بوست المفقودين (والله فاقدنكم يا جماعة)

هم كثر ولكن بحجم المشاركات الاسطورة هادية -الرشيد خالد- خالد حاج احمد-اريج
-اكرام -هبة -سارة- محمد مصطفى - والان مع رمضان عمر موسى

ارجو من الأداره وبعد اذن الإداره التثبيت للبوست عشان لما يرجعو يحسو بإننا مانسياهم
وشكرا

شكرا" لإدارة المنتدي وربنا يرجع جميع الناس الغائبين عشان يعرفوا انحنا مانسيناهم ولا ح ننساهم بإذن الله
وياجدو البوست دا اذا مامهم بالنسبه ليك وماعاجبك اكيد مهم لي غيرك ودا يكفي

اؤايد كلام جدو حسين انا برضو كنت من المطالبين بتثبيت موضوع ثوره المزارعين لاهميته واتذكر الاخت هاديه كانت ايضا من المطالبين

اضم صوتي لصوت طارق عبد العزيز وجدو عبد العزيز وهاديه بتثبيت موضوع اعرف اكثر عن جدودك،،،،ثورة المزارعين وهو بلاشك اهم موضوع علي المنتدي برايي لانه يعرف الزائرين وبالذان الشباب عن تاريخ جدودهم

ياجدو البوست دا اذا مامهم بالنسبه ليك وماعاجبك اكيد مهم لي غيرك ودا يكفي

لا ياتحياتي البوست عاجابني وزينه السرور عليهو،،،وما انت اول من تطرق موضوع زي كدا ارجع لي ورا شويه بتلقانا سبقناك فيهو وعارفننا متذكرنهم،،،،وبنسال عليهم بالتلفونات خلي عبر صفحات المنتدي بس انت كعادتك (واقصد الشق الثاني منك)تحب دائما تصطاد في المياه العكره،،،انا لمت الاداره لمطالبتنا بتثبيت موضوع ثوره المزارعين وشئت ام ابيت اهم من البوست بتاعك دا
والداير يغيب بيغيب بعذر والداير يشارك مابشارك بكلامك دا،،،وانشاء الله يجو يطبلو ليك،،،،

خلينا من موية عكره وبتاع انت قلت الفي ايدو القلم ما بكتب نفسو شقي ممكن بعد اذنك يا استاذ تفهمني قاصد بالجمله دي شنو؟

كن في الحياة كعابر سبيل وأترك وراك كل اثر جميل فما نحن في الدنيا الا ضيوف وما علي الضيف الا الرحيل

جدوحسين شيخ محمد كتب:

لا اعتقــد ان هذا البوســت مهم من موضوع ثوره المــزارعين الذي طالبنــا بتثبيته ولم ينظــر في الطلــب،،،،الفي القلــم مابكــتب نفســو شقــي،،،،

ياجــــــدو .. الموضـوع مافيهــــو اي شـئ .. واعتبره خـاص بالاعضــــــاء فقـــط وليس لهــذا افــرق بين البوســـتات .. والثبيت .. ربنا يثبتنـا نحـــنا ....


.

مياده محمد المتوكل كتب:

يلا يـــــــــاود كيري الله يثبتكم ثبتــو الموضــوع .. الموضوع دا مهــم ،،،،عشــان جــدي معــاهم ههههههـــــا

.[/center]

ان قصدت ثوره المزارعين ياود كيري وانت فهمت والله غايتوووووو
ماقلنا جدي ياناس عشان اللاجيال تعرفووووووووووووووووووو

يا جدو النشوف منو البصيد في الموية العكره
دا موضوع عن الناس المفقودين واذا حضرتك انت وعبد العزيز ومياده عندكم رأي في حاجه اسمها شكاوي واقتراحات وفي حاجه اسمها رسائل خاصه رسلوها للأداره
بنقتكم ولومكم دا البوست فقد مضمونو
وتقول انا بصيد في الموية العكره وانت جاي تلوم في الاداره وتقول الفي ايدو قلم ما بكتب نفسو شقي
انشاء الله يطبلو ليك
يا اخوي ما محتاج لتكسير تلج كفاية انت عندك البرمو ليك طعمية
طلب من الأداره بحذف البوست دا وتثبيت ثوره المزارعين عشان جد مياده فيهم
ولو ما قادرين تثبتوا انا متبرع ليكم بي طن اسمنت وطن سيخ

يا شخينا انت وغيرك داير تطالب تطالب في نفس البوست الانت عاملو
الاداره ما نفذت ليك تكتب في الشكاوي والاقتراحات وما من حقك اصلا تكتب وتلوم في بوست بتاع عضو تاني
ولومك دا فيهو توريه انت فاهمها وانا فاهمها
انت في فهمك تحياتي الأبن المدلل للإداره ولا تحياتي دا ياهو محمد محجوب
اقول ليك حاجه معرفتي بيك شيخ محمد حسين شيخ محمد اكتر من معرفتي بي محمد محجوب والصادق ابو
مافي داعي للكلام الانت بتقولو دائما" دا
محمد محجوب ولماذا ؟
تحياتي دا داير يطلع نيوتن؟
انحنا ذاتنا نسجل بأسما مستعاره
الفي ايدو القلم ما بكتب نفسو شقي
يدوك الأشراف بالأسم ويدوها لي ناس بالفعل
يا جدو يا اخوي شيل الوسواس دا من رأسك ومحمد محجوب دا قسما بالله عرفتو في المنتدي دا وكذلك الصادق
الشيطان مربوط في رمضان وعشان كدا فكر بمزاج و ح تلقي نفسك لاعب معاي ضاغط
ومياده وعبدالعزيز ديل عارفك عارفهم وانا ذاتي عارفهم بس خليك لاعب ضاغط كدا والناس بطلعوني انا غلطان
ليه
عشان انا واخوي علي ابن عمي وانا وابن عمي علي الغريب
يا كرمبو تحياتي وتحياتي ومحمد محجوب وهادية وبتاع امن ونيوتن

ما ذكرت هادية وطارق عشان ديل طالبو في نفس البوست الانت كاتبو

شوفي يا مياده وشوف يا عبدالعزيز خلو حافظ يحكي ليكم
نتشاكل نختو مع بعض قرض نطلع من البوست دا ننسي الحصل
ما داير اعتذر ليكم ولا غيرو بس عاوز اقول ليكم طريقة طلبكم من الإداره تثبيت الموضوع كانت ما صاح
دا بوست موفقودين دايرنهم لما يجو يلقو الناس اتذكروهم مش الناس مطالبه بحاجات تانيه
للمره التانيه ولا تشيلو حاجه في نفسكم
وانت كمان يا طارق يا سبب البلاوي
وانت كمان يا المفتش كرمبو
وانا ياجدو لو داير اصيد في المويه العكره كان لخبطت الدنيا
متذكر موضوع البيع
الصادق ابو في بداية الموضوع ما قال حاجه
الاخ حافظ ظلب وقف الموضوع
ارجع شوف الصادق قال لي شنو
دا عشان حضرتو بعرف حافظ وما بعرف تحياتي
وقالوا دا منتدي اجتماعي بحت ومادايرين مواضيع سياسية
والناس كلها طالبت بكدا
بعد كدا في كم موضوع سياسي اتكتب؟
وانت عندك كذا موضوع سياسي والناس كانت بتأيدك
انا لو داير اصيد في الموية العكره كان طلبت من الإداره ذي ما قالوا دا منتدي اجتماعي يركزوا في كلمتهم
راجع نفسك يا جدو وراجع كل ردودك علي مواضيعي سوف تجدها لا تخلو من الأستفزاز او السخرية او التورية

اخيرا
الدنيا رمضان ويا مياده ويا طارق ويا عبدو وياجدو امسحوها في وش الزول الدمر حياتي
ساهرتو بينا شكلكم كدا دايرين القطريين يدونا خروج بدون عوده

لك الشكر ياتحياتي والله لم نقصد بكلامنا شئ والله سوي ان يثبت الموضوع والله لا افرق بينك وبين جدو فكلاكما اخوتي
وبعدين ماف داعي يااخي للطعميه والتلج والكلام دا دا كلام ياتحياتي بذعل والله جد جد وعيب يااخي تقولي لي بت بتجدعي طعميه زعلتني بجد والله واقسم لك انا كررت تثبيت الموضوع لشئ في نفسي وزكرته بوضوح ماعشان كاتبو جدو او غيرو
والله لااظن جدو او عبد العزيز او طارقاو اي فرد في المنتدي بشيل من الاخر بس هي مجرد دعابات لتحليه المنتدي وعموما اعتذارك مقبول وتعالو نبيض النيه،،،،ولو ردودنا بتزعلك بلاش منها ياسيدي

حمدا" لله ع السلامه

مشكور ياريس , وعيد مبارك علينا وعليكم قاعدين , لكن الواحد مرات مابكتب

سلام عليكم ازيكم كل سنة طيبين



وشكرا على البوست الجميل ياتحياتى



وتحياتى لكل من فى المنتدى

اريج كتبت

اقتباس :

وشكرا على البوست الجميل ياتحياتى

كل سنه وانتي طيبه يا اريج

الصادق ابو كتب

اقتباس :

عمر الزعل ما حيجيب نتائج بل يعقد الامور
شايف الموضوع تطور اكثر مما يجب والشيطان لعب بينكم على الرغم كان مقيد في رمضان
كدي سموا بالله واقعدوا في الواطة

مافي زعل يا مدير وكل الموضوع طلبي من الاعضاء تقديم الشكوي في الشكاوي والاقتراحات او برسائل للاداره وعدم الاصرار كما هو واضح من البعض
ودمتم سالمين

شكلهم كدا يا عاطف ح تنتظرهم عقوبه لما يرجعو بالسلامه

حقا افتقدناه ولاأدري اين هو ولقد أثري هذا المنتدي بالعديد من المواضيع الرائعه بروعته إنه الاخ المبدع دوما حافظ محمد الدرديري (وييين مختفي )

مشكور ياتحياتي علي السؤال قاعدين بس الدراسه بدخل اتشمر واطلع سريع

تحياتي لمن دمر حياتي كتب:

شنو يا اكرام تكوربكي لينا تعالو ولما نجيكم تكوركو

شكرا ياتحياتي علي تفقدك لينا
بس كنت معيده في السودان
بين الاهل والاحباب وذهبته الغابة والمواد (كنكلاب )في يومين
يعني تاكد كنت عايزه اضرب ليك بس الظروف اقوي
والله سالت عليك وقالو خارج التغطية