فز بواحدة منهن

نصايح ...ربّما جاءت متأخرة!!

إن بقيت بخيت.....ربنا يديك....امرأة هدية ورضية.... السماحة ما ضروري لانو بعد شوية...... ما حتكون ليك سمحة..... حتكون عادية....... نصيحة ليك.....النسوان البقولن ديل اوعك تعرس واحدة فيهن.

الفنانة..........والحنانة........والحردانة.....والمدرسة..........والمدبرسة........والمفلسة.... النوامة.......والحوامة......واللوامة,,,,,البوبارة............ ...والكوُبارة....والخبّارة ,,,, الممحوقة.....واللايوقة' طيب...اجي اوريك ليهن؟

الفنانة.....

حتمرق معاها وتقعد تحوم.....في الحفلات...وتشوف كرسي قدام.وتقعد فيهو..شايل عكازك....وسكينك في ضراعك....وعينك عليها.......ان راجل بشّر ساكت..... تتحنفش...وتقوم......الا يهجروك اتنين...علي الكرسي.....وتجو نص الليل راجعين اهلكم....والنهار كلو نايمين...

الحنانة........

طول النهار برا البيت....تحنن في نسوان الرجال....وهي كرعيها يكونن ما شافن حنة ليهن سنتين...والنهار كلوانت تحاحي في الشفع مايلمسو الصبغة....

الحردانة......

دي حتكرهك حياتك....اقل كلمة...تتقنّع توبها وتجري بيت ناس ابوها...وتلحقها انت.....وتلقى ابوها....تقعد في طرف العنقريب....تطقطق...في اصابعيك.. ومدنقر في الواطة...وداير تراضيها ترجع البيت....... لكن احسن حل لك يا تسكنو مع ناس ابوها...ياتجيب ناس ابوهاعندكم ....عشان توفر المشاوير والجري..........

المدرسة..........

أول حاجة دي ما بتقدر تفرق بينك وبين الطلبة......وحتقعد..... تعيد وتكرر في الكلام مليون مرة..زي برنامج من الأمس الفي تلفزيون السودان....وممكن جدا تسرح وتقول لك فاهم يا شاطر؟

المدبرسة........

تلقها طوالي زهجانة.....وشايله اخلاقها في طرف نخرتها...وان كلكلتها ما تضحك........في النهاية حتوديك التيجاني الماحي...... نزيل اكتئاب

المفلسة.........

ما دايرة أي شرح

النوامة.........

تجي من الشغل نص النهار وزهجان.... تلقاها....تانيةالمخدة وخاته ايدها تحتها....وتشخر... وريالتها سايله...وحالتهابالبلا.....وتكره اليوم الفكرت انت فيهو في التكاثر........

الحوامة.........

طول اليوم فوق كرعيها...في الحلة من بيت لبيت.....وتدخل البيت.. قبال ما انت تجي من الشغل بخمسة دقائق....وتجري تولع النار.......وتطبخ لك القطر قام....واول ما ينتهي الغدا ....تدخل في سفنجتها....استعداد لرحلة جديدة

اللوامة.....

دا نوع مزعج جدا.....لو جبت سيرة اخوك ساكت....تفتح فيهو...الله بيسألني.......سنتنا ديك وقت انت خليتنا بلا قروش وسافرت.... يدخل ويمرق علينا مدلدل ايدهو...كيس موز ساكت ما بيجي شايلو.......ولو جبت سيرة امك...... هي والله امك دي اصلها ما بتريدني.....من تشوفني تزعل والنيران تطلق فيها...وتمد قدومها.....ووليداتي ديل السلام.... يا الله ويا امين تسلم عليهم......

البوبارة.......

دي تحملك فوق طاقتك...تشريك الما بينشري....وجيت ناس في البيت...تجري علي علبة الدهب...وتتعنكش كلها من راسها لكرعيها....وتقعد تنضم..بايديها وكرعيها ورقبتها...واضنيها...عشان توري الدهب

الكوبارة........

دي تكبر أي موضوع...وتسوي ليهوتوم وشمار..... وتقولك ناس القبور دقو الطنبور...... لو شافع من شفعك.....عتر ووقع...... تصرخ وتخت ايديها في نص راسها.....وبطول حسها.....ووووووووب علي ووووووووب علي...مااااااات ..ماااااااااات........ يسمعوها في الشارع....والغريبة لوانت كنت نايم وسمعتها..... تقوم مخلوع.....وتمرق من الاوضة لحدي نص الصالة.....وانت بسروالك........اما لو كان عندك قلب مرضان....اللحظة ديك....من المهد الي اللحد

الخبّارة......

البي تدور الشمار..... لو في نضم تلقاها سكتت الشفع....ونهرتهم عشان تسمع.......الجيران مالهم بيهرجو وصوتهم عالي......ولو كانت بتكوي لك في هدوم.....قطع شك......قميص ولاّجلابيه.....حيكون في عداد ضحايا الحريق.....وممكن الملاح...يحرق وممكن الجردل يكون في الماسورة.... يتملي والبيت يغرق من الفيضان......وحرمكم المصون واقفة فاتحة خشمها وتصنت للجيران........

الممحوقة ............ .

دي ان جبت دكان كامل وختيتو لها في البيت تكملو في يومين......تصوطو كلو فوق تحت...........لكن ممكن توديها لاصحابك الزعلان منهم لو عندهم مناسبة تطبخ لهم.... عشان....لما المناسبة تنتهي يشحدو وانت تتبسط........

اللايوقة..........

دي حكاية تانية.... تمسك في موضوع يحلك منو الجليل الرحيم......يا...دا ....هوي يا دا..... الليله يا يمة....طرشت؟...وقدرما تطنش هي مصرة.....وممكن تجي جنبك وتخجك.....خجة جامدة عشان تنتبه...... للنقة

طبعا يستنثى من كل ذلك نسوان زمان ، والأمهات الشامخات ، لكن نسوان حسع الله يستر
منقووووووول
عايزين الرد من الجهة المقابلة بنفس القوة

زائر

والله ما خليتو لينا شي بس يا ود ابو ادينا فرصة ندخل المختبر يومين ونجيب ليك وصفة ما تنوصف عن انواع الرجال

بس يصراحة موضوع حقيقي في شكل غالب كوميدي يفطس من الضحك

وينك يا هادية منتظرين ردك من المختبر وللا عايزة تستنسخيه؟

زائر

طلبك علي العين والرأس ود ابو

واليك بعض انواع الرجال وكيفية التعامل معهم:

* الرجل الودود ذو الشخصية البسيطة هادئ وبشوش وأعصابه تتميز بالاسترخاء

يثق بالناس ويثق ايضا" بنفسه

يري نفسه بخير والاخرين ايضا"

كيف تتعامل معه قابله باحترام وحافظ علي الاصغاء الجيد

* الرجل الخشن: قاسي في تعامله حتي انه يقسي علي نفسه أحيانا"

لا يحاول تفهم مشاعر الاخرين لانه لايتق بهم
يحاول ان يترك لي الاخرين انطباعا" بأهميته

مغرور في نفسه لدرجة ان الاخرين لا يقبلوه
كيف تتعامل معه اعمل علي ضبط أعصابك والمحافظة علي هدوئك

* الرجل الثرثار: كثير الكلام ويتحدث عن كل شي وفي كل شي

يعتقد انه معم
يقع في الاخطاء العديدة
واسع الخيال ليثبت وجهة نظرة
كيف تتعامل معه : قاطعة في نصف حديثه وعندما يحاول استعادة أنفاسه قل له ياسيد السنا بعيدين عن الموضوع المتفق عليه

* مدعي المعرفه:

لايصدق كلام الاخرين ويبدي دائما" اعتراضه

يحاول ان يعلمك حتي عن عملك ايضا"
كيف تتعامل معه: حافظ علي هدؤك وتمالك أعصابك معه

* الرجل الخجول :
يفتقد الثقه في نفسه

من السهوله ارباكه
متحفظ ويتقلب لونه لاقل تأثير

يحاول الاختباء خلف الاخرين

كيف تتعامل معه :
حاول ان تعمل له زيادة ثقه في نفسه وذلك بوضعه في مواقف مضمون نجاحها