الشوق شاقاي،،،

2010/10/16 - 10:10

والله مشتاقين كتير
تقدر تقول (الشوق بحر)
واللوعة جاوزت الحدود
واللهفة في الاعماق مطر
من شدة الشوق والحنين
الليلة غالبنا الصبر
ملينا من طول الغياب
ومن قعدة الريد منتظر
ما لينا غير الشوق انيس
وغير ذكرى نديانه وشعر
نحسب ليالي الانتظار
وكيفن بضيع بينا العمر
ونردد النغم الحزين
والذكريات دائما تمر
تحكي الحنان الكان زمان
قبال يطول بيك السفر
واللقيا تصبح مستحيل
والشوق يكون قسمة وقدر
لا كلمة منك لا خطاب
لا حتى تعبير مستتر
خليت وراك حيرة وعذاب
وحكاية يكتنفها الخطر
خايف يطول ليل البعاد
وما ألقى من بعدك صبر
والقى الفراق غلب الغرام
وقليبي من الشوق فتر
والريدة تصبح ذكريات
أو طيف على الخاطر عبر
تلويح
وآه من الشوق لو تعرفونه!


(نقلا عن صحيفة الاهرام اليوم السودانيه)

هادية شيخ عووضة كتب:

شوقي شوقا" شوق الشوق وريدي ريدا" ريد الغير
وحني حنا" حنن الحن وجيت اشابي وقصرا" ايدي

صراحة وسائل الاتصلات مسخة الشوق شوية اديك مثال لو كنت مسافر وليك سنين مارحعت البلد وكنت علي اتصال دوما" بالاهل لما تصل شوقك موجود بس ما زي زمان زمن كنت لا تسمع صوتهم ولاتراهم يعني زمن ظروف الجوابات الحنية الوقت الحالي تطور الموضوع واصبح بالامكان ان تري من تشتاق الي رؤيته عبر الكمبيوترات المزوده بالكمرات

لكن شوق ا لعشاق ده كلامو براه

مشكـــــــوور،،،،،(هــ)يااخت هاديه علي المرور والاضافه وماعدمناكي

ياطير ياماشي لي اهلنا بسراع وصل رسايلنا
والشـــــــــــوووق ماتنسي ياطائر لكل البسالك عنا