عايز اتجوز (قريبة أم غريبة)

طلال يس كتب:

بدون رتوش
كلهن في البداية عسل وفي الاخر زي ال ......
لعنهم الله

[size=24]دا كلام كبير خلاص يا ابو الطل
خفف من حدتك شوية ديل نصف المجتمع ومن غيرهم النصف التاني لا وجود له
ان النساء رياحين خلقن لنا *** فمن لا يشتهي شم الرياحين
ولا تقل :
ان النساء شياطين خلقن لنا *** اعوذ بالله من شر الشياطين
في ناس جارين وراهم عايزين نؤهلهم كلامك دا حيشردهم
قيل لأحدهم الزواج برميل شووييية في اول البرميل عسل والباقي التحت كلو زفت
قال اذن انا فتحت البرميل من تحت
على كل ياطارق الزواج قسمة ونصيت (الارواح جنود مجندة ما تعارف منها ائتلف وما تنافر منها اختلف )
وفي كل الاحول خير ولكن ليكن سعيك نحو الاقارب فيه خير كثير

؟؟؟؟؟؟؟؟

فيم التحفظ يا نقدابي ؟؟

لعلي فهمت من الاخ طلال انهن كالشياطين لعلهم الله،،،دائما حقوق المراءه مهضومه يكفي انها صانعة الرجل ووراء كل رجل عظيم امراءه لك الشكر ود ابو،،،،،،،،،،،،،،،،،كان الله في عون المراءه

أهلنا قالوا شوف الخال وخال الخال كان الجنا يطلع بطال.خال الغريب ليس فقط يصعب التعرف عليه إنما مجرد التأكد بأنه خال يحتاج الي خال

بسم الباري
المراةء
مخلوق عجيب الفاتن الفتان
تستطيع بحربائيتها المطلقة ان تخلق منك انسان ملاك وتحولك الي شيطان مارد اواخرس كما تحب
ولاكن المصيبة بدون فهم في معظم الحالات
لان القدد الفهيمية عندها في الكوارع واللسان فقط

اليمشي بي راي الحريم
ماظني في مامن رقد
واليتبع احلام الحريم
القرعة مداها وشحد
البات علي باب القوي
والفره من البيت شرد
زول يشقي شان يرضي الحريم
عدوهو زول فاقد الرشد
ديل طينة الفيها الله قال
في جيده حبلا من مسد
مرقن ابونا من النعيم
كيدا من الشيطان اشد
ناقصات عقل تعليم ودين
تسلم اياديهو الوأد

للحديث بقية وبفلترة علمية
ودي لكم

طلال

ياود ابو
نقد شقال فايبريشن مالو

الفلاتر دي ياها المنتظرنها ... ملاحظة : القصائد واحدة واحدة أحلى . تضمن الاستمراريه والمتابعة والقرآءة بتمعن .
سلامي لك وشكراً
دي كانت رسالة قبل ان يأتيني أشعار بوجود مداخلة في نفس الموضوع الى الريس .والله كنت زعلان من تصريحك الا ان مداخلة احدي الأخوات خففت
عني .وخليك على تواصل ومشكور .

[color=green][b]الاخ طارق
إن أردت إجابة لتساؤلاتك أسأل الجميع
هل من تزوجتها هي أول من فكرت فى الإقتران بها؟؟
هل طابقت كل المواصفات التى كنت ترجوها قبل ان تتقدم إليها؟؟
إذا كانت غريبة ألم تكن نفكر فى القريبة؟؟
إذا كانت قريبة الم تكن تفكر بالغريبة ؟ وما درجة القرب التى كنت تفكر فيها بنات الخال / الخالة / العم / العمة أم من البلد وخلاص؟
كل واحد أخد على الأقل شاكوش شاكوشين وبعد داك شاف الدرب العديل .........ها... ها...ها...
غايتو انا كل فترة كدا بقول لزوجتى فلانة ديك انا كنت دايرها.... وفلانة ديك رشحوها لى
الاخ طارق إبحث عن التى تناسبك فى محيطك ولكن إن كنت تريد المرأة الكاملة فإنتظر[/color] ( الحور العين ).[/b]

يسدوها بي جاي تتقدا بي جاي

الأخت نسيبة أراكي حملتي الكلام فوق ما يطيق باستخدامك تعابير قاتلهم الله، هيمنة الرجال، النضال وإن ذكرتي فرعون وصحبه فبوسعنا ذكر إمرأة سيدنا نوح وإمرأة العزير وإمرأة أبي لهب دون أن يكون ذلك دليلا علي سوء النساء علي العموم.فالنساء شقائق الرجال والحياة السعيدة قوامها تعاون في كل خير بين الجنسين لا كما أشرت أختي الكريمة بعدم وجود صالح فالصالحون أو قل فالخيرون كثيرون بالرغم مما ذكره الأخ الكريم طلال والذي أراه قد قسي قليلا ولكني أظنه قد قصد إثارة الغبار كي تكون المداخلات قوية وصادقة والدليل مداخلتك المكيدة دون أن ننسي أن ما تستشهدين به هو الذي وصف كيدالنساء بالعظيم بينما وصف كيد الشيطان بالضعيف وأعطي الرجال حق القوامةلا الهيمنة لكنه أمرهم أن يرفقوا بالقوارير ونحن نعتبر إكرامنا للنساء دليل علي كرمنا وإهانتنا لهن دليل علي لؤمنا. وكل شئ ولا العنوسةيانسيبةخاصة بعد أن أفاد الأستاذ الصادق بأنها لا تطلق علي الرجال.

دا كلو من طارق أظنوا لقي واحدة غريبة خدرتو ونسي جهاز التخدير وجمد المواضيع العامة والغيرةعلي البلد وخايف يقولوا ليهو الغيرة هذه عايزة أثبات أقلاها الزواج من‎ ‎ أهل البلد. لكني أرجع وأجزم بأنه يعتبر أعضاء المنتدي أهله ولذا يستشيرهم ويجس غيرتهم نحو البلد

وسع الدائره غريبه من البلد

الموضوع افسدته الملاسنات المتبادلة ومداخلتى لاتتعدى انك وانكى يوم خرجت من بطن امك فقدرك معروف الى اى بيئة ستذهب وقريبة او غريبة سيقودك قدرك اليها فبدلا من .... و..... الخ اطلب من الله ان يكون قدرك بحسنة الدنيا .. اما هن فالبيئة التى ستخرجين منها والتى ستذهبين اليها هى خارطة طريقك التى ستنفذين مافيهما... شكرا

والله يا طارق البوست سمح شديد
وسماحتو من سخانتو
وسخانتو جات من مداخلات الناس الحلوين الفوق ديل ...
وشايف دخاخينو قلعت
لكن غايتو انت ما قصرت معاي ابدا
لقيت لي العذر لما قلت :
((( كل من يأنس في نفسه الكفاءة عليه بالرد سريع ...
يفضل من لديهم خبرة علمية او علمية في المجال ...)))
والحمدلله الاتنين ديل ما زولهم انا
وبارك الله في إمرئي عرف قدر نفسه ,,,
لكن ما عندك مشكلة
بجي غاشيك كل مرة بي جاي ,,,,



سلمت يا عريس ,,,,,,,,, بره الخط