نص الغابة (اهدية الي ابنا الوطن الواحد جوه وبرة)

نص في الغابة

وطن مجروح
بلد عاشق نضارة انا البرد الروح
زمن كان في قلوب الناس زمان الحن
نظمتها في غناية لحن

سكبتها في الوتر والناي
حس طنبورنا لمّ يرن

كانت مرسى التايهين
اما الليلة راقدي تئن

حالك يابلد حيرني
دمّاعك رواك عطن

((شالت نفس طويل وقالت))

قالت لية اسكت ياوليدي انسى
انا
البلد الهجرني ضناي ولي ناسي
انا الوجع السكن جواي
طلع بي حرقة انفاسي
انا الجوع المحل والحوجة
من كرعية لي راسي

(انت منو؟)
قلبني اقول
واقول ياربي ليها شنو؟

جناك العاق؟
سكت حسي ومرق برة

بكيتا براي
............................... ولقيت اني صح زول عاق لم نسيت بلدي ونسيت مد الوطن بالزاد

وطن مجروح
(2)
بكت رمت الدموع روق روق

بللت الارض دمعاتة

آه ...يالدمعتك ماروق

منو القادر يخفف عنك الهم الخسف بالسوق

منو الشالك قضية وهم .....؟

وندهك بالفزع والعوك .......؟

؟ ؟ ؟ ؟

ولادك في البلاد الرابحي

بي ارخص تمن باعوك

ناسين في زمن يابلدي

من رحمك وثديك رضعوك

ودينك في رقابنا وبرضو

لاطارنو لابيطروك

بن اخي العزيز طلال يس رمضان كريم وكل عام وانتم بخير وتحياتي عبرك للوالدة والاخوان مرغني عبد الرحيم والصادق يس وكل الاهل بالخرطوم
وين انت وين صديقك صلاح اسماعيل
لك مني الف تحية

» الاسبوع الثقافي(الغابة تقود الوطن ..والثقافة تقود الحياه)
» الناجي عبدالله امير الدبابين بالغابة
» حب الوطن من الايمان
» اشياء اعجبتنى فى الوطن العزيز
» الهجرة القسرية فى السودان - جرح الوطن النازف .