة من (عثمان الشيخ الاسيد) بتاريخ 4 / مارس /2013م ضمن
حوارات موضوع بالمنتدى العام
بعنوان ( مساء الخيريا أمير

: مساء الخير يا امير.. الإثنين 4 مارس 2013 - 18:32

<table class="MsoNormalTable" style="width:90.0%;mso-cellspacing:.7pt;mso-yfti-tbllook:1184;mso-padding-alt:br / 0in 0in 0in 0in" border="0" cellpadding="0" cellspacing="1" width="90%"> <tr style="mso-yfti-irow:0;mso-yfti-firstrow:yes"> <td style="padding:0in 0in 0in 0in"> فيصل محمد خير محمد كتب: </td> </tr> <tr style="mso-yfti-irow:1;mso-yfti-lastrow:yes"> <td style="padding:0in 0in 0in 0in"> ( قريبا مع مســـــاء الخير يامير ) هل سوف تتحفنا براويه ياملك ....!؟ ففى الانتظـار يصيبنى هوس برصد الاحتـــمالات الكثيره ( من قصيده لاحمد مطر ) أرجو أن تستوى على نار هادئه تلك التى فى رحم الابداع .اروع رواية على الاطلاق ( الجائزه ) او ( موعد فى السويد ) إسمان لروايه واحده من اكثر من ثمانمائه صفحة من الحجم الكبير وهى الروايه الوحيده التى كتبها الامريكى ( آرفنج ولاس ) كتبها فى 25 عـــــــــــــــــــــــــــــــــــاما . فى الانتظــــــــــــــــــار يا ملك </td> </tr> </table> طيب رايك شنو يا فيصل نحن كلنا نعمل رواية ونسميها الحكاية مثلا وتفتتحها انت وبعدين كل الناس تشارك فيها اقصد قبيلة المنتدى كل واحد يشارك ولو بكلمة يله قول بسم الله وابدأ

وقد استجبت
للنداء بتاريخ5 مارس

وأنـــا موافق وهو اقتراح مبتكر وسوف أقدم لكم الافتتاحيه لرواية (
الحــكاية ) يوم السبت
الموافق 10 مارس 2013 الساعه 4 صباحا إن
أمد الله فى الآجال وعليك إستنفار الاقلام لإتمام فصولها والوصول للخاتمة والتى ارجو
أن لاتكون تقليديه والى حلبه ( الحكايه ) وقد لاحظت
أن المنتدى عامر بمواهب كثيره تستطيع أن تحقق ضربات قاضيه .....الى اللقاء الساعه الرابعه
صباح السبت ؟؟؟؟؟؟؟؟؟؟؟؟؟؟؟؟؟؟؟؟؟؟؟

ولكن لم ترد اى اشاره من احد بالقبول او المساهمهوالآن نطرح الدعوهمره اخرى والاستجابه كماسبق وفى إنتظار
المساهمات وياعثمان سوف اقدم الفصل الاول ( لحكايه الحسن ود زينب ) الساعه الرابعه صباح
السبت 10 مارس وعليك الفصل الثانى ومن حفر حفرة لاخيه وقع فيها كما عليك المتابعه وحث
الاخوه على اكمال فصولها وإن أمد الله فى الآجال لتكن
لنا مشاركات اخرى فى اكمال فصولها
ولك وللجميع الشكر
وبالمناسبة نفتقد مساهمات
ومشاركات الاخ مجدى
عاصى القيد نرجو العوده
و الظهور بتآلق اكثر

)

التحية لك ابن المصطفنجى صاحب الدرر والقلم الفصيح ونصيح 0لاشئ اقوله لك الان قبل مايبداء عثمان 0لاتدعوا ان يكون النتظار سيد الموقف

فهنيئا لمنتدانا بكم 0000

والكل فى انتظاركم0000 لبيك ع 000 لبيك ف 000 داء نوع من الدلع

الفصــــل الاول ( الحسن ود زينب )

( فيصل محمد خير )

تسلل الحسن ود زينب عبر باب خشبى قديم للارضه بصمات واضحه عليه... باب لايصدر صوتا لأنه لا يتحرك صيفا او شتاء إن أمطرت الدنيا او عصفت حتى كاد أن يختفى داخل الحائط الذى يستند
اليه لمايزيد عن عشر سنين غرفه فقيره إفتقرت أكثر وحزنت على شاب نحيل فى السادسه عشر من عمره تسلل ليلا بحذاء خفيف من القماش وبطاريه قديمه و شال صغير وجلابيه العيد الكبير هديه إبن عمه (صديق ) فى قطر والتى حرص الحسن على إخفائها على عود الواوير مباشرة ثم يهيل عليها الباليات الاخريات ... غرفه لا يزورها احد حتى والده عند صلاة الصبح يقف على بعد متر و يطرق
الباب بعصاه طرقا عنيفا يوقظ الجميع ظل حاج العبيد حريصا على ايقاظ الحسن و عمره إثنى عشر سنه للصلاه ثم حلب اللبن وجلب البرسيم أو القصب لثلاث بقرات ومراح من نعاج و غنم ...كل ذلك قبل المدرسه التى كانت امر ثانويا تلك المهام مقدمه على كل شئ وإنجازها السبب الوحيد للحق فى جزء من قراصه بعد صلاة الظهر عليها ما لا يعين ابدا على البلع .... لم يتذمر او يطلب أى شئ حتى
الشاى كان لا يشتهيه ولا يشربه إلا فى حضور ابيه عندما تجمعهما جلسة لخدمة الضيوف... وحبات البلح التى يتناولها فى الحواشه هى ما يعينه على شرب الماء من ذلك الزير الذى يفتخر حاج العبيد أنه ورثه من جده النازح الى هنا بعد حريق الدفتردار والذى يقبع عند مدخل الحوش الكبير بالقرب من غرفة الحسن ومن مهام الحسن غسله وتعبئته صباح الجمعه حتى يضمن لنفسه ماء نظيفا ... غير مسموح للحسن بالتواجد فى الجزء الجنوبى من الحوش إلا عندما يناديه والده لامر ما ...فعيون الساره زوجة ابيه بالمرصاد ... لم تكن تتعرض له بكلمة او توجيهات غير لائقه امام ابيه .. فهناك تعليمات دائمه طويله الأجل تصدارها فى غياب حاج العبيد وهو وقت كافى لوضع اللوائح وتقسيم المهام وإدارة البيت وفق هوى الضره الظافره والتى يسرى مفعولها حتى تنساها هى اولا أو تنسخها باوامر أخرى ..

يتسلل الحسن ثلاث أو أربع مرات كل اسبوع ليلا الى أمه على بعد خمس كيلو متر خلف كثبان رمليه تغطيها أشجار المسكيت تفصل فريق ( الشيخ ) من فريق السوق .... فالطريق الدائرى الذى تسلكه العربات طوله أكثر من عشرة كيلومترات كما يضطره على تجاوز العديد من منازل خواله اللذين يستوقفونه للحديث والطعام ... فكان يفضل الرمال والوحده فهو فى حاجة وشوق شديد فقط ليضع رأسه على حجر أمه (زينب ) التى عانت فى صمت نبيل بعد زواج ابيه الثانى بالساره بت الشيخ (عثمان عجيب ) وطلاقها بعد شهرين من ذلك الزواج كطلب الساره ويقال أنها طلبت ذلك كشرط لقبول الزواج عندما خطبتها أخت الحاج عبيد الكبرى لاخيها والتى كانت تمقت زينب بل يقال أنها التى أوحت للساره بهذا الشرط .

[/right]

إنتظر حاج العبيد كثيرا والحسن لم يخرج للصلاه ولم يحمل جردل اللبن فهو مايزال فى مكانه فارغا قرب الزير... لاول مره يطرق الباب مرتين وسكونا غريبا يلف المكان .. تسلل الاب لاول
مره لغرفه لم يدخلها لعقد من الزمان .رسمت الغرفه دهشه كبيره حزينه على وجهه فالكتب وكراسات على قطعه كرتونه على الارض وعنقريب عليه برش مجهول اللون تآكلت اطرافه بفعل الزمن وصحن صغير عليه العشاء الاخير دون أن يمس ,كاد أن ... فاسند جسده على الانديق واستغفر الله وهو يهمس فى حياء(ماذا فعلت بأبنك يا العبيد ! ) الحسن ..! الحسن ...! ورغم تكرار النداء لا شئ سوى ما يدعو لمزيد من الألم ... نسى امر اللبن والبرسيم وهو يترنح خارجا من ذلك الكهف ... ويستغفر الله بينما انحدرت دمعه لاول مره تبلل خده منذ وفاة أمه الحاجه رقيه قبل خمسة عشر سنه ...
كان عاجزا تماما عن مواصلة السير فجلس على الأرض يحدث نفسه أن أمرا جللا قد حدث وأنه هو الفاعل

اشرقت الشمس وحاج العبيد مازال على الارض ... والفتحه الصغيره بين حوش المخزن ومربط الحمير وغرفه الحسن شمالا وبين الحوش الجنوبى حيث غرفة نوم حاج العبيد وثلاث غرف أخرى ومضيفه كبيره فاخره .. تلك الفتحه سدت بلون احمر ...فستان الساره الجديد أحمر وقفت به هناك تسد المدخل تماما وتحمل رضيعها فى صمت وحيره متسائلة ..لماذا يجلس حاج العبيد على الارض ؟؟! وعندما إستيقظ احد التيمان وتسلل بينها والحيطه نظرت اليه ثم دفعت به قائلة له أجرى شوف ابوك مالوا .... لم يري حاج العبيد التوم وهو يقطع المسافه تلك حتى ارتمى على صدره وهو يردد يابا يابا ...!. وعندما اجهش حاج التوم بالبكاء بصوت عال وهو يحتوى التوم بين زراعيه صرخت الساره سجمى يالحاج مالك ...!؟ فى شنو سمع صرختها عتمان ابن اخيه والذى كان مسرعا بحماره الى حلة تحت فترجل واسرع الى عمه الذى كان يرتجف من شده البكاء رفع رأسه الى مراة عمه التى تصرخ (عمك مالو ياعتمان ؟؟ مالو عمك ياعتمان ؟؟).أندفع عتمان الى حجرة الحسن ثم خرج مسرعا وهو يسأل مراة عمه .. وينو الحسن ؟؟ شن عرفنى غشير وينوا ؟؟ عمك مالوا ؟؟

فدخل مبارك ود الجيلى قبل أن يفتح الكنتين فرفعا حاج العبيد من الارض وساروا به الى المضيفه بينما اختفت الساره ثم ظهرت بدون رضيعها وهى تجرجر باقى التوب وتتمتم ( والله يالحسن كان سويتلك شيتن شين إلا أسود عيشت أمك زينب المسنوحه ..؟!) . بعد أن اجلسوا حاج العبيد على السرير خرج ودالجيلى مسرعا ودخل غرفة الحسن ودار حول العنقريب ثم خرج وهو ينظر الى الارض متجها
نحو الباب الخارجى ثم ركب حماره وإنطلق والجيلى لديه معرفة متواضعه بقص الاتر وبينما حاج العبيد صامتا وتثرثر الساره مع عتمان الذى لا يرد عليها فهى تعلم أن له ولاء ووفاء لزينب لم تفلح فى اختراقه .. دخل ود الجيلى وجلس بجوار حاج العبيد وقال ياحاج خير إنشاء الله الود بخير لكنوا يبدو لى ركب لورى وسافر للخرطوم

نادى حاج العبيد ابن اخيه عتمان وقال ليهو أمشى كلم امه زينب وطمنا وإن كانت عارف دربوا تمشى معاك ياعتمان وترجعوه وتقوموا بعربيه السنجك اليوم ماشى وجاى براكم لازم الحسن يرجع ياعتمان وانا من البيت دا مانى مارق لمن تجيبو لي سمعت .؟؟

رد عتمان وهو ساهم بعيدا : حاضر ياعمى إنشاء الله نرجع سوى ".

إنطلق عتمان متجاوزا الساره وكأنها غير موجوده فقد كان يحب الحسن كثيرا وهو اقرب الناس اليه .وقفت الساره فاغرة فمها تريد الحديث ولا تعرف من اين تبدأ ... وبعد لحظات استجمعت
قواها وشتات عقلها وقالت : يالحاج صحتك اهم من كل شىء . لم ينظر اليها حاج العبيد
وهو يبدو كمن يحدث نفسه شن سوينا فى الولد ربنا يغفر لينا ربنا يغفر لينا ) ثم انكفى على الحائط ببكي .

خرجت الساره وطلبت من ( بكرى) ود اختها يحلب ليها البقرات ويشوف طريقه للبرسيم وهى تمنى نفسها أن يكون الحسن ساق امه وطفشوا سوا من البلد فقد كانت ترى دائما فيها مهددا لبيتها وأولادها رغم مرور عشر سنين لان زينب رفضت الزواج من كل من تقدموا لها وكانت الساره تقول انها لسه عشمانه فى حاج العبيد . رجع عتمان وجلس جوار عمه .

عمى الحاج ..! زينب بتقول انها عارف الولد مسافر يمكن يستقر فى الخرطوم ويمكن يمشى مصر للقرايه وانو وبرسل ليها تعيش معاهو بعد ما تستقر اموره وبتقول ليك هى باعت كل شئ وسلمتو
القروش وكمان هم عافين منك وماعيزين منك شى وإنت أعفا منو !... ولم يكمل عتمان الحديث عندما انحدرت دمعه كبيره وسقطت على يده فخرج مسرعا متجاوزا الساره التى كانت تدخل حاملة صينية الشاى والطفل بيدها الاخرى. و

[size=24]يا للروعة... يا للابداع .. يا للورطة
انا عملت للفصل الاول برنت طبعتو وح امخمخ فيه في البيت بمزاج .. لكن اقول ليك تبرع لي بهذا الفصل وانت اكتب الفصل الثاني.. ولمن يجي وقت الفصل الثالث ليها الف حلال وللا اشوف لي غرفه من الغرف الجاهزة

... ولم يكمل عتمان الحديث عندما انحدرت دمعه كبيره وسقطت على يده فخرج مسرعا متجاوزا الساره التى كانت تدخل حاملة صينية الشاى والطفل بيدها الاخرى. وذهب الي فيصل خائف يترقب وقال له الله يخليك كمل الحكاية براك

إبداااااع .......إمتاااااااااع ......إشبااااااااااع
مواهب مدفونة .......درر مكنونة....جواهر مصونة
سرد رائع وجميل .....وفقك الله أخى فيصل

والله إلا أنا أركب فى ضهر اللورى مساعد ( حَلَة بس )

عثمان الشيخ الاسيد كتب:: [size=24]يا للروعة... يا للابداع .. يا للورطة

انا عملت للفصل الاول برنت طبعتو وح امخمخ فيه في البيت بمزاج .. لكن اقول ليك تبرع لي بهذا الفصل وانت اكتب الفصل الثاني.. ولمن يجي وقت الفصل الثالث ليها الف حلال وللا اشوف لي غرفه من الغرف الجاهزة

... ولم يكمل عتمان الحديث عندما انحدرت دمعه كبيره وسقطت على يده فخرج مسرعا متجاوزا الساره التى كانت تدخل حاملة صينية الشاى والطفل بيدها الاخرى. وذهب الي فيصل خائف يترقب وقال له الله يخليك كمل الحكاية براك

أنت صاحب الدعوه
والدار ونحن Basketball

ضيوف
فى انتظار المائده
ونتوقع أن تذبح
لنا بقره فلا
تمارى وتبارى وتجارى
بنى اسرائيل حتى
لا نفرض عليك مالا
تطيق ...

الضيوف ألآن يتحلقون
على منضده خاليه
أرجو أن لاتطيل
انتظارهم وسوف نمنحك
خمس دقائق تنتهى
يوم 15 مارس
الجارى ونعطيك الحق
فى اختيار المضيف
الثالث ... ما
تبحلق كده ... أمشى
جيب الطعام ..!

[quote="mohamed osman idris"][size=24]إبداااااع .......إمتاااااااااع ......إشبااااااااااع
[b]مواهب مدفونة .......درر مكنونة....جواهر مصونة
سرد رائع وجميل .....وفقك الله أخى فيصل
والله إلا أنا أركب فى ضهر اللورى مساعد ]( حَلَة بس[

بالمناسبه إنت مامساعد ياياي يعنى مصيرك تسوق اللورى وبعدين أنا ما بحرش ليك عثمان عشان ما يدعو الناس عندك المره الجايه ( الفصل الثالث ) وخلى الكلام دا سر بينا [/color]

[/b]

[quote="فيصل محمد خير محمد"]

بالمناسبه إنت مامساعد ياياي يعنى مصيرك تسوق اللورى وبعدين أنا ما بحرش ليك عثمان عشان ما يدعو الناس عندك المره الجايه ( الفصل الثالث ) وخلى الكلام دا سر بينا

المحتوى داخل النص على مسئولية كاتبه
والركاب الفوق اللورى مسؤولية منو؟
( مطباااااااااااااااااااااااات )

كدى خلينى أودى اللورى البحر أو الحفير وأوزن الكوز وانقرش بورى أب تلاتة وعدل على بيت عتمان
ي الأسيد جينا ليكا والفصل التانى الله يتمو ليكا
ي الأسيد الرجل البارع أنحنا جينا أمرق الشارع
ي الأسيد الناس راجاكا خد وهات وباص من كاكا
ي الأسيد سيب العويل باص مقشر وهدف عديل
فتك بعافية ونية صافية نضم الحرف واضبط القافية

[quote="mohamed osman idris"]

فيصل محمد خير محمد كتب:: بالمناسبه إنت مامساعد ياياي يعنى مصيرك تسوق اللورى وبعدين أنا ما بحرش ليك عثمان عشان ما يدعو الناس عندك المره الجايه ( الفصل الثالث ) وخلى الكلام دا سر بينا

المحتوى داخل النص على مسئولية كاتبه
والركاب الفوق اللورى مسؤولية منو؟
( مطباااااااااااااااااااااااات )

كدى خلينى أودى اللورى البحر أو الحفير وأوزن الكوز وانقرش بورى أب تلاتة وعدل على بيت عتمان
ي الأسيد جينا ليكا والفصل التانى الله يتمو ليكا
ي الأسيد الرجل البارع أنحنا جينا أمرق الشارع
ي الأسيد الناس راجاكا خد وهات وباص من كاكا
ي الأسيد سيب العويل باص مقشر وهدف عديل
فتك بعافية ونية صافية نضم الحرف واضبط القافية

صحي مساعد حله

[quote="عثمان الشيخ الاسيد"]

mohamed osman idris كتب:

فيصل محمد خير محمد كتب:: بالمناسبه إنت مامساعد ياياي يعنى مصيرك تسوق اللورى وبعدين أنا ما بحرش ليك عثمان عشان ما يدعو الناس عندك المره الجايه ( الفصل الثالث ) وخلى الكلام دا سر بينا

المحتوى داخل النص على مسئولية كاتبه
والركاب الفوق اللورى مسؤولية منو؟
( مطباااااااااااااااااااااااات )

كدى خلينى أودى اللورى البحر أو الحفير وأوزن الكوز وانقرش بورى أب تلاتة وعدل على بيت عتمان
ي الأسيد جينا ليكا والفصل التانى الله يتمو ليكا
ي الأسيد الرجل البارع أنحنا جينا أمرق الشارع
ي الأسيد الناس راجاكا خد وهات وباص من كاكا
ي الأسيد سيب العويل باص مقشر وهدف عديل
فتك بعافية ونية صافية نضم الحرف واضبط القافية

صحي مساعد حله

[

size=24]ههههههههههههههههههههههه
ما تنسى الدكوة والليمون والبصل والطماطم وكم قرن شطة خضراء

عشان حَلَتنا قطرا صفَّر[/size]

نحن بره اللعبه نحن بتاعين شربوت ساكت - انا احتفظ بحقي الأدبي في كتابة الفصل الاخير من هذه القصه وسوف تكون حلقه مشهوده ومحضوره بكل محبي القعدات

mohmdalsheikh كتب:: نحن بره اللعبه نحن بتاعين شربوت ساكت - انا احتفظ بحقي الأدبي في كتابة الفصل الاخير من هذه القصه وسوف تكون حلقه مشهوده ومحضوره بكل محبي القعدات

أرجـو أن لايقوم الاخ عثمان بمقلب عشان يتخارج ويعلن أن الفصل الثانى هو الاخير ويختم الحكايه لكن سوف نكشف الورق بضربه إستباقيه ونعلن ان فعلها عثمان الاسيد وختم بالفصل الثانى سوف نعلن فورا ( الحكايه ) الجزء الثانى

بالمناسبه ياعثمان المهله الــ 5 دقائق مرت منها 24 ساعه وباقى ليك 4 دقايق فقط وأحسن تدخل معسكر ...

يا جماعة انا الحاجات العلي ما قدرت اكملها ( المقلب والحديث ذو شجون) على كل حال انا لدي اسباب منطقية من عدة نواحي
من ناحية فنية:
الاخ فيصل طلب منى قبل كده ان اكتب رواية وتكون مطبوخه على نار هاديه والان هو طلع لنا بفصل اول من روايه مطبوخه على نار هاديه جدا فيها كما يقول اهل الشام( نفسه حلو) وكمان لها طعم ومذاق مميز ونكهه خاصة واي اضافات من اي طاهي آخر سوف تفسدها وحتى لا تعتقدوا اني اتهرب اليكم هذه العبارة التي كتبتها في 6 فبراير اي قبل فكرة هذه الروايه
المدام: اي اكله اعملها أنا بدون تدخلكم تطلع حاجه ما تخلص
كثرة الطهاه تفسد الطعام
مادخلت دماغكم؟ طيب خذوا هذه:
من ناحية بيولجية:
هذه الرواية هي تتكون وتتشكل في رحم ابداع فيصل ولا يمكن لاي كائن ان يتدخل لاكمال هذا المولود سوى الخالق و حده وفي هذه الحاله هو فيصل واي تدخل سوف يؤدي الي تشوه الجنين
ما دخلت دماغمكم ؟ طيب خذوا هذه:
من ناحية ادبيه:
الذي بدأ المسير في الطريق هو الاخ فيصل والطريق امامه واضح ويري حتى نهايته وهو الان تركنا عند
مفترق الطرق وطلب منا ان نواصل المشوار دون ادله ترشدنا والادله هنا هي الافكار والتصورات والاحلام والذكريات والاشواق وهي خاصه به هو فقط ولايستطيع ان يمنحها لاي شخص حتى لو اراد وبدونها نحن سوف نخرج عن الطريق ( النص)
ما دخلت دماغكم .. طيب خذوا هذه:
من ناحية عقائدية:
حسن وزينب تدخلني في دائرة الاتهام بالتشيع
ما دخلت دماغكم.. طيب خذوا هذه:
من ناحية شرعية:
هذه الرواية من بنات افكار الاخ فيصل ولا يجوز لي الدخول عليهن وانا ليس من المحارم
بعد دا كلو كان ما عجبكم انا بشيل فروتي بمشي اعتكف في المنبر الاسلامي وتاني اصلو ما اجيكم مارق

mohmdalsheikh كتب:: نحن بره اللعبه نحن بتاعين شربوت ساكت - انا احتفظ بحقي الأدبي في كتابة الفصل الاخير من هذه القصه وسوف تكون حلقه مشهوده ومحضوره بكل محبي القعدات

رب ضارة نافعة .. فعلا فيها منافع
سبحان المعبود

أنت يا عثمان أعجبتك القصة كما أعجبتنا
مورط نفسك مالك؟
هذا اللون التراجيدي لا يكمله إلا من بدأه
منتظرين من عثمان قصصه المعهودة من القفشات والمقالب التي يجيدها
لكن قصتك يا فيصل روعة في ناس تحدرت الدموع على خدودها وهي تلهم الكلمات وتسابق الاحداث
أها الحسن لقوه وللا لسه؟ ولقوه وين ؟ وعامل شنو؟ أخد أمه وللا لسه؟
منتظرين
الشربوت خمر يا أفندي
ولوريك يقسم يا محمد
ونحن بصلتنا حرقت

رب ضارة نافعة .. فعلا فيها منافع
سبحان المعبود

وهناك ايضا رب نافعه قد تكون ضاره هل تعرف ما هي ؟ هي علاقتنا بدولة جنوب السودان - عذرا هذا لا يعتبر خروجا عن النص لان في نهاية القصه حاج العبيد سوف يذهب الي الجنوب ويتزوج هناك ويترك لحسن الجمل بما حمل

اخونا فيصل شمر عن ساعد الجد كسر الابقة وهبر الموية وسقت وروت كل الحيضان والجناين واخضر البرسيم ونور البرتكان والمنقة

انهم ابناء الغابة مفعمون بالابداع بشتى انواعه وها هو فيصل ويلتقط الغفاز ويسير فى طريق حاتم
لك التحية اخى فيصل

أول مره أشوف لى جعلى يطلع الناس من بيته بدون طعام دا شنو ياعثمان الضيوف قاعدين فى الصفره يطلعو خشم ملح ملح ..

طيب عرفنا عثمان سيد البيت هرب واعتكف فى المجمع الاسلامى البقيه مالكم دقوا صدركم وسوقوا الضيف عندكم وكلكم بيوتكم قريبه وعامره يلا ...
وفى الانتظار يصيبنى هوس برصد الاحتمالات الكثيره ربما ينبرى لنا أحد من الصامتين او من حيث لا نحتسب ....

فيصل محمد خير محمد كتب:: أول مره أشوف لى جعلى يطلع الناس من بيته بدون طعام دا شنو ياعثمان الضيوف قاعدين فى الصفره يطلعو خشم ملح ملح ..

طيب عرفنا عثمان سيد البيت هرب واعتكف فى المجمع الاسلامى البقيه مالكم دقوا صدركم وسوقوا الضيف عندكم وكلكم بيوتكم قريبه وعامره يلا ...
وفى الانتظار يصيبنى هوس برصد الاحتمالات الكثيره ربما ينبرى لنا أحد من الصامتين او من حيث لا نحتسب ....

هههههههههه الحمد لله انا طلعت منها ...لكن المشكلة في الزول الـ عمل فيها مساعد حله
تعال تم الرواية ليتم ترقيتم من مساعد حله الي حله....ههههههه انا اوريك الشماته الما بتعرفها

mohmdalsheikh كتب:: رب ضارة نافعة .. فعلا فيها منافع
سبحان المعبود

وهناك ايضا رب نافعه قد تكون ضاره هل تعرف ما هي ؟ هي علاقتنا بدولة جنوب السودان - عذرا هذا لا يعتبر خروجا عن النص لان في نهاية القصه حاج العبيد سوف يذهب الي الجنوب ويتزوج هناك ويترك لحسن الجمل بما حمل

و شال صغير وجلابيه العيد الكبير هديه إبن عمه (صديق ) فى قطر

هو (صديق) قاعد معاكم في قطر كشف ليكم القصة
راحت عليك يا فيصل

الصادق ابو حسن كتب:: أنت يا عثمان أعجبتك القصة كما أعجبتنا
مورط نفسك مالك؟
هذا اللون التراجيدي لا يكمله إلا من بدأه
منتظرين من عثمان قصصه المعهودة من القفشات والمقالب التي يجيدها
لكن قصتك يا فيصل روعة في ناس تحدرت الدموع على خدودها وهي تلهم الكلمات وتسابق الاحداث
أها الحسن لقوه وللا لسه؟ ولقوه وين ؟ وعامل شنو؟ أخد أمه وللا لسه؟
منتظرين
الشربوت خمر يا أفندي
ولوريك يقسم يا محمد
ونحن بصلتنا حرقت

اللورى مرة يقسم
ومرة يبسم ومرة ينسم
قام الأسيد حجزوا فى القسم
وقال الموضوع لازم ينحسم
يفتى فيهو سيد الإسم
الحبك الرواية وبدأ الرسم
عشان ( نفسوا ) ما ينقسم
وتكتمل الحكاية وتبقى بمثابة
العافيـــــــــــــــــــــة للجسم

عثمان الشيخ الاسيد كتب:

فيصل محمد خير محمد كتب:: أول مره أشوف لى جعلى يطلع الناس من بيته بدون طعام دا شنو ياعثمان الضيوف قاعدين فى الصفره يطلعو خشم ملح ملح ..

طيب عرفنا عثمان سيد البيت هرب واعتكف فى المجمع الاسلامى البقيه مالكم دقوا صدركم وسوقوا الضيف عندكم وكلكم بيوتكم قريبه وعامره يلا ...
وفى الانتظار يصيبنى هوس برصد الاحتمالات الكثيره ربما ينبرى لنا أحد من الصامتين او من حيث لا نحتسب ....

هههههههههه الحمد لله انا طلعت منها ...لكن المشكلة في الزول الـ عمل فيها مساعد حله
تعال تم الرواية ليتم ترقيتم من مساعد حله الي حله....ههههههه انا اوريك الشماته الما بتعرفها

darkred]]ههههههههههههههههههههههههه

اللورى من زمااااااااااااان قدام بيتكم
والركاب مكندكين وبالسهر عيونن مورمين
يلى أبدأ
واحد موية .....واحد سفن أب
واحد حلو مر ....واحد شربوت
وأنا بلفــــــــاك
بالحلة أم قطر قام

والمفتى بقول ليك
بنات الأفكار زي ملكة اليمين
ما يحتاجن محارم

[/size]

» لبيـك عثمان الشيخ الاسيد ( الحكايه / الفصل الثانى)
» لبيــك عثمان الشخ الاسيد/ الفصل الرابـــــــــــع
» لبيك عثمان الشيخ / الحكايه الفصل السابع
» لبيك عثمان الشيخ / الحكايه الفصل الثالث
» لبيــك عثمان الشخ الاسيد ( حكاية زينب 11)