لو كنت شجاع ادخل وجاوب بكل صراحة؟

زائر

الانتخابات عدت وفاتت

وكل حي مرشح عرف مصيرو

لكن حبيت اسخن المنتدي شوية بالرغم من وجود الكرسي الساخن

صوتك اديتو منو؟

انا عن نفسي طلعت من بيتنا وفي رأسي انصر بت جنسي ( بت محمود) واذا فازت ولا مافزت ما مهم المهم اصوت للمرأه المهم الحصل دخلت الستاره وقلت يا ساتروأخذت القلم وقلت بسم

الله الرحمن الرحيم طلع لي البشير وقال لي افي عليك يا (بت عووضة )مالك معزبه حالك ونازله اخر القائمة ما شايفه الوجاهه دي عارفاك عاوزة تدي منو (بت محمود)وعايزه تجمليها

ان شاء الله تجمليها في حلو وليداتها انا( الجبت ليكي الكهرباء)( وسفلت ليكي شريان الشمال)( وخليتك تصلي اهلك بدري بدري)( وشربتك الموية البارده)(بت محمود ) سوت ليكي
شنو والكلام اثر فيني صراحة وقمت طوالي صيييييييييت ختيت ليهو صوتي قدام شجرتوا وطلعت بره وانا في حالة زهول من الموقف لاقتني ( بت محمود)وقالت لي دي عمله تعمليها يا

(بت عووضة ) في زول يشوت الكوره في ملعبوا وكان ردي ليها الحكايه ( مكجره ) بلغت اهل الكورة اسوي شنووبعدين قلت ليها تعالي هنا توديها وين يا ( فطوم ) السفينه غرقانه
و(الجنوب علي شفا حفره من الانفصال )(ودارفور مولعه نار) مالك يا(فطوم) ومال وجع الرأس وكلام ناس السودان الكثير والتاريخ مابيرحم اترشحي بعد اربعة سنه تكون الاحوال

هدية وان شاء الله تفوزيي قالت لي : صدقتي يا ( بت عووضه )طلعنا سوا ومشينا اتغدينا وكل واحد يقول للثاني التاريخ ما برحم وقعدنا نضحك بطريقه هستريه

وهذا ما حصل معاي حاولت اسرده لكم بطريقه كوميديه ساخره

وكثيرين حصل معاهم نفس الشي

وفي النهايه شباب الاختلاف في الراي لا يفسد للود قضية

* والسؤال قائم صوت لي منو؟

اتوقع تفاعل كبييييييييير

زائر

انا عن نفسي سديت دي بي طينة ودي بي عجينة ولا سجلت من اساسو عشان عارفين الامتحانات مكشوفة والناس بتخش بي بخرات وكدا كدا كان صوتك اترفع للقوة 1000 برضو اللي بالي بالك هو الفائز

عضـو عدد الرسائل : 91 تاريخ التسجيل : 11/03/2010

الحمد لله انا عمري ما صوت ولا بعرف التصويت دا شكله كيف لكن ياهادية اليشوف كلامك ايام الانتخابات يقول انك مقاطعاها عديل ( يـــــــــــــــــا خلف الله مـــــــــــــــــــا خـــمــــيـــــــــــــــــــــتـــــــــــــــنــــــــــــــــا )

لكن يا هادية ما وريتينا قبضت كم بعد صوت للبشير؟ ههههههههههههه ، رغم انه خلف الله قال لينا إحتفظوا بالسر لكن انا حقيقة ماصوت للخزان ولا للكهربا ولا ولا ولا....................... بس لسيد الظلط ده أجمل إنجاز شايفو لانه الفكر فيه والإجتهد فيه والدفع عليه سواء كان مواطن او حكومة حاسى بالجمرة الما بحس بيها لا الواطيها

يا أخوانا ما تخلّو الموضوع يمشي شوية
القانون يقول : يمكن لأي انسان ان ينشر فضايحه أقصد مذكراته بعد مضي عشرين سنة
دا عشرين يوم ما تمت تقوموا تفكّوا آخركم، وآخري ما بفكو لكن حأكتبها في مذكراتي ههههه( سياسي كبير)
لكن يا هادية دي ما حبيتها منك

بعد خالص الود والتقدير
أختي هاديه0
لقد صوتنا لمن أرتضى له ضميرنا
ونحسبه القوي الأمين
ونستغفر الله من زنبا إرتكبناهو ونحن لا ندري

شرد الكلام منى وسكت

تقبلي مروري

شــــــــــــــــــــدرة النيم،،،،،وراها حرييييييييييييم

يمكن لأى شخص زاد عمره عن سنتين أن يصيغ شعاراً كالذى صاغة قلم الأخ جدو ، ولكن يأبى وقار الكثيرون من توقيعه ، ولكنى أتذكر شعار مرشح الإتحادى الراحل زيادة حمور ( مافى إثبات دا كلام فتوات ).

اخي طارق قصدت ان اضع هذا الشعار لانه الشعار الذي كان يتنادون به الجانب الاخر ايام الانتخابات ومن الطرائف انو في اول يوم للتصويت كان المركز يعج بالنساء فهمس وكيل حزب المؤتمر الوطني في اذني قائلا معاهم حق الناس ديل لم قالو شدرة النيم وراها حريم،،،ووضع هذا هذا الكلام ليس استخفاف بالمراء فهي الركيزه الاساسيه التي تترتكز عليها بناء الامم ووراء كل عظيم امراءه،،،،،اســــــــــــــــال الله ان يديم وقارك ووقار كل من يرفض قلمه ان يخط مثل هذه الشعارات الصبيانيه ودعونا نحن،،،الذين لانكتسي بالوقار فهو من شيم الكرام لعلي لست واحدا منهم

الاخ جدو شكرا على سعة صدرك، حقيقة فقد إستوحيت من تعليقك السابق إستخفافاً بالمرأة أولاً وبخيارات الآخرين ثانيا، وأنا أعلم تمام العلم أن مرحلة الإنتخابات تفرز كثيراً من الشعارات المسؤولة وغير المسؤولة ، والشعار الذى كتبته أنا كان للقطب الإتحادى زيادة حمور عندما هتف له البعض فى الغابة ( زيادة عجوز ما حيفوز ) فكان أن رد عليهم ( مافى إثبات دا كلام فتوات ) حسب خلفيته القانونية والعهدة على الراوى.

مرة أخرى لك التحية

زائر

يا جماعة مشكورين علي تفاعلكم وانا صراحة كنت متأكدة من النتيجة سلفا" ومكنش في خيار ثاني ( وبت محمود ) دي

داخرنها لليوم الاسود

لكن الي الان اجوبتكم كلها سيايسة و دائرة ولافه

ادخل وجاوب بكل صراحة

انا تقريبا" عارفه اتجاهات معظم الاعضاء وصوتي هذا ليس بالضرورة يعني انا ( شدره) بل هي حالت يأس افضت
الي الجلوس تحت الشدره في انتظار (مطرقة ) ( محمد نقد ) او ( عكاز )( عرمان ) يعكز الجماعة

يابت محمود ( اقصد يابت شيخ عووضة ) انا قايتو صوتا لاكن مابقدر افشي سري الان إلا الانتخابات الجاية لاكن خلي السياسة شوية بلاش وجع قلب مع تحياتي علي مواضيعك الثرة

زائر

صلاح حميدة عيد كتب:: يابت محمود ( اقصد يابت شيخ عووضة ) انا قايتو صوتا لاكن مابقدر افشي سري الان إلا الانتخابات الجاية لاكن خلي السياسة شوية بلاش وجع قلب مع تحياتي علي مواضيعك الثرة

( ياود حميدة )السيايسه دي مع وجع قلبه ما بنقدر نخليها يقت لينا ذي ( التمبااااااااااااااااااااااااااااااااااااك ) علي قول حبوبتي

» ادخل وجاوب واطرح سؤال
» بي صراحة شديدة رايكم شنو في الزواج !!!!!
» ادخل و اختبر ذكاءك
» الحق ادخل وشوف جحا عمل شنو مع القاضى
» ادخل واكتب ما عندك في حق الوالد