العشا كان قراصة دمعة جداد شبعت وادنكلت وبعدا كباية شاي مسبوطة وبعدها جات النومة ونمت والرقبة معوجة وتعال شوف جنس كوابيس حلمت نفسي حايم في مقرن بحر الغزال مع نهر السوباط مع ترعة فشودة وانا حايم اتصنت في ونسة الجنوبين وهسح بحكي ليكم السمعتو:
شول: انت يا مجوك بنزين بتاعنا دا ليه مانودي كينيا بدل مايروح خرتوم ويكون في معاكسة من مندكور
مجوك : انت مافي مخ انت يشوف موية دا يمشي خرتوم ولا يجي من خرتوم ؟
شول : يمشي خرتوم واضح كدا
مجوك : خلاص بنزين بتاعنا ما يمشي كينيا الا يكون قرد يطلع شدرة
ادوك : يا دينق وين ولد بتاع جلابه اسمو( اسامة حمزة) قال يجي يسوي ترتيب بتاع دورة مدرسية بتاع شفع في واو
دينق : حكومة بتاع جنوب قال دورة ما يجي هنا دشمان موجود عشان كدا ولد دا رجع خرتوم
ادوك : والله كويس كان ياخد علقة كويس وما يشوف اهلو تاني (عرب حقارين)
دينق: هو زاتز حكومة بتاع خرطوم دا بليد ليه هسع يعمل دورة في الجنوب من زمان كان وين ولا خلاص عشان حكم قرب يصفر
**********
رياك : شوف ياجون انا اخدت مقلب كبير انا عندي شغل بتاع بياض كتير في جبرة واركويت دلوقت جيت وقعت معاكم هنا وين شغل عشان نشتغل
جون : دي قضية بتاعك انت اكل نار بتاعك انا جعان خلي ولد بتاعك يمشي يجيب فول من دكان بتاع حسين الجعلي
رياك: والله انت بتحلم بدري حسين قفل دكان بتاعو وراح خرتوم يعني كدا مافي فول ولا موية بتاع فول ولا كوارع
جون : طيب لية حكومة يكضب ويقول كل شي موجود حتي كمان سمعت قروش بتاع حكومة جنوب كلوا شالو حرامية- زمان نحنا في حاج يوسف نسمع بيقولوا حرامية بتاعين حكومة اكلو قروش بتاع سكر ودقيق كلام زي دا اهو كلام وصل لحدي هنا
وبكرة بتم ليكم ماسمعت من ونسة بتاع شفع بتاع جنوب
الرئيسية
