ولو أنني أتيت كل بلاغة ****** وأفنيت بحر النطق في النظم والنثر
لما كنت بعد القول إلا مقصرا ***** ومعترفا بالعجز عن واجب الشكر
****
****
الامانة الاكاديمية لرابطة الطلاب تسعي لتحريك قافلة اكاديمية ضمن مشاريع الاسناد الاكاديمي لطلاب الشهاده السودانية
الطلاب البالغ عددهم 187 من الادبيين و36 من العلمين في انتظار الاساتذة المتوجهين من الخرطوم لمدارس الغابة
وهم في اهبة الاستعداد وعلي احر من الجمر لاستقبال الاساتذه واستذكار الدروس بعد ابقائهم في الداخلية لهذا السبب
وتم طباعة المطويات و اوراق العمل والاتفاق مع الاساتذة والترحيل بالبركة وبالنية وانتو عارفين السودانيين براكم (يقول ليك مابنختلف ويجو يخالفوك ويتخلفو معاك ويختلفوا) -والاتفاق زيو مافي-
جماعتنا ديل حركو تصورات وجاتهم زي مليون وميتين بالقديم والقافلة مهدده بالالغاء ويمكن يوقفوها
لو اعتزرنا للاساتذه عادي
لو اعتزرنا لي الترحيل اكتر من عادي
لكن البقدر يعتزر للطلبة منو
ونحن الاعلنا وخليناهم يقعدو في الداخلية عشان نحن جايين
والمعروف انو القراية نفسيات
والعامل النفسي اهم من اي حاجه
دحين بعد العربي الكتير ده دايرين دعمكم الشخصي (ومانقص مال من صدقى) (وماتقدموا لانفسكم من خيرا تجدوه عند الله) (ولايكلف الله نفس الا وسعها)
الجدير بالذكر انو القافلة دي متحركة بكره الخميس
ونحن عارفين في الغابة في (السابقون بالخيرات)
***
***
كلامي ده يمكن مامصاغ كويس وانا ما من المكتب الحالي لكن غيره مني انو برنامج زي ده مايلقي دعم في حين تصل تكاليف الاستقبالات والايام الثقافيه(الغناء) لي خمسه او عشره وتلقي الدعم والتأيد
والشباب في قروب الرابطة في الفيس بدو الدعم عبر تحويل الرصيد
***
تخريمه رقم الحساب انا ماعارفو كم اسي لكن اظن انو الحساب بالعملة المحلية
اي طريقة للتبرع للرابطة او دعمها انتو بتعرفوها اتبرعو ودي ما اول مره تتبرعوا
والله يثبت الاجر
الرئيسية
