حا جات غريبة ..

الحاجات التي تدعو للاستغراب كثيره وغريبه .. يعنى مثلا:
صاحبنا حاتم سعد.. يكون قاعد معنا فجأه يقرر انو مسافر لبلاد غريبه عشان يشوف حاجات غريبه وفعلا يسافر ويجي راجع مستغرب انو شاف حاجات غريبه

واحد تاني يقول ليك انو ماشي شارع النيل عشان يشرب كباية شاي لبن بسبعه جنيه وفعلا يروح شارع النيل ويشرب الشاي بسبعه جنيهات ويجي راجع مستغرب انو كباية الشاي في شارع النيل بسبعة جنيه

وكمان انا مستغرب في الناس يتفرجوا علي سباق الخيل بكل حماس وشد اعصاب وفي النهاية هم عارفين النتيجة... انو في حصان ح يطلع الاول

وبرضو بالنسبة لكرة التنس سواء كانت تنس طاولة او تنس ارضي .. يعنى انتو منتظرين شنو .. في النهاية الكورة ح تقع من واحد من الاثنين

والاغرب من كده جمهور كرة القدم السوداني .. لما يكون فريقهم لاعب مع فريق اجنبي تلقاهم متحمسين ومتعصبين وفي النهاية النتيجة معروفة انو فريقهم مغلوب

لكن الاكثر غرابة هو .. منتدانا ...
نحن سمعنا .. بالزواج الجماعي والنقل الجماعي وحتى الانتحار الجماعي .. لكن اول مرة اشوف .. احجام جماعي....
يله يا جماعة اي مشاركات
ان شاء الله ونسة ضل الارتيق
لتقوها زي موضوعي دا لتيق
وربطوها بحبال الاشميـــــق
اكتبوا ان شاء الله على ورق الاوريق
عشان منتداكم ما يكون متيق
ههههههههههههه

الشي الوحيد الماهو غريب انو فيصل محمد خير يحجب باقي الفصول .. وبالمناسبة كثير من الناس يسالوني عن فيصل ويقول لي صاحبك دا قال كده وصاحبك وصاحبك وهم يقصدون فيصل.. وبعضمهم هو الذي اخبرني ان فيصل حجب باقي الحكاية.. قلت ليهم لكن ما شفنا منكم تجاوب... واحد منهم قال لي والله انا قريت كل روايات الطيب صالح وكلها عجبتني لكن ما علقت على اي واحده منها.. قلت ليهو يعني شنو؟
انا غايتو كنت مشغول شوية مع تاسيس مكتب وطول يومي مع الباكستاننجي والافغاننجي
الناس منتظرين الحكاية يا ولد المصطفنجي
وانا كمان لسه ما نسيت ( مساء الخير يا امير) والمقلب الكبير
وللا انا غلطان؟

حقيقة فى اللحظة التى تأبطتُ فيها منســأتى ومخلاتى للسفر والاعتكاف داخل محراب المنتدى وصلتنى إشارات خفيه بضرورة التأجيل أو تغيير الاتجاه فتوجستُ خيفة أن أكون ضيفا ثقيلا سمجا فارضا ما اعتقد أنه مفيدا او ممتعا او مقبولا لدى الغير وهو فى الحقيقه عكس ذلك . فبدأت احسب خطواتى على المنتدى وأسترق السمع وأنظر من خلف ستار سواء فى الاضافات الجديده او التعليق على ما يطرح متحفظا وحافظا سر الطريقه و محتفظا بمسافة أمان بينى وبين من سبق وقلت لهم ( إن الذى بينى وبينكم لن ينتهى أبدا ...) ورغم أننى أتسور فى حذر حائط المنتدى أكثر من مره يوميا .... اعود لاهثا يكاد يقتلنى الظمأ والمــاء فوق ظهورنا محمول

أنا ربيت ابنائي على هذا المبدأ ( ليس المهم رأي الناس فيكم ولكن المهم هو رأيكم انتم في الناس)

الصادق ابو حسن كتب:

أنا أدخل المنتدى وعارف الناس محجمة عن الدخول مع ذلك أنا ما مستغرب
لأني عارف ناس الغابة عندهم حاجات كدة عجيبة
كلهم يقولوا يا أخوانا المشروع الفلاني عايز دعم مفروض كللللللللللنا نساهم ولما يجي وقت المساهمة كلللللللللللهم ......
بالمناسبة دي يا ناس الغابة في كل مكان دار أبناء الغابة في انتظاركم يا شبااااااااااااااااااااااااااااب
ما بقول مستشفى الغابة الكوشة ( على حسب كلام آخر من رآه) قصدي المستشفى الكوشة مش الغابة كلها يعني الكوشة صفة راجعة للمستشفى مش الغابة
اقتراحات بالكوم في وقت واحد وبعد دقيقة ما تلقى اي تنفيذ مطروح أنا بستغرب مين البنفّذ؟ كأن الواحد قال: اللهم قد بلغت اللهم فاشهد
وعشان ما تقولوا أنا بقترح زي وزي الناس في موضوع الدار وبزوغ
تبرعت للدار بمبلغ (1000) ريال وسأرسلها في أي لحظة للنذير علي عووضة عضو اللجنة ولكن ........ مين حيتبرع معاي؟ يللا يا شباب
سبق وقد تبرع أيناء الغابة بالدوحة بمبلغ من المال وذلك في الأشهر القليلة الماضية ولكن حجم العمل كبير جدا
وأنا بستغرب
كل الناس عايزة تقرأ عثمان الأسيد كتب شنو وبالمناسبة ، دا الشرّد ناس أبو بكر وحاتم وفيصل ترنتي والمشير وكمال وعصام ووووووووووووأخيرا محمد عثمان والأفندي خفّفوا وأرجاني يا الأفندي
أنا بستغرب واحد يقول لك ما نزلت المناسبة الفلانية في المنتدى ، في خيار وفقوس بين الناس؟ ( طيب يا خي ما تنزل انت خيارك خلي فقوس الناس ! ) بالطريقة دي كل الناس حتبقى خيار من خيار
والبستغرب ليه بالجد واحد يديك فكرة ويعتبرها جهنمية وهي فعلا ممكن تكون جهنمية ويقول ليك نزلها في المنتدى
واحد يقولك أنا قريت الموضوع الفلاني في المنتدى ومفروض اليحصل كدا وما تقول كدا والصحيح كدا

المشير......قاااااعد ...ومشارك.. ومستغرب.....

( همتاعاغلف مخنهعتا زوى عهنتغلث تصدق ! )

لا والله ما معقول !!!
أنا أفتكرته غير كدا
معنى كدا الراجل دا معذور

[quote="الصادق ابو حسن"] ( همتاعاغلف مخنهعتا زوى عهنتغلث تصدق ! )

لا والله ما معقول !!!
أنا أفتكرته غير كدا
معنى كدا الراجل دا معذور

[size=24]لا والله معقول ونص . وانت الشاهدد يا ريس .. لما اعترفت أنا بعدم معرفتي للسباحه.. وانت قلت نعم انا متخصص في الجمباز والحركات الاكروباتية وخلو فيصل يعبر لوحده

هو وافق ونزل البحر وقال يا غرق يا جيت حازمها
انا لا شلت جلابيتو ولا حاجة
دا زول متصلبت ساكت داير صديق ود عم الحسن يرسل ليهو جلابية من قطر

..

.........



.

التحية للاخوان الاعزاء عثمان الاسيد وفيصل محمد خير واستاذ الصادق ومحمد محجوب وباشمهندس محمد الشيخ والحقيقة تشكرون لمحاولاتكم الدؤوبة بعث الروح فى المنتدىتلك عملية ليست
بالسهلة وهى قريبة جدا من مسألة العزيمة على الاستمرارية فى العمل العام رغم المعيقات التى قد تواجه من يتصدى للعمل العام ورغم المخذلين والمرجفين فى المدينة كما كان يحلو للمشير
الزبير رحمة الله عليه ترديد العبارة الاخيرة المرجفين فى المدينة والظاهر الله يرحمو كانت عاجباهو العبارة - الحقيقة ياطيبين انا اصنف نفسى واضعها فى قالئمة البشر محدودى الذكاء وتكالب
على ذلك دخول مرض السكرى عنوة الى دارى باسطا ذراعيه لاحتوائى وكذلك نادى الولد العربى ومصارعته للهروب من الدرجة الثانية كلها جعلت الفهم صعب لذلك انا فهمت من الموضوع
المطروح انو اخونا الاستاذ العزيز الصادق ابو دخل معاكم فى الدردشة وقلبو هناك مع البلد وطبعا دا ليس تشكيكا فى وطنيتكم لا والله لكن الراجل حكى عن المفارقات الحاصلة يعنى
اشار الى مواضع الالم وفى انتظار التيم الطبى الذى يعالج ولايكتفى بالوصف فقط والله انا كنت داير الاخوان المحترمين يدلو بدلوهم حتى من خلال الدردشة فيما جاء من ملاحظات الاستاذ
او حتى لوجاءت المشاركة بصورة فنية (كاركاتيرية ) او قفشات ساخرة توضح مدى عدم جديتنا نحن اهل الغابة خاصة المغتربين فى عدم حمل الامور محمل الجد خاصة العامة واننا وقت
الجد (نكب الزوغة ) تحياتى لكم ايها الاخوان والاهل والقرايب الاعزاء 0

عزيزى وقريبى عثمان الاسيد التحية والتقدير لك الحقيقة من خلال كلماتك اكتسبت بعض القوة فى مواجهة الصديق اللدود السكرى وسوف اعامله باحذ ر عدوك مرة وصديقك الف مرة0
فى شوق لمداخلتك حول العمل العام لا لشئ الااننى على قناعة كاملة اننا سنستفيد من فكرك حول ذلك المنحى 0
بخصوص النادى العربى فكرتك وكلامك جميل اوحى لى انك رياضى من الزمن الجميل وايضا لاعب خطير ومرت بخاطرى رابطة الحماداب المشهورة قلت اكيد انك من مشاهيرها 0
لك تحياتى اخى عثمان وقد نلتقى قريبا لاننى بصدد المرور بجواركم - الى اين اكيد معروف اذا امد الله فى الآجال كما يردد دائما احمد البلال الطيب مقدم برنامج فى التلفزيون السودانى
شكرا يازعيم 0

!!!!!!!!!!!!!!!!!!!

ليس بعد كل ما قيل قول يقال