المقدم كمال فتح الرحمن يسخن الكرسي الساخن لهذا الاسبوع

تذكير بمساهمة فاتح الموضوع :

انها حمي البدايات تعتريني اذ كيف احتفي يمقدمه و كيف ابتدئ بنثر خصاله
فانا شهادتي فيه مجروحة و لكن لكل من عرفه شخصية تجيرك علي احترامها سواء اتفقت معه او اختلفت
فيه بشاشة الروح و سرعة البديهةو خفة الدم لدرجة لا تمله
و فيه الصرامة و الجدية لدرجة تظن معها انه لا يبتسم مطلقا
و فوق هذا و ذاك يظل كمال الرقم الصعب بهذا المنتدي فهو رياضي مطبوع و عاشق للادب و اجتماعي ودود
يسعدني ان اقدمه لكم ضيفا عزيزا لهذا الاسبوع
و قبل ان نطلf منه تقديم بطاقته الشخصية ابتدره بتسخينة علي الخفيف
يقول الكاتي الساخر برنارد شو ان من بين كل عشرة عساكر يوجد تسعة اغبياء فما رايك

سلامات المقدم كمال كان عاوز اقول ليك كيمو لكن حجبتنى كلمة مقدم ياكيمو التحيه الى ضباط القوات المسلحه والى جميع الافراد والى قائد المجاهدين هاشم كروبى وهو الان فى مقدمة الصفوف بالدمازين وهذا شرف كبير لى اهالى الغابه ...... الاخ كمال الى متى هذا الوضع الراهن ...(حروبات ..تشرد..تمرد,) الشعب يريد استقرار الاوضاع .........كفانا حروب عووووووووووك ..............لك التحيه مرة اخره تحيه مدنيه وليست عسكريه

مجدي عبدالله عاصي القيد كتب:: الرائع أبوبكر والله قفشاتك دى ..وراثه....من عم الشيخ....
تسلم يا إبن عمى ، القفشات دى وراثة وهى موجودة فى الجينات السعدابية (كدى راجع ردود السعداب فى هذا المنتدى ، ولاتمشى بعيد شوف الزول القاعد فى الكرسى ده والزول القعدو ، أتقول مساطيل )

هههههه إنت يأبوبكر دحين حاتم ده خته الكرسى ده ومشى وين..!!!!
تقول شنو ؟؟!! يكون اللابتوب بتاعم واحد هو وكمال

موافقيييييييين والله اصبت ..والجمرات الجاىه مولعه....
يلا مددوه .. فى إنتظار الجمرات

يارجع كادقلى تانى يا....شفنا ليهو كرسى تانى ..ربما حايكون ...أتحرق...

هههه أوعك تسطر بى قلم الأستاذ ياكمال....أحسن تأخذ علقه ..

زى علقة......!!!! وخليك قريب,,أبوبكر حالف ليك....!!

الغريبة يامجدى تَرَبْ سالم ديل جنهم يفطونى ، حاتم برضو فطانى فى سؤال كده لامن الجمعة جات وقام من الكرسى وخلا السؤال بلا إجابة .. يكون جدهم سالم موصيهم ما يجاوبو على أبوبكر فى الكرسى الساخن؟؟

سلامات المقدم كمال كان عاوز اقول كيمو لكن اتذكرتا كلمة المقدم ياكيمو التحيه لك ولى جميع ضباط القوات المسلحه المتواجدون بى كادقلى والى جميع الافراد والى قائد المجاهدين هاشم كروبى وهو الان بادمازين .......الاخ كمال الى متى هذذا الوضع الراهن (حروبات .تشرد..تمرد..)الشعب يريد استقرار الاوضاع

الاخ كمال انا صاحب السوال وليست التجانى حصل خطا بسيط

رسالة
التجانى ابوالقاسم

عدد الرسائل: 10
العمر: 49
الموقع: الغابة
تاريخ التسجيل: 21/09/2011

مُساهمةموضوع: رد: المقدم كمال فتح الرحمن يسخن الكرسي الساخن لهذا الاسبوع اليوم في 10:45 تشغيل/تعطيل الإقتباس المتعدد رد مع اقتباس نص المساهمة
سلامات المقدم كمال كان عاوز اقول ليك كيمو لكن حجبتنى كلمة مقدم ياكيمو التحيه الى ضباط القوات المسلحه والى جميع الافراد والى قائد المجاهدين هاشم كروبى وهو الان فى مقدمة الصفوف بالدمازين وهذا شرف كبير لى اهالى الغابه ...... الاخ كمال الى متى هذا الوضع الراهن ...(حروبات ..تشرد..تمرد,) الشعب يريد استقرار الاوضاع .........كفانا حروب عووووووووووك ..............لك التحيه مرة اخره تحيه مدنيه وليست عسكريه

جرما جره سفهاء قوم وحل بغير جارمه ال

كمال --كادقلى--كرسى هوى يابوبكر حرف الكاف دا شايف كتر كلم وداختك يبعد ولد كيجاب من الحكاية دى عشان مانكب الزوقة ونلحق هاشم كروبى كم-- ر --فى ذالك

يا سيادة المقدم
السلام عليكم
في واحدة او واحد يتاوق من الباب شايفك تاخرت على الكرسي واخدت يومين زيادة

كيــــــــــمو،،،،كل سنه وانت طيب،،،،
ســــــــــؤال واحد وبس،،،،،
عندما دخلت منتدي ابناء الغابه كنت متحمسا جدا،،،،واشعلت ثوره التحرك والنشاط في الاعضاء وشاركت في بعض الاجتماعات التي تناقش قضايا المنتدي،،،،وفجاءه زي شدره الفاس هبطت،،ياربي الاحباط من شنو؟؟ لا مشغوليات؟؟

الصادق ابو حسن كتب:: يا سيادة المقدم
السلام عليكم
في واحدة او واحد يتاوق من الباب شايفك تاخرت على الكرسي واخدت يومين زيادة

يالصادق انا استنجدت بيكم قبل يومين وقلت عاوز راي الادارة في تمديد بعثة اليونميد لفترة اسبوع لكن انت اتغابيتو العرفة ... عموما شكرا على مخارجتك لى وان كان متأخرة ولكن ان تأتى خير من ان لا تأتى ... عموما ساجتهد في الاجابة على المتبقى من الاسئلة برغم كثرة المشغوليات لهذا اليوم ومن ثم اقدم ال عليهو الدور... وبالمناسبة هناك مقترحان لتطوير الكرسى الساخن احدهما مقدم من الاخت مواهب واخبرنى به حاتم سعد والاخر خاص بى سأفرد له بوست منفصل لاعرف رأي الجمهور فيه
.......
,,,,,,,,,,,,,,,,,,,,,,,,,,,,,,,,,,,,

التجانى ابوالقاسم كتب:: سلامات المقدم كمال كان عاوز اقول ليك كيمو لكن حجبتنى كلمة مقدم ياكيمو التحيه الى ضباط القوات المسلحه والى جميع الافراد والى قائد المجاهدين هاشم كروبى وهو الان فى مقدمة الصفوف بالدمازين وهذا شرف كبير لى اهالى الغابه ...... الاخ كمال الى متى هذا الوضع الراهن ...(حروبات ..تشرد..تمرد,) الشعب يريد استقرار الاوضاع .........كفانا حروب عووووووووووك ..............لك التحيه مرة اخره تحيه مدنيه وليست عسكريه

[size=24]الاخوين التجانى وعووضة اولا لكما ( التحية والتقدير ) التحية لواحد والتقدير للاخر ... عشان مايكون في مشكلة زى السؤال الذي لم نعرف حقوق الملكية فيه لمن منكما ؟؟؟ عموما شار جدا لمداخلتكما واثراءكما لهذا اللقاء يزدان ويتجمل بمثل مداخلاتكما
اما بخصوص الي متى الحرب؟؟؟
والله هذا التساؤل نحن اكثر الناس تشوقا لمعرفة الاجابة عليه و واكثر الناس حرصا للاستقرار لأن الحرب للعسكريين تعنى الكثير من المأسى غير المنظورة لبقية الناس ولكم ان تعلموا ان ابناء دفعتى قد بلغ عدد الشهداء منهم قرابة ال100 شهيد ..هم اخوة كرام جمعتنا بهم الكلية الحربية وساحات الفداء وذكريات جميلة كثيرة اخرى ....
الحرب تعنى للعسكريين عدم الاستقرار وتعنى عندهم الذكريات الاليمة وتعنى الجروح وتعنى فقد الاعضاء والاعاقة وغيرها .... نحن ايضا نضم صوتنا لصوتك كفانا حروب عوووووsizeووووووك

كيــــــــــمو،،،،كل سنه وانت طيب،،،،
ســــــــــؤال واحد وبس،،،،،
عندما دخلت منتدي ابناء الغابه كنت متحمسا جدا،،،،واشعلت ثوره التحرك والنشاط في الاعضاء وشاركت في بعض الاجتماعات التي تناقش قضايا المنتدي،،،،وفجاءه زي شدره الفاس هبطت،،ياربي الاحباط من شنو؟؟ لا مشغوليات؟؟

شكرا جدو للمداخلة ... وتوقعت منك سيل من الاسئلة لذلك لم ارد عليك في مداخلتك الاولى وقعدت منتظر فترة طويلة لكن طلعت حمى خفيفة
ابدا مافي احباط ولا شئ ولكن الامر متعلق بظروف العمل فانا لى حوالى ال3 شهور في كادقلى وقبلها كنت في زحمة عمل كبيرة جدا اضافة الى ظروف خاصة بالماجستير ... وكذلك من الاخطاء التى وقعت فيها انني لم اصطحب معى اللاب توب عند سفرى مما جعلنى خارج الشبكة ...واعدك انه حال ما استقر سأواصل المشاركة في المنتدى وخارج المنتدى ... لك التحية
......................
..........................

كمال --كادقلى--كرسى هوى يابوبكر حرف الكاف دا شايف كتر كلم وداختك يبعد ولد كيجاب من الحكاية دى عشان مانكب الزوقة ونلحق هاشم كروبى كم-- ر --فى ذالك

تكب الزوقة ياالحاج كيفن الكلام ده ... لو راشد عريس ابوبكر ممكن يكلف اي ملازم بالقبض عليك واجلاسك في الكرسى
وبعدين نحنا ما ماشين بعيد من حرف الكاف ... لأنو الجاي كيجاب وكروبى ما بحلك

..............

الاخ عمر عوض حماد كتب
الشهيد/ إبراهيم شمس الدين
الحمد لله الذي هيأ لنا من القوة ما يجعلنا نزلزل الأعداء فى كل موقع من مواقع السودان .. فى هذا اليوم الجميل نتشرف بأن نصابح هذه الوجوه السامقة بعزة الجندية والشرف
السودانى والبطولة الممتزجة بالايمان.
نحن نقاتل من أجل مبادئ .. ومبادئنا هى زرع العزة والثبات ورفع راية لا إله إلا الله ولكل مستضعف يكون له هذا النصر.. ونهدي هذا النصر لكل خائن وجبان ونقول له إن القوات المسلحة قوية وقادرة على دحر كل عدو وكل متكبر بعون الله سبحانه وتعالى.
الشهيد/ إبراهيم شمس الدين
لك الف تحية الاخ كمال ونحنا علي ثقة بانك علي درب الرجل القامة ساير نسال الله لك التوفيق وللوطن المجد والعز

لك الف تحية يا دفعة .... ونسأل الله لكم العون والثبات على المبادئ وحسن النوايا وان يعيدكم الى حضن الوطن سالمين غانمين
.
.
.
.

عايزين نقلعك الكلكى معليش الكاكى ده لكن نلف ونجى فى نفس القضيه, السؤال اوامر من اعلى للقتال تقتل محمد ويعقوب وايوب هم شايفين انهم مظاليم وعندهم حقوق مهضومه وانتو بتشوفوهم خارجين عن القانون اى قانون ليس قانون اسلامى لانو ما عندنا شريعه مطبقه, بأى حق تقتل نفس مسلمه؟؟؟
انا اعرف واحد يقاتل ضد النظام وهو حافظ القران ويختم كل 3يوم.

كمال فتح الرحمن سالم كتب:: كيــــــــــمو،،،،كل سنه وانت طيب،،،،

ســــــــــؤال واحد وبس،،،،،

عندما دخلت منتدي ابناء الغابه كنت متحمسا جدا،،،،واشعلت ثوره التحرك والنشاط في الاعضاء وشاركت في بعض الاجتماعات التي تناقش قضايا المنتدي،،،،وفجاءه زي شدره الفاس هبطت،،ياربي الاحباط من شنو؟؟ لا مشغوليات؟؟

شكرا جدو للمداخلة ... وتوقعت منك سيل من الاسئلة لذلك لم ارد عليك في مداخلتك الاولى وقعدت منتظر فترة طويلة لكن طلعت حمى خفيفة

ابدا مافي احباط ولا شئ ولكن الامر متعلق بظروف العمل فانا لى حوالى ال3 شهور في كادقلى وقبلها كنت في زحمة عمل كبيرة جدا اضافة الى ظروف خاصة بالماجستير ... وكذلك من الاخطاء التى وقعت فيها انني لم اصطحب معى اللاب توب عند سفرى مما جعلنى خارج الشبكة ...واعدك انه حال ما استقر سأواصل المشاركة في المنتدى وخارج المنتدى ... لك التحية

......................

..........................

والله يااخ كمال كنت بالجد ناوي عليك اشياء كثيرا جدا كنت اود معرفتها عبر هذه الفرصه لكن لمشغولياتي التي كثيرا ماابعدتني عن المنتدي لم اتمكن من طرحها عليك لكن ما مشكله نتلاقي ونسالك استله مباشره
انشاء الله ربنا يوفقك وناسف لعدم المداخله وابقي ادينا خبرك

عصام فتح الرحمن سالم كتب:: عايزين نقلعك الكلكى معليش الكاكى ده لكن نلف ونجى فى نفس القضيه, السؤال اوامر من اعلى للقتال تقتل محمد ويعقوب وايوب هم شايفين انهم مظاليم وعندهم حقوق مهضومه وانتو بتشوفوهم خارجين عن القانون اى قانون ليس قانون اسلامى لانو ما عندنا شريعه مطبقه, بأى حق تقتل نفس مسلمه؟؟؟
انا اعرف واحد يقاتل ضد النظام وهو حافظ القران ويختم كل 3يوم.

الخوارج زمن سيدنا على بن ابي طالب كانوا من اكثر الناس تعبدا ولكن لم تكن عبادتهم بفهم .. المشكله ليست في الدين او في الالتزام به ولكن تكمن المشكلة في انو كل شخص عاوز يسوق لقضيتو بالبندقية وعادة ما تكون المعالجة بالترضيات والمناصب الشئ الذي يغري الاخرين بحمل السلاح لأنه الطريق الاقصر لدخول القصر عبر بوابة الترضيات يعنى الحكومة لها دور سالب في المعالجات لمثل هذه القضايا

أسماعيل كيجاب كتب:: تعظيم سلام ساعتو ماذا تقول عن سر هذه الابتسامه ترقيه يعني ؟

اول حاجة لقيت الصوردي وين؟؟ والله ماعارف المبتسم ليها شنو؟ لكن الصورة دي في الاردن في دورة تدريبية

ماذا تقول وانت ترتدي شعار الاصفر منذ الصقر ؟
اصفر شنو يازول سلامة النظرده ازرق لكن فيهو شوية صفار نكف بيهو العين

هذه الصوره كانت معركه ام مناورات جويه ؟

معركة شنو البصوروها زي ده ؟ انت قايلها هلال مريخ ولا شنو؟ ... دي دورة تدريبية مع النشامى في المملكة الاردنية الهاشمية في العام 2001م

هذا هو الحال بعد خلع اللبس الرسمي يعني ؟
[size=24]بالملكي وفي دريم لاند بجمهورية مصر منتهى الملكية

[/size]

سعادة المقــدم جنابو كـمـا ل .......... دمت كنزا ثمينا فى جميع الساحات

للظروف التى اوضحتها والظروف التى احتفظ بها فى نفســــــى لاازال اتعثر فى اعتلاء صهوة جواد

المنتدى .... ولكنى اشهد الله بأن ما ابدعت به فى كل حـرف وانت كما نعتوك ( يسخن) الكرسي الساخن

وانا احصلك وجرس الحصة السابعة يدق كما اعلن الاخ الصادق فاننى اعلنها بانك انت المشير أول والسفير

المفوض لكل ساحات المنتدى ... وبالاوامر العسكرية امل ان ينتفض المنتدى فى كل منابره.....

لك التحية مدنية وعسكرية ..... أفندم [b]

فيصل ابراهيم احمد عمر كتب:: سعادة المقــدم جنابو كـمـا ل .......... دمت كنزا ثمينا فى جميع الساحات

للظروف التى اوضحتها والظروف التى احتفظ بها فى نفســــــى لاازال اتعثر فى اعتلاء صهوة جواد

المنتدى .... ولكنى اشهد الله بأن ما ابدعت به فى كل حـرف وانت كما نعتوك ( يسخن) الكرسي الساخن

وانا احصلك وجرس الحصة السابعة يدق كما اعلن الاخ الصادق فاننى اعلنها بانك انت المشير أول والسفير

المفوض لكل ساحات المنتدى ... وبالاوامر العسكرية امل ان ينتفض المنتدى فى كل منابره.....

لك التحية مدنية وعسكرية ..... أفندم

الرجل القامة فيصل حقا مكانك شاغرا في المنتدى وبحق افتقدناك بشده .. شكرا على كلمات الاطراء ... جرس الحصة السابعة كان دق مع حضور المفتش يتم ادخال الطلبة مرة اخرى مافي مشكلة ندخل الفصل ونتكتف ونقعد بهدوء هيبة ومهابة للمفتش .. التحية العسكرية مقبولة لكن المدنية العين لاتعلو على الحاجب [b]

الاخ كمال انت لسة موجود والله دي عوجة دي الله يكون في عونك شايفة الجماعة عاملين ليك مضايقات شديدة والله
بس لازم تجاوب وبكل شدة
ما تخاف ما عندي سوال بس قلت أشوف الحاصل ليك شنو يا جنابو
الاخ العزيز فيصل ترنتي نورت المنتدي بي ابداعااااااتك وانشاء الله عافية تسلم انشاء الله وبعد دا ما يكون في غياب يا باشا نورت المنتدي

[quote="مروة محمد عثمان"]الاخ كمال انت لسة موجود والله دي عوجة دي الله يكون في عونك شايفة الجماعة عاملين ليك مضايقات شديدة والله
بس لازم تجاوب وبكل شدة
ما تخاف ما عندي سوال بس قلت أشوف الحاصل ليك شنو يا جنابو
الاخ العزيز فيصل ترنتي نورت المنتدي بي ابداعااااااتك وانشاء الله عافية تسلم انشاء الله وبعد دا ما يكون في غياب يا باشا نورت المنتدي

[size=24]والله يامروة انا قدمت الكرسى الساخن التانى ولسة المداخلات ما انتهت .... عموما انا جاوبت كل الاسئلة والحاج كيجاب الله يعينو [/size][/quote]

الاخ الاكرم كمال فتح الرحمن السلام عليكم ورحمة الله وبركاته
وبعد نتمنى التواصل معك لان المدة طالت ولم نتمكن من اللقاء على كل حال بيننا التواصل
على البريد الالكترونى
mohamedali67@yahoo.com
mohamedali196777@skype.com
اخوك فى الله على عبدالحفيظ على اورحمد

على عبد الحفيظ على اورحمد كتب:: الاخ الاكرم كمال فتح الرحمن السلام عليكم ورحمة الله وبركاته
وبعد نتمنى التواصل معك لان المدة طالت ولم نتمكن من اللقاء على كل حال بيننا التواصل
على البريد الالكترونى
mohamedali67@yahoo.com
mohamedali196777@skype.com
اخوك فى الله على عبدالحفيظ على اورحمد

الاخ الكريم على الشيخ لك الود والاحترام وحقيقة بنسأل عنك ومشاركاتك في المنتدى شحيحة للغاية ستواصل معك ان شاء الله

شكرا لكل الذين تداخلوا معنا بالاسئلة فاثروا هذا الكرسى وزادوه سخانه ...
وشكرا للذين مروا عليه واطلعوا على ماجاء فيه...
وشكرا للاخ حاتم على اتاحته لنا هذه الفرصة ...
.....
.......
.......