دقونا دق العيش

زائر

 _ زما ا ا ا ا ا ا ا ا ا ا ا ا ا ا ا ا ا ا ا ن كان بجلدونا بي سوط عنج ريحه القطران طاقه منو _ وبجلدونا بي عب الواطه  _ وبالجلده  _ ولما يرحمونا كان بجلدونا بي عود نيم ولا جريده بتاعت ود لقاي  _ والجلد البكون بي حنان بكون بي فرع بتاع حنه _ وفي السقط والبرد بقطعو يدينا عشان الناس بتكون مردفه والواحد لابس سته بناطلين وكركاسه وفنيله برد وقميص وسيوتر ومتمسح بالزيت وبلمع ذي الدبشق _ وفي اساتذه بدقونا بالمتر وبالمسطره في ضهر يدينا _ يخلو اصابعك خدرانة _ وفي اساتذه بقرصوك بالقلم في اضانك لغاية عينك تجيب دموع  _ وفي اساتذه بدخلو القلم بين اصابعك وبضغطو علي اصابعك لغاية روحك تتشحتف _دا كان زمان _ بس الأيام دي _ الأيام دي في منابر إعلامية كتيرة فاتحه سيرة إستخدام الضرب في المدارس _ وكلهم قالو مايكون في جلد في المدارس _ انا شايف لو ما كان في جلد في المدارس البلد كلها كان بقت اميين _ بالسوط يا الله يسمعوا الكلام _ بدون سوط علي الطلاق يكفتو الأساتذة _ لكن جلد بي تمييز _ ولو زول عندو ولدو عيان مفروض من بداية السنة يكلم إدارة المدرسة عشان يعاملوه معامله خاصه _ انا لو كنت استاذ ما برفع السوط كتير _ بس بحرص علي وجود السوط في الفصل لزوم ترهيب وكدا _ ومع هذا كله انا ضد المعلمين الحمقي البيضربوا بي تشفي وغل _ كأنو البيضربوا فيهم ديل حمير _ حرام عليكم ديل اطفال ياخي _ رأيكم شنو في موضوع الجلد دا يا ناس ؟ _ الطلاب ح يلتزموا ويسموا الكلام ولا وليدات الزمن دا بمشوا بدق العيش واربعه منو يطير جنو؟

زمان ولي الامر يقول ليك اللحم حقنا والعضم حقكم لكن الان تلقى الام توبة نصو في الواطة ونصو في جسمة داقنو مالكم سوة شنو والابو يكون لحق فتح البلاغ , ولاننسى قوله صلى الله عليه وسلم في امر الاصلاة اامروهم بها عند السابعة واضربوهم عند العاشرة باعتبار هنالك سن لابد ان تكون العقوبة ترهيب وجلد لكن بتمييز

رأيك في العيش ده شنو بعد مادقوه ياتحياتي ؟

وبعدين الحكايه شنو الناس كلها عايز تعرف تحياتي ده منو في النهايه يطلع تحياتي هو ( كابتن ماجد والله كبتن شنو كده ماعارف )

العقاب لابد منه ، وليس العقاب هو العقاب البدني فقط - ولكن الأهم من ذلك أن يكون المعلم قدوه حسنه للطالب بعدين يفكر في العقاب

الضرب ينفعهم والعلم يرفعهم مقوله كانت سائده وتلاشت اليوم،،،،وياود ساتي نحنا تحياتي زماااان عرفناهو،،،ولامش كدا ياااخي

من أمن العقاب ساء الأدب
هذه المقولة اثبتت صحتها تماما في حقل التعليم
لان الطلاب درجات
منهم من يجبرك على احترامه
ومنهم من يجبرك على دقهم
وبينهما درجات

العيش اذا مادقوا مابنفع وكذلك الطلاب ( لكن كما قال أ.الصادق ابو تبقي هنالك فئه من الطلاب تجبر المعلم علي احترامهم )

» المشكلة تتجاوز العجز الجنسي ـ صحة الرجال في خطر!
» «أدّي العيش لخبَّازُه ولو يأكل نصّه» تطبيق عصري
» فن العيش """""""""""""""