الحواشة او النمرة

الحواشة او( النمرة ) عبارة عن قطع ارضي زرعية خصبة تم توزيعها من قبل الحكومة للاهالي في زمن سابق وقد ساعدة علي استقرار الاهالي و تحسين الحالة الاقتصادية لهم.

وفي الاول كان الشرط الاساسي ان تزرع هذه الحوشات بالحمضيات والمحاصيل الزراعية فقط ولكن كان الاهالي يغرسون شتول البلح خلسة وسط اشجار البرتقال الي ان تم تعميرها بالبلح تعمير


كامل لكن هذه الحوشات حتي الان لا يوجد صك تمليك كامل ويقال ان هذه حوشات حكومة ولا تورث المرأءه فيها برغم ان الشرع خلاف ذلك وقد ذهبت نساء بعض الاسر للمحكة العليا وطالبن

بحقهن الشرعي في الحوشات وقد اقرت المحكمة بذلك لكن الورثة من جانب الاخوان تم اعطائهن جذء يسير جدا" يعني ( تسكيت خشم) .

والسؤال القائم هل سيأتي يوم وتنزع الحكومة هذه الحوشات من الاهالي؟ واذا كان الجواب لا لماذا لا تورث البنت في حواشة والدها؟

يا جماعة ما تنصفونا نورث ولا ما نورث في حواشة ابونا

تورثو فى الملك بس ماتضايقو اخوانكم فى الحواشااات الحياة بقت ظروفة صعبة وبعدين الاخوان
زاااتم بااااقى وارثين فدانين ولا خمسة فدادين اكاااد اجزم ان كل تركااات الغابة لو اتوزعت حتلقى نصيب الفرد
لاحقو تمرااااية وحوض برسيم بس خلوكم فى الملك

خلاص نخلى الاستاذ احمد سعيد يفصل لنا فى هذا الامر ويوضح لينا مجمل تفاصيل هذة القضية بنظرة قانونية
شاملة ويوضح لينا القوانين العرفية السائدة فى التمليك فى نظر القضاء ولا رايك شنو بعدااك انا وانتى بنحلها

هههه والله ياامجدى انا واقف ضد توريث البنات فى النمرة والحواشة بس مع تقير الاحوال هذة الايام
اصبح كل واحد عايز يقلب الشى الكان ماشين عليهو زى اختنا هادية خايفينها تعمل قرووووب على الفيس بوك
وتقوم تستنفر النساء الوارثات واخدو حقهم والمشكلة تولع من جديد وتشوف المظاهرات فى محكة الغابة
عشان كدة الموضوع دة عايزين نلمو ونكتم عليهو ونحلو هنا بس وراجين راى استاذنا احمد سعيد قبل الجماعة يعيدو صياغ التوزيع للتركة احتمال
تكون احد المطااالب لديهن

انتى قلت تابعه للحكومه يعنى ابهاتنا ما وارثنها, واحسن تغتربو وتخلوها للاخوان

اظهر وبان اخي مولانا/ المحامي احمد سعيد ابراهيم

في ناس قالو نورث وفي ناس قالوا مانورث

وناس عصام قالو حقت حيكومة

الامور اتشربكت