كلام الشارع السوداني

والله اعتبرها (تنوير) زى مابيقولو ا ناس الجيش وخاصة بالنسبة للاخوة المغتربين الذين لهم سنوات طويلة غائبين عن البلد وبالنسبة
يمكن ينطبق عليهم المثل من علم لغة قوم امن شرهم وايضا ازيدك عبارتان ايضا سمعتهم يرددونها فى السودان :
أ) عملنا فيها ابو القاسم محمد ابراهيم (اى لمن يقتسمان الشئ بينهما )0
ب) عمل فيها يوسف عبدالفتاح ( وتضرب لمن يفتح خوفا من شئ او من مطاردين له - (بمعنى الهروب )0
وحقيقة انت مواكب لايقاع الحياة بالوطن0 فلك الشكر

شكرا الاخ عمر شكرا الاخ حاتم وشكرا الاخت هادية
بس ما تقولو الزول دا جنكيز خان وملقنجي وبتكشم كتير وبعمل نوال الزغبي ههههههههههههههههههه

شكلك شفت يالحبيب وماشاء الله بتتكلم ( اردو ) كويس ...... ربنا يديك العافية

شكر الاخ سعيد ولاخ محمد والاخ الصادق علي المرور الطيب وبالمناسبة المصطلحات اغلبها مستخدم في الوسط الطلابي والمصيبة الاكبر ناس كل جامعة بختلفو في المصطلحات عن الجامعات التانية و الجامعة ذاتها تلقي كل دفعه وكل قروب عندو لغة خاصة بيهو

دي حاجه كدا جديده
‏_‏ فحط = اجري بسرعه
_ الطربيزه فيها جوكر = اقفل الموضوع عشان في زول انت بتقطع وتتكلم فيهو
_ اي قرد يشوف شدرتو = اي زول يمشي في إتجاه
_ كب حنكك = قول كلامك
_ جاري التيب = ماشي البيت
_ سجائر طلوس = بنطلون ضيق
_ حزام شلوتك جامد = جزمتك حلوه
_ طربانه = حفله
_ نشيلها موزه = نمشي بي طريق مختصر
_ امسك لي وانا اقطع ليك = ساعدني واساعدك
_ كب جازك = اشتغل بي طريقتك
_ الزرقاء = القروش فئة عشره جنية 
_ الحمراء = القروش فئة خمسه جنية
_ الخضراء _ ام بقره = القروش فئة خمسين جنية
_ متر = مبلغ مائه جنية
_ ارنب = مبلغ مليون
_ كلب = فئه جنية
_ الطاره كبست = الشرطه جات
_ زول 4 ساي = ما ناقش حاجه
_ الكتمه وين = الحفله وين
_ بلف = كمساري
_ اب جيقه = زول سمين
_ رقعه = تدي زول قروش بدون مقابل
_ ما تتشعبط في دفار مادفارك = ما تمسك شغله ما بتاعتك
_ منقطها = زول عارف اي حاجه
_ سايكو = مجنون

والله ى (اسلى) (الرصه) بتاعتك (حنينه)(متر متر) و(اسليه) بس م كان ف داعى (تسيح) لينا كمان
ى (هياتى) م (تدقس) تانى(وتفت) كلام من النوع ده لانو ناس (عبد الجبار) (بيوسعو عليك الضيقه)
ى (هياتى)رأيك شنو(ارص) ليك (رصه) (تشيــــــــــــــــــــــده) (ومووووبااالغه)(شامبيون) عديل كده اها انا وصاحبى خالد مشينا اليوم داك (حبيبك مفلس) اخوك (نشن) ليهو على(مزه)( تشيـــــده) غمزت لى (عمك خالد) وهو عمل(رايح)( وكبرها) معاى وقالى انت(متوهمن) (الجاحه) دى(خااله) ساى دى(فاته الدور) (وجهجه الحول)
المهم قال لى (بى جازك) كان (ظابطه) معاك امش (حنك) ولو لقيت(الفرده)بتاعه قاعد اعمل ظريف(وابقى خفيف) واعمل رايح( واركب التجانى الماحى) اها مافى داعى (افت ليك)الباقى مشيت لقيت (البرنامج) (فى الويت) وعملت (فى الليله ديك) (وشلت الجراح) ولسه (الساقيه مدوره)
اها ي (اسلى) (ازيدك فى الدلال شويه) ولا( كفاياك حنان)!!!!!!!!!!

كلام جميل كما عودتنا دوما

ههههه
الاخ الصادق: والله انا زاتى م فاهم اتخيل انا قعدت ساعه علشان اجمع الكلام ده بس بصراحه ده الاسلوب المستخدم فى الشارع عندنا بس م تفهمنى غلط زى م لزقها تحياتى فينا وقال اللغه دى منتشره فى الجامعات والكلام ده م صح احنا صحيح فى لغات بتستخدم بس تختلف ممكن تقول فيها التاثير التكنلوجى او احيانا فيهها بعض الكلمات الانجليزيه ولغات الشات بس استحاله ود ناس يتكلم باللغه دى............

وبعدين ممكن تسأل تحياتى بشرحها ليك برووواقه لانو زول خبره شكلو!!!!!!!!!!

_ شنو يا الصادق الطربيزه فيها جوكر يابنج
_ بنج = مدير 
_ ياعبدالحفيظ قصدك لغه الشات ذي خخخخخخخخخ و هعهعهعهعهع ( ديل يعني هههه ) هسي سألتك بالله في ود ناس بضحك كدا ؟
_ خخخخخخخ دا عليك الله ضحك ولا نوم دا
_ وماتقول لي دي مافي في الجامعات عشان دي بالذات ضحكة ناس حناكيش ذي ناس الأحفاد و و و
_ وبعدين يا الصادق من تعلم لغه قوم امن شرهم تدقس تجي السودان يرندكو فيك شميس يموسروك وانت ما ناقش ابو الرا

.

وبالمناســـــــــــــبة .. القـامـــــوس .. تحــت الطـــــــبع .. عن قــريب سيتم التوزيع ... ..

يعنى تانى مافى زول حيكون مسطح بعد القاموس ده الشكر لك يا تحياتى