النـــــــــداء الاخير لرجال الغابه

جدودنا زمان وصونا على الغابه ...
ويجرى مدمعى شعرا انا ابكيكى للزكرى...
يا جماعة الخير هل بامكاننا ان نبقى قدر المسؤوليه حتى ولو مره واحده؟؟
ااباؤنا عملو للغابه ما فيهو الكفايه جابو الكهربه والمويه وعمرو المدارس زمـــــــــــــان , مافى حكومه قدمت للغابه بنيت على اكتاف رجالات الغابه فى ذاك الزمن وفضل البوتق (بضم الباء وشد التاء) عشان يتعلم ويعمل.
يا ايها البوتق تعلمنا وياخسارة تعليمنا الما استفادت منو الغابه .
حش التمر على الابواب هل ممكن من كل بيت شوال بركاوى لندعم بيهو الناقص فى المدارس والمستشفيات؟؟؟
طبعا البقول الموهوم ده مالو .. والبقول الحكايه ما بالسهوله اللى انت بتفتكره دى ومنو البقوم بالكلام ده ونضمن شوالنا ده كيف مشى فى محلو , يا سبحان الله!!!!
يا بقينا رجال حزمناها يا كمان نقول وا خيبتكم يا شباب الغابه.
كل حله يكون مسؤول منها نفرين ويجمع البلح فى محل واحد لمدة شهرين لتحسين الاسعار وفى لجنه موجوده بالغابه ممكن تشرف على الكلام ده.
اها قتو شنـــــــو؟؟؟؟

فى زمتكم اكان تردو

عصام فتح الرحمن سالم كتب:: فى زمتكم اكان تردو

ياعصام خليهو النداء قبل الأخير....؟؟؟؟...

تااني ياعصاام خلاص اديني اسامي ناسك بالاول ووريني محلهم
حرم السيداب علي ماتقعد من بعيد تنظر وتنظر لقايه البعض يسخرمنها
قال شوال قول شوال اها ناس الغابه زمان وقفو من الحته ديه حكايه
تبرعات ديه بقو يتبرعو بيها لامن شاف ولامن دري ؟؟

اوووعك تزعل وتكفهر علي الواضح مافاضح وكدي اخد ليك اجازه صغيره وتعال نلف معاك بيت بيت
علي الاقل كان برأت الغابه ورجالها من تلك الخييه يعني ألتمس من الواقع شي وبعدها احكم زي ماعايز

نرد نقول شنو يا عصام والكلام موجه لمنو ؟
انت وانا واسماعيل وبقية الشلة بررررره السودان والباقين ناس مجدي ولطيف واحمد سعيد وكتااااار برررره البلد ، قول لي واحد ممكن ينفذ المهمة دي؟
وللا انت قاصد الوليد عبد السلام وجدو حسين وجدو عبد الرحيم ومحمد ابراهيم واحمد فيصل والنس القاعدين في البلد
انا ضد كلام اسماعيل (اعذرني يا سمعة) لو في واحد بالجد لف على البلد، قول النص ادوه ما كفاية؟ ناس الغابة بخيرهم ما اتغير فيهم شيء
لكن للاسف نحن نجقلب وقاعدين بره ومنو بيشتغل الشغل ده؟

انا مسؤول من شوالات السعداب ولو قلتو خير تلقو تبرع شوالات السعداب مع ازهرى عبدالله سالم
انت يا اسماعيل لملينا شوالات الكواجيب
ويا حبيبنا الصادق اجمع لينا شولات حلتكم.
احمد دشى يلملينا شوالات الدشنتى.
ما محتاجه نجى السودان ولا ننظر ولا نعرض بره الدايره. شد تلفون ليناس الحله واى واحد مسؤول فى الحله ممكن يقوم بالكلام ده.
بس انتو قولو انحنا ممكن نعمل الكلام ده

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟
؟؟؟؟؟؟؟؟؟؟
؟؟؟؟؟؟؟
؟؟؟؟
؟؟
؟

tarig lateef كتب:: يا اخي وعزيزي الرجل الخلوق عمار حمد سمل لك مني عاطر التحايا وارق الامنيات ...
ما ظهر من علامات استفهام كان مقصودا .. عسي ان يفسر كل علي هواه لكي لا افسد عليك الاقتراح وانت حديث الانضمام لهذه المؤسسة التي لا تجني منها غير الكتابة وتجاوب بعض الاعضاء ويصبح كل اقتراحاتنا قيد الانتظار وحبيس المنتدي لا يري النور ابدا لكي لا يصيبك ما اصابنا حاولت ان استفهمك كي تكتفي بمرحك وخفت دمك بعيدا عن هموم الغابة واهلها ... هاك الدليل اذا لم تقرأ كتاباتي ومثلي كثيرون وهم يعانون كما اعاني :-

1- https://alghaba.yoo7.com/t4288-topic
2- https://alghaba.yoo7.com/t4403-topic
3- https://alghaba.yoo7.com/t4304-topic
4- https://alghaba.yoo7.com/t4375-topic
5- https://alghaba.yoo7.com/t2027-topic
6- https://alghaba.yoo7.com/t1892-topic
7- https://alghaba.yoo7.com/t2088-topic
8- https://alghaba.yoo7.com/t1974-topic
9- https://alghaba.yoo7.com/t3783-topic
10- https://alghaba.yoo7.com/t3874-topic
11- https://alghaba.yoo7.com/t3697-topic
12- https://alghaba.yoo7.com/t2279-topic
13- https://alghaba.yoo7.com/t4006-topic
14- https://alghaba.yoo7.com/t2102-topic
15- https://alghaba.yoo7.com/t3893-topic
16- https://alghaba.yoo7.com/t2234-topic

ارجوك اخي عمار ان تقرأ كل هذه المشاركات بدقة ولا تمل منها وبعد ذلك جاوب علي الاسئلة دي :-
1- هل معي حق في ما ذهبت اليه من استفهامات ؟
2- هل كل هذه المواضيع باهته وغير جديرة بالاهتمام ؟
3- هل تم تنفيذ علي الاقل واحدة او جذء منها حتي اللحظة ؟
4- هل منتدانا يستفيد منه اطفالنا وطلابنا واهلنا كبقية المنتديات ؟
5- لمصلحة من يتم التجاهل وعدم الاهتمام بما ينفع اهلنا وطلابنا ؟
... مع العلم ان هناك اقتراحات كثيرة من بعض الاعضاء واكثر اهمية وجمالا وروعة من اقتراحاتي وهذه شهادتي بذلك ولكن لم تري النور ايضا ...
تحياتي
طارق عبد اللطيف عمر

tarig lateef كتب:: ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟
؟؟؟؟؟؟؟؟؟؟
؟؟؟؟؟؟؟
؟؟؟؟
؟؟
؟

محل كل استفهام عايزين شوال بركاوى. دق سدرك وادينا شوالك وجمع لينا شوالات حلتكم واسالنى من الباقى يا رفيق

» ناس الغابه وعقده سوق الغابه!!!!!!!!!!!
» الغابه في الأرشيف !!!
» سحاحير فى الغابه....
» ابراج الغابه
» شاي الصباح في الغابه