ونسة بدون ترتيب

زائر

نقدر نسميها ونسة بدون ترتيب او ( زكريات من البلد )

اه انا اليوم بونسكم شويه ب ( تمر الهبوب ) اكيد كلكم بتعرفو ه لا شك في ان (تمر الهبوب ) من احلي الزكريات الماضية والحاضره في البلد وكنا ونحن صغار نصحي من النوم

علي عجل ونشوف اقرب (قفه ) او (صفيحه ) ونزهب جري الي مزارع النخيل ونجني ما تساقط من ثمر ونزعل جدا" عندما لا يأتي الهبوب و نقول لبعض تعالوا نعمل (هبوب صناعي )

اي نرمي البلح بالحجر خلسة من الاهل والاخوات البنات اكثر اهتمام به والولد يقول ليك تمر الهبوب ده حق البنات ساكت فما احلاه من زكري

ولازال حتي اليوم الصبيان والبنات يمارسن هذه العادة الجميلة وقد ساعد في سد بعض احتيجات البنات من كريمات وملابس واشياء خاصة بهن يخجلن ان يطلبن من الوالد تلبيتها لهن

وكل الطلبات تؤجل الي ان يحل موسم البلح و(تمر الهبوب )

فانتم الاعضاء ماهي ونستكم وزكرياتكم من البلد هل هي ؟

* العوم في الحفير

* رعي الاغنان
* الذهاب الي الطاحونة وطحن الدقيق
* شراب موية الدمير من الحفير
* ام السباق بالحمير
ا
ادخلو فضفض وونس وونسنا معاك

والله يا هادية ذكرتينا سبعينات وثمانينات القرن الماضي الدفيق مع الدميرة وبعد شوية ابو راس والرطب وتمر الهبوب ايام هبوب الخماسين اصبعك قدام عينك ما تشوفه
ورعية البهايم وحش القش نص النهار جو المريق عشان نلحق التمرين العصر
العوم في البحر واذا شافوه يعوم في الحفير بكرة المدرسة كلها تنجلد
وفي الليل لعب الكعود وشليل والشد ودق الهدوم وتتغاتت وتربط حصاية في طرف الفانيلة
وأحلى لعبة ليلية الدسوسية لا نخشى العقارب والمصايب

الاخت هادية كل ماذكرتيه لااعتقد ان واحد عاش فى البلد ولم تمر عليه نلك التجارب من رعى اغنام وحش للقش من برسيم ولوبيا
وعوم فى الحفير والجدول فى سنين الطفولة الاولى وفى سبيل جمع شوية قريشات عليك بتمر الهبوب وانتظار الصباح الباكر لجمع الحصيلة
وبيعها وبالنسبة لنا كنا نذهب لاقرب دكان لنا (على امبانة )رحمه الله0
لكن سباق الحمير لم يكن شايعا والحقيقة اذكرت المثل البقول (الناس فى شنو والحسانية فى شنو ) وحسب المعلومة التى اعرفها ان هذا
المثل ضرب فى قبيلة الحسانية حيث انهم اعلموا بأن هناك عدوا قادما وعليهم التوجه للدفاع مع القبائل الاخرى ضد العدو فاعنذروا بحجة ان
لديهم سباق حمير 0

اضافة لما سبق الفزوعات لحش القمح وفول القلية والنوريق الذي كان متعة لنا ونحن صغار والهوليقة وكورة الشراب وياوداحمد دق المحلب وسكر التومين واكلة ملح الشطة والجكمسة اما سباق الحميروالحصين فهذا يتم في يومي عيد الفطر والاضحية ومنافسته بين اولاد المصري الحلب

الذكريات الرائعة ، وأتخيل الآن ونحن خروج من مدرسة الباجا الإبتدائية وبابكر الضكير منبطح على الرمال ويكورك فى الأولاد المصطفين والجاهزين للجرى والسباق ، هولب لب كم فى الخط 4، لا 5 ، لا 9 شد وأركب و أقرب شخص تلحقه تشد وتركب فى ضهره يوصلك محل ماشى .

زائر

صراحة ونستكم جميلة يا اولاد بلدي يا حبوب ابو جلابية وتوب سروال ومركوب جبة وسديري وسيف وسكين

واكيد معنا اولاد الخرطوم ذي ما كان بسموهم زمان ونستكم وينه؟

» ونسة فى ضل الضحى
» ونسة بتاع جنوبين منقول
» اعادة ترتيب المنتدى
» نحتاج تربية جديدة
» خستكات زولة هاوية تربية حيونات اليفه