المنتدى دا فيهو مريخاب ولا ما فيهو

أنا عن نفسي هلالابي
بتمنى للمريخ يفوز بفارق ثلاثة أهداف في مباراة الرد في كمبالا عشان يواصل المشوار

من مبدأ أنا سوداني وبس

يا سلام عليك دى الوطنية والله بلاش
انا موجوع من يوم السبت لكن كلامك ده
خفف تلك المواجع ونتمنى للمريخ الانتصار المؤزر

لكن وقت الجد في الدوري السوداني
ما بتنمنى ليكم إلا الهزائم الواحدة تلو الأخرى
ومن الهلال بالذات
والسنة حا يكون مسح شديد إستعدوا .......

لو غير المدرب ده تشكيلة الفريق شوية المريخ ممكن يفوز كمية

راجي بره التشكيلة
هيثم في التشكيلة
باسكال يرجع دفاع
يطلع علي جعفر ويدخل مهاجم بدله أوليفيه
رمضان عجب بره التشكيلة يظل شيميلس مكانو
وباسيرو بمبا مكانو
يعني يلعب بخطة 4-2-2-2

اما فلسفة كروجر ما بتفيد

(ممادو تراوري) (أوليفيه)

(شيميلس) (أحمد الباشا)

(هيثم مصطفى) (باسيرو بمبا)

(الطاهر الحاج) (ماعارف اسمو) (باسكال) (غاندي)


(أكرم الهادي)

سمعت والله أعلم إلي أن يأتينا الخبر اليقين
أن كروجر إستبعد من البعثة
باسيرو بمبا
وهيثم مصطفى
والطاهر الحاج
إذا كان الكلام ده صاااح أقدر أقول ليكم المريخ طاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااار

انا مع المريخ شقيش ما يقبل
منتصر والله مهزوم
ده عشق ومهما يحصل للمريخ من كبوة
فهو المريخ لن ولم نتبدل
ما اول ولا آخر فريق ينهزم
وخلاص يا ناس ابو الهل كاساتكم الجبتوها
تفرقنا لكم فى الدورى وخموا وصروا

محمد ميرغني عبدالرحمن كتب:

انا  مع  المريخ  شقيش  ما  يقبل
منتصر  والله  مهزوم
ده  عشق  ومهما  يحصل  للمريخ  من  كبوة
فهو  المريخ  لن  ولم  نتبدل
ما  اول  ولا  آخر  فريق  ينهزم
وخلاص  يا  ناس  ابو الهل  كاساتكم الجبتوها
تفرقنا  لكم  فى  الدورى  وخموا  وصروا

ده زعل زول فؤيقو طااااااااااااار وما لقى ليهو حته يرك فيها

ده مدربكم المطرود مرتين قبل كده قال خليني اوريهم وأطيرهم من دوري الأبطال
أول من عادى هيثم أفضل صانع ألعاب في السودان وشرق أفريقيا
وأوليفيه الذي لم نره ولكن المعروف عنه أنه هداف متميز وصانع ألعاب جيد 

ابو برمودة الله يجازيه

ما تنسى برضو اعتماد المريخ على الأجانب في مراكز حساسة مثل حراسة المرمى وكذلك في الهجوم بنسبة 100٪
قام بتدمير اللاعب السوداني تماما

ياودالشخ لمانا المنتدى من الباجا حتى ابو قسى فى ناس فوق للحفير وناس تحت
للحفير لمه ادوها عين حاره شتتت الشمل الا من تعوز
الاخوة فى حلة السعداب ومعهم نفر كريم من حلة تحت ممسكين بالخيط
وانا كنت جارهم لكن العولمة رحلتنا فوق والمريخاب دايما متطلعين
زى فريق القوز

سؤاااال

الغابة دي ما فيها فريق كورة ولا شنو