مصطلحات من بلدنا

اكل تاكل ( البو اليفقعك) (والبو) ده حسب اعتقادي هو عندما تلد البقرة وليد ميت يقوم صاحب البقرة او راعيها بأخراج احشائة ويستبدلها بان يحشيها (تبن) ويعمل له ارجل من خشب تساعدة علي الوقوف بالقرب من امه ويمشي الفلم علي البقرة وتظن ان الوليد حي يرزق وتقف للحلب من غير ابداء اي تمرد او زوبعه وايضا" يقال ( البو ) هو البرد الغارس

وفي مصطلح اخر او مثل يقول ليك( مالك واقف كده زي خواف الطير ) و(خواف الطير) ده عبارة عن ثلاث جرائد من البلح تخلف علي هيئة رجل ويقوم المزارع بالباسه الجلابية والعمامة وبذلك تنخدع الطيور وتظن انه المزارع وتهرب ويسلم الزرع وايضا" يستخدم لاخافة الطير شريط الكاسيت بان يقوم المزارع باخراجة ونشرة علي طول المزرعة وعندما تأتي الرياح يصدر صوت مخيف وتخاف الطيور المغلوبه علي امرها وتهرب بعيدا" وبذلك يحمي المزارع محصو لة سواء كان قمح او زرة من الطيور


ودمتم

كلام قيم طيب ياهاديه يقول ليك واقف زي صنفور ابو حمد صنفور ابو حمد دا معناهو شنو؟؟

جدوحسين شيخ محمد كتب:

كلام قيم طيب ياهاديه يقول ليك واقف زي صنفور ابو حمد صنفور ابو حمد دا معناهو شنو؟؟

علي حسب معلومتي صنفور ابو حمد ده عباره عن قطار قديم ومتعطل وواقف في محطة ابو حمد لا يروح ولايجي ويقال للزول الدمو ( بقري ) او ( تقيل )

لا ياهاديه الصنفور هو علامه بها مؤشر ينبه القطار للتوقف وهو عباره عن عمود حديدي ينظر اليه القام الي ابو حمد من علي البعد
وتعتبرابو حمد محطه من محطات القطار المتوجه الي حلفا او كريمه
وهو واقف منذ انشاء السكه حديد في عهد المستعمر ومازال لذا يقول ليك واقف زي صنفور ابو حمد كدا

شكرا" هاديه ودائما لك سبق البحث عن التراث...!خيال المآته

والكشكاش كلها كانت تسعمل (لاخافة الطيور)للحفاظ على حبوب

المحصول...

ولماذا أخى جدو صنفور أبوحمد بالذات .!لان أبو حمد منطقه عاليه

جدا القطر بيطلع الى المنطقه بصعوبه ..مره يقيف ومره يمشى

(وبيتوقف قبل ما يتوقف فى المحطه)..؟؟

انتة ياجدو وكت عارف المعلومة بتسأل لية ؟؟
طيب عايز اعرف المسميات دية ؟؟

(اللونتنى ) ( سيد الحوش) ( المناصرة)

خلاص ياسمعه النونتني في موضوع اسمو حكايه كبري النونتني ابحث عنه كتبه سابقا بتعرف اما سيد الحوش جدي هاهاهاها بوريك ليهو لاحقا