ماذا تمثل لك الهدية؟

زائر

مما لاشك فيه ان الهديه لها دور السحر في تقوية العلاقات بين الناس ومن منكم لم يفرح بالهدية حتي لو لم تكن محتاج لها المهم انها تقدير متبادل بين الناس والرسول الكريم اوصي بها ( تهادو ا
تحابوا) وما شرط الهدية تكون قيمه او ذات سعر مرتفع وماتنسوا معشر المغتربين (الهدية ) وخاصا" الشهور القادمه شهور اجازات يعني عطر او ثوب للعمه او الخاله او الاخت يكونوا

مبسوطين عنك ( اربعه وعشرين قيراط) اما اذا رحت لهم (ايد وراء وايد قدام) ذي ما بقول المثل اكيد بيزعلوا منك حتي لو لم يظهروا لك ذلك والاطفال اكثر الفئات فرحا" بالهدية حتي لو كانت قلم رصاص

سؤالي لكم ماذا تمثل لكم الهدية والتهادي بين الناس ؟

الهدية حتي ولو كانت بسيطة تعني التقديروتدخل الفرح والسرور في نفس الشخص وتقوي الصلة
لكن اختي هادية باقيلك الزمن دي بقي الواحد محمول عندنا اخ عزيز كل مايدور يسافر نقول ليهو السنة دي الهدايا كيف
يقول ليك انا المسطرين فضل لي شي للهدايا( المسطرين بمعني انو قاعد يبني في البيت)ههههه
وفعلا مهما كانت بسيطة لكن لها معاني كثيرة
بس خلو بالكم الجماعة بقو يعرفو حاجات باب شريف من المولات من سوق الرولة بدرهم ودرهمين
نكتة ظريفة حكاها لينا الاخ زكي مكي ربنا يطراة بالخير
قال في مرة من المرات هو مسافر اجازة مشي للشاعر عبدالله محمد خير وقال ليهو عاوز لي كمية من الجلاليب المهم جهزها ليهو ومشي وزع للحلة كلها جلاليب بعد فترة اي واحد يقعد في الكرسي يقوم الجلابية تتسلسل وراهو سوهوها نكتة وسموها جلاليب زكي(بقي اي واحد جاي مسافر اهلو يقولو ليهو اوعك تجيب لينا زي جلاليب زكي

مشكورة بس اول حاجة انتي بتفطري بي شنو وبتجيبي الحاجات دي من وين والهدية يكفي انها تزيد الترابط والتواصل والاحترام بين الناس بس ياريت الناس ماتستخدمة تجارة اذا جبت للواحد جلابية لازم يكسر رقبتو يجيب ليك جلابية ومعها فتيل ريحة او عمة ,والتوب لابد يكون ردو بثوب وفستان الخ

[b]يقـــــــــــــــول الرسول صلي الله عليه وسلم تهادو تحابو لا شك ان الهديه تنمي المحبه بين الناس ولا يشترط ان تكون الهديه كبيره فالهديه مقبوله ولو كان حبة فوله كما يقولون

زائر

الاخوان

عاطف الجلاد

الوليد عبد السلام

جدو حسين الشيخ

شكرا" علي مروركم العطر

وددت لو اهدي للاحباب تزكارا قلبا وروحا وايضا احلى ازهارا

لاشك ان الهدية مثل الابتسامة لغه تصل القلب ولا تحتاج لترجمان وتجلب المحبة

ولا يهم حجم الهدية المادي بقدر ما يهم حجمها المعنوي الذي يُوصل الاحساس بالمحبة والتقدير الخالص

ويكفى دليل على ذلك الحديث الشريف المزكور سابقا