أنا أعمل مع الزول ده شنو

المدير المالي في شركتنا في الرياض لا يعجبه العجب ولا الصيام في رجب .. وهو شايقي مولود أبا عن جد في منطقة الجعليين يتكلم اللهجة الشايقية مطعّمة بنبرة جعلية أعطتها شي من الخشونة هومزيج غريب في كل شي نادرا ما يضحك وإذا ضحك يُضحِك والده خليفة من خلفاء الختميه
وهو جبهة إسلامية ولكنه دائما يلبس الجلابية الأنصارية اسمه هاشم ومعنى كلمة هاشم هي الجود والكرم وللامانة هو يحمل من اسمه نصيب يجود ويكرم وهو عبوس الوجه أقول له يا هاشم بليلة المبشّر ولاضبيحة المكشّر يقول لي أنت امشي اكل بليلة المبشر خلّها أتنفعك, السودانيون في الشركة يسمونه سرا (هاشم سيخه) والمصريون يطلقون علية لقب (البوليس) وكل إناء بما فيه ينضح
صاحب الشركة ومديرها يقول لي قول لصاحبك يخفف من طريقتو شوية يعنى المرونه مطلوبه .. وعندما اوصل له الكلام يقول لي .. هو ما قال كده ولاحاجة ..ده من راسك الكبير ده .. وأنا اسكت
يتدخل في عمل المبيعات والمشتريات والمستودعات وحتى الصيانه وكلهم يهابونه الفلبينيين يسمونه بن لادن
إذا قلت له فلان اشتكى منك .. بغرض التحقق من سبب الشكوى وحل المشكلة .. لا هو لا يفعل ذلك بل يذهب لفلان ويوبخه ويسبب لي الحرج
يقود سيارته في المسار السريع بسرعة 60 كيلو والما عجبو ياخذ المسار الاخر
يتصل بي في المنزل ويقولون له نائم يقول صحّوه .. ايوه يا هاشم في شنو .. يقول لي بالله انت نايم .. فاتك لقاء في قناة الشروق لكن ح يعيدوه بكره
بالله يا جماعة قولو لي انا أعمل مع الزول ده شنو

عفيت منو
الصرامة مطلوبة
إذا لقينا كم واحد زي دا من المسؤولين في السودان (مع شرط النزاهة) يكون في السلك
المهابة حلوة بس تكون بفكر ورأي سديد

القلظة والشدة فى التعامل غير محببة وتجعل الناس ينفرون منك
وتفقد الكثير ممن حولك مما يجعلك معزولا عن الآخرين

وكلما كان الانسان طيبا ورقيقا فى تعامله مع الآخرين وجد نفس الشىء من التعامل والاحترام
وفى العمل كل ماكنت متواضعا ورسمياو قريبا من الذين تراسهم تحلحل مشاكلهم وتشعرهم بانك جاد فى عملك كنت قريبا من قلوبهم وبالتالى ينعكس على الاداء
بعدين زولك ده تطبع بهذه الصفات ومستحيل يتغير فيه شىء
خلوه كدى وماشوه

عثمان الشيخ الاسيد كتب:: المدير المالي في شركتنا في الرياض لا يعجبه العجب ولا الصيام في رجب .. وهو شايقي مولود أبا عن جد في منطقة الجعليين يتكلم اللهجة الشايقية مطعّمة بنبرة جعلية أعطتها شي من الخشونة هومزيج غريب في كل شي نادرا ما يضحك وإذا ضحك يُضحِك والده خليفة من خلفاء الختميه
وهو جبهة إسلامية ولكنه دائما يلبس الجلابية الأنصارية اسمه هاشم ومعنى كلمة هاشم هي الجود والكرم وللامانة هو يحمل من اسمه نصيب يجود ويكرم وهو عبوس الوجه أقول له يا هاشم بليلة المبشّر ولاضبيحة المكشّر يقول لي أنت امشي اكل بليلة المبشر خلّها أتنفعك, السودانيون في الشركة يسمونه سرا (هاشم سيخه) والمصريون يطلقون علية لقب (البوليس) وكل إناء بما فيه ينضح
صاحب الشركة ومديرها يقول لي قول لصاحبك يخفف من طريقتو شوية يعنى المرونه مطلوبه .. وعندما اوصل له الكلام يقول لي .. هو ما قال كده ولاحاجة ..ده من راسك الكبير ده .. وأنا اسكت
يتدخل في عمل المبيعات والمشتريات والمستودعات وحتى الصيانه وكلهم يهابونه الفلبينيين يسمونه بن لادن
إذا قلت له فلان اشتكى منك .. بغرض التحقق من سبب الشكوى وحل المشكلة .. لا هو لا يفعل ذلك بل يذهب لفلان ويوبخه ويسبب لي الحرج
يقود سيارته في المسار السريع بسرعة 60 كيلو والما عجبو ياخذ المسار الاخر
يتصل بي في المنزل ويقولون له نائم يقول صحّوه .. ايوه يا هاشم في شنو .. يقول لي بالله انت نايم .. فاتك لقاء في قناة الشروق لكن ح يعيدوه بكره
بالله يا جماعة قولو لي انا أعمل مع الزول ده شنو

أفتــــــــــــح ليهـــــــو.....! قناة المصارعــــــــــــه الحُـــــــــــــــره....

سبحان الله طبع السودانيين شوية غريب والجدية الزايدة عن اللزوم
تم نقلى من الدمام الى جده وكنت انذاك بالمعهد الفنى للتدريب الصحى
معنا الزملاء فى الاقسام العلمية التمريض والصيدلة والاشعة والمختبرات والطوارى والعمليت وهلم جرا
من الجنسيات المصرية و الاردنية والفلسطينية والسورية والهندية ومعى من بنى وطنى ايضا على عدد الاصابع
وكان تعاملى معهم فى حدود خوفا من بعض الاحتكاكات التى لا تعجبك فى تلك الجنسيات
فاذا احد منهم ذكر لزميلى السودانى
زولكم دا مالوا ما بيضحك يقصدنى بذلك
قال له انت اعمل حاجة تضحكو هو بيضحك
بديت اسال فى نفسى ايش الحاصل هل انا عبوس دايما وكل مرة اشوف فى المرايا وما القى حاجة
عشان كدا الاخ عثمانالاسيد انا عايزك تبحث لى عن الموضوع
والمحامى الاستاذ احمد اوكله للمتابعة مع الشكر

على عبد الحفيظ على اورحمد كتب:: سبحان الله طبع السودانيين شوية غريب والجدية الزايدة عن اللزوم
تم نقلى من الدمام الى جده وكنت انذاك بالمعهد الفنى للتدريب الصحى
معنا الزملاء فى الاقسام العلمية التمريض والصيدلة والاشعة والمختبرات والطوارى والعمليت وهلم جرا
من الجنسيات المصرية و الاردنية والفلسطينية والسورية والهندية ومعى من بنى وطنى ايضا على عدد الاصابع
وكان تعاملى معهم فى حدود خوفا من بعض الاحتكاكات التى لا تعجبك فى تلك الجنسيات
فاذا احد منهم ذكر لزميلى السودانى
زولكم دا مالوا ما بيضحك يقصدنى بذلك
قال له انت اعمل حاجة تضحكو هو بيضحك
بديت اسال فى نفسى ايش الحاصل هل انا عبوس دايما وكل مرة اشوف فى المرايا وما القى حاجة
عشان كدا الاخ عثمانالاسيد انا عايزك تبحث لى عن الموضوع
والمحامى الاستاذ احمد اوكله للمتابعة مع الشكر

تحياتي لك يا علي شرفت ونورت البوست
الابتسامة يا على مطلوبه وهي لغة عالمية ولاتحتاج الي ترجمة .. وهي لا تتعارض مع السمات الشخصية لاي اي انسان بل تضيف اليها الشي الجميل
و هي من اهم صفات القائد واوصى بها قائدنا الاول محمد صلى الله علية وسلم وقال تبسمك في وجه اخيك صدقة
أنت تشوف في المرايا وما تلقى حاجة وأنا أشوف صورتك في البوست وألقى حاجة ( مش كلفتني بالبحث) .. يعنى يا علي قارن صورتك مع صور الجماعة
االذين معك في نفس البوست .. اطلع فوق شوية وشوف صورة مجدي ..ومبسوط وماشاء الله . وكمان شوية فوق وشوف صورة محمد ميرغني .. عادي بس
شوية زعلان من الحرامي .. وأطلع فوق كمان وشوف صورة الصادق أبو ماضي .. مبتسم ماشاء الله
توكيلك للاستاذ المحامي أحمد هو حقيقة لانو الموضوع فعلا جنائي ويتعلق بالانتزاع .. لانني سوف انتزع منك الابتسامة
ويقول علماء الاجتماع أن أجمل ثاني شى تفعله الشفاه هو الابتسامه .. وما تسألني عن أول شي لكن أعتقد أن ثالث أجمل شي تفعله الشفاه هوالسّفه
وكده الرجالة وللا بلاش

الابتسامة مطلوبة عند التعامل مع الناس اما بالنسبة لحكاية صاحبكم المدير المالي هذا فهو وضع طبيعي بالنسبة لعملة في مجال الحسابات وأراهنك أن تجد لي مدير مالي واحد يمتاز بالرقه في التعامل مع الاخرين لانو لغة الحسابات لغة أرقام يعني لغة خشنة انا أقول هذا الكلام من مجال تخصصي في الحسابات ، اما بالنسبة لتدخلة في عمل المبيعات والمشتريات والمستودعات والصيانة كلها في النهاية تصب في قسم المالية الذ يوفر لها السيولة ومستلزماتها يعني اذا لم يوافق عليها المدير المالي منذ البداية ويكون احد افراد لجنة العطاءات فلن تمرر يعني المدير المالي هو الكنترول علي الBusinese صدقني اذا تراخي المدير المالي في التعامل ( داخل الشركة ) يفهمة باقي الاقسام غلط وهذا من واقع تجربتي الشخصية اما خارج الشركة المطلوب ان يكون انساني عادي يضحك ويشارك زملاؤة امورهم . تحياتي

الابتسامة جواز سفر دبلوماسي
فقد أوصانا النبي صلى الله عليه وسلم بها
وأنت في موقع المسؤولية لا تكشر ولكن لا تتجاوز الحدود
فقد كتب الخليفة الراشدي عمر بن الخطاب إلى أبي موسى الأشعري رضي الله عنه في شأن القضاء:
( آس بين الناس في عدلك ووجهك ومجلسك حتى لا يطمع الشريف في حيفك وييأس الضعيف من عدلك)
فبما أن الابتسامة تقرب الناس إليك فإن الصرامة تلبسك الهيبة والاحترام
رأي الخليجيين في السودانيين : السوداني حلو زي الببسي بس لا ترجّه ينفجر فيك

عثمان الشيخ الاسيد كتب:: .. يتصل بي في المنزل ويقولون له نائم يقول صحّوه .. ايوه يا هاشم في شنو .. يقول لي بالله انت نايم .. فاتك لقاء في قناة الشروق لكن ح يعيدوه بكره
بالله يا جماعة قولو لي انا أعمل مع الزول ده شنو

بي صراحــــة ..
دا نوع مميز من الناس .. بس يحلو التعامل معاهو .. لانو ذو طبع غريب وصعب ...
بس دا ما مـنو .. لانو نحنا ناس ذو طبيعة ( Multi ) ...
خليني اقول ليك حاجة .. واديني رايك فيهـا ...

نحنا السودانين من طبيعتنا بنتكلم بي يـدينــا عشان نكمـل بيها التعابير ...

تلقى الزول ماشي في الشارع وبتكلم في الموبايل .. وكمان بتلقاهو برفع في يدينو...
واحياناً ... يكون الواحد بتكلم معاك يقوم يلمسك بيدو في كتفك ... ويقول ليك عاين ... ( ياخـــي سامعـــنك من غير ما توســـخ لينا القميص ) ...

وفي ناس تكون بتتكلم معاهم ... يقوم يلمسك ... حركة ما كويسة اصلاً ... لكن اعتقد انو نحـــنا ناس مميزين ... بنتعامل بي لغة .. اسمها لغة الجســد ..
عشان الواحـــــــد يضيف مصداقية لما يقـــــــــــول ...

اسع .. صاحبنا دا بتكـون روحـــو محرقـــاهو عشـــان كدا .. غايتـــو ما عندك اي حل

لكن ما تلومـــــــونا ... !!

.

كان عندنا واحد بلدياتها يتجنب الناس الجلوس بجانبه في المجالس مخافة الخبيط والجضيم لزوم الانتباه لما يقول يعني مع كل كلمه يديك لبعه في وركك او كتفك ومع انتهاء المجلس تكون طلعت بي قطايع وما فاهم حاجه

الصادق ابو حسن كتب:: عفيت منو
الصرامة مطلوبة
إذا لقينا كم واحد زي دا من المسؤولين في السودان (مع شرط النزاهة) يكون في السلك
المهابة حلوة بس تكون بفكر ورأي سديد

عفيت منــــــــــــو؟
تعال أعرّفك بيهو عشان تكجّنو

محمد ميرغني عبدالرحمن كتب:: القلظة والشدة فى التعامل غير محببة وتجعل الناس ينفرون منك
وتفقد الكثير ممن حولك مما يجعلك معزولا عن الآخرين

وكلما كان الانسان طيبا ورقيقا فى تعامله مع الآخرين وجد نفس الشىء من التعامل والاحترام
وفى العمل كل ماكنت متواضعا ورسمياو قريبا من الذين تراسهم تحلحل مشاكلهم وتشعرهم بانك جاد فى عملك كنت قريبا من قلوبهم وبالتالى ينعكس على الاداء
بعدين زولك ده تطبع بهذه الصفات ومستحيل يتغير فيه شىء
خلوه كدى وماشوه

المصيبة أنو تطبع بهذه الطباع والله احيانا هو غير كده قالو الطبع يغلب التطبع .. لكن في الغالب طبعو كده وبالمناسبة أنا مصارحو في طبعو وتصرفاتو
والكلام الما يعجبو ... ما يقول لي حاجه بس بعاين لي من تحت النظارة مســــــــــــــــــــــافه

أشرف أحمد نقد الله كتب:: الابتسامة مطلوبة عند التعامل مع الناس اما بالنسبة لحكاية صاحبكم المدير المالي هذا فهو وضع طبيعي بالنسبة لعملة في مجال الحسابات وأراهنك أن تجد لي مدير مالي واحد يمتاز بالرقه في التعامل مع الاخرين لانو لغة الحسابات لغة أرقام يعني لغة خشنة انا أقول هذا الكلام من مجال تخصصي في الحسابات ، اما بالنسبة لتدخلة في عمل المبيعات والمشتريات والمستودعات والصيانة كلها في النهاية تصب في قسم المالية الذ يوفر لها السيولة ومستلزماتها يعني اذا لم يوافق عليها المدير المالي منذ البداية ويكون احد افراد لجنة العطاءات فلن تمرر يعني المدير المالي هو الكنترول علي الBusinese صدقني اذا تراخي المدير المالي في التعامل ( داخل الشركة ) يفهمة باقي الاقسام غلط وهذا من واقع تجربتي الشخصية اما خارج الشركة المطلوب ان يكون انساني عادي يضحك ويشارك زملاؤة امورهم . تحياتي

أنا يا أشرف ما شفت مدير مالي يمتاز بالرقة في التعامل مع الاخرين ...
هو مبرراتو معاي نفس كلامك ده .. ... يعنى يقول .. دا من صميم عملي .. وانا لو تساهلت ح يكون في تلاعب والموظفين ح يعتبروك ضعيف
وأنتو ما جايبن خبر..
والله يعينكم

الصادق ابو حسن كتب:: الابتسامة جواز سفر دبلوماسي
فقد أوصانا النبي صلى الله عليه وسلم بها
وأنت في موقع المسؤولية لا تكشر ولكن لا تتجاوز الحدود
فقد كتب الخليفة الراشدي عمر بن الخطاب إلى أبي موسى الأشعري رضي الله عنه في شأن القضاء:
( آس بين الناس في عدلك ووجهك ومجلسك حتى لا يطمع الشريف في حيفك وييأس الضعيف من عدلك)
فبما أن الابتسامة تقرب الناس إليك فإن الصرامة تلبسك الهيبة والاحترام
رأي الخليجيين في السودانيين : السوداني حلو زي الببسي بس لا ترجّه ينفجر فيك

يا الصادق بالمناسبة عشان الموضوع ما يكون نميمة أو بهتان أنا كلمتو وقلت ليهو نحن قاعدين نحلل شخصيتك في المنتدى
قال لي منتدى شنو
قلت ليهو منتدانا
قال لي منتداكم شِن طعمو كمان

منتدانا طعمو حلو ولونه ناير وناسو حناااااان
واذا قرأ موضوع وللا اتنين حيفرد وشو شوية من الضحك والانبساط
لكن يا الاسيد ما حد يقعد جنبك يكشر
لنا لقاء بكم في الرياض في رمضان إن شاء الله

محمد محجوب كيري كتب:

عثمان الشيخ الاسيد كتب:: .. يتصل بي في المنزل ويقولون له نائم يقول صحّوه .. ايوه يا هاشم في شنو .. يقول لي بالله انت نايم .. فاتك لقاء في قناة الشروق لكن ح يعيدوه بكره
بالله يا جماعة قولو لي انا أعمل مع الزول ده شنو

بي صراحــــة ..
دا نوع مميز من الناس .. بس يحلو التعامل معاهو .. لانو ذو طبع غريب وصعب ...
بس دا ما مـنو .. لانو نحنا ناس ذو طبيعة ( Multi ) ...
خليني اقول ليك حاجة .. واديني رايك فيهـا ...

نحنا السودانين من طبيعتنا بنتكلم بي يـدينــا عشان نكمـل بيها التعابير ...

تلقى الزول ماشي في الشارع وبتكلم في الموبايل .. وكمان بتلقاهو برفع في يدينو...
واحياناً ... يكون الواحد بتكلم معاك يقوم يلمسك بيدو في كتفك ... ويقول ليك عاين ... ( ياخـــي سامعـــنك من غير ما توســـخ لينا القميص ) ...

وفي ناس تكون بتتكلم معاهم ... يقوم يلمسك ... حركة ما كويسة اصلاً ... لكن اعتقد انو نحـــنا ناس مميزين ... بنتعامل بي لغة .. اسمها لغة الجســد ..
عشان الواحـــــــد يضيف مصداقية لما يقـــــــــــول ...

اسع .. صاحبنا دا بتكـون روحـــو محرقـــاهو عشـــان كدا .. غايتـــو ما عندك اي حل

لكن ما تلومـــــــونا ... !!

.

هو نحن بس القاعدين نتكلم بيدينا .. يا الشارع كلو أصبح مايسترو
أهم حاجة تبعد عن الناس الــ بوسخو القمصان ديل عشان ما تغلب بتنا بالغسيل

مجدي عبدالله عاصي القيد كتب:

عثمان الشيخ الاسيد كتب:: المدير المالي في شركتنا في الرياض لا يعجبه العجب ولا الصيام في رجب .. وهو شايقي مولود أبا عن جد في منطقة الجعليين يتكلم اللهجة الشايقية مطعّمة بنبرة جعلية أعطتها شي من الخشونة هومزيج غريب في كل شي نادرا ما يضحك وإذا ضحك يُضحِك والده خليفة من خلفاء الختميه
وهو جبهة إسلامية ولكنه دائما يلبس الجلابية الأنصارية اسمه هاشم ومعنى كلمة هاشم هي الجود والكرم وللامانة هو يحمل من اسمه نصيب يجود ويكرم وهو عبوس الوجه أقول له يا هاشم بليلة المبشّر ولاضبيحة المكشّر يقول لي أنت امشي اكل بليلة المبشر خلّها أتنفعك, السودانيون في الشركة يسمونه سرا (هاشم سيخه) والمصريون يطلقون علية لقب (البوليس) وكل إناء بما فيه ينضح
صاحب الشركة ومديرها يقول لي قول لصاحبك يخفف من طريقتو شوية يعنى المرونه مطلوبه .. وعندما اوصل له الكلام يقول لي .. هو ما قال كده ولاحاجة ..ده من راسك الكبير ده .. وأنا اسكت
يتدخل في عمل المبيعات والمشتريات والمستودعات وحتى الصيانه وكلهم يهابونه الفلبينيين يسمونه بن لادن
إذا قلت له فلان اشتكى منك .. بغرض التحقق من سبب الشكوى وحل المشكلة .. لا هو لا يفعل ذلك بل يذهب لفلان ويوبخه ويسبب لي الحرج
يقود سيارته في المسار السريع بسرعة 60 كيلو والما عجبو ياخذ المسار الاخر
يتصل بي في المنزل ويقولون له نائم يقول صحّوه .. ايوه يا هاشم في شنو .. يقول لي بالله انت نايم .. فاتك لقاء في قناة الشروق لكن ح يعيدوه بكره
بالله يا جماعة قولو لي انا أعمل مع الزول ده شنو

أفتــــــــــــح ليهـــــــو.....! قناة المصارعــــــــــــه الحُـــــــــــــــره....

وأفتح ليك محل غاز

mohmdalsheikh كتب:: كان عندنا واحد بلدياتها يتجنب الناس الجلوس بجانبه في المجالس مخافة الخبيط والجضيم لزوم الانتباه لما يقول يعني مع كل كلمه يديك لبعه في وركك او كتفك ومع انتهاء المجلس تكون طلعت بي قطايع وما فاهم حاجه

مسكينة مرتو تكون اجهضت كم مره

الصادق ابو حسن كتب:: منتدانا طعمو حلو ولونه ناير وناسو حناااااان
واذا قرأ موضوع وللا اتنين حيفرد وشو شوية من الضحك والانبساط
لكن يا الاسيد ما حد يقعد جنبك يكشر
لنا لقاء بكم في الرياض في رمضان إن شاء الله

خبر وقع علينا بردا وسلاما
وأول مرة العيد يجينا في رمضان

الاخ الاكرم اخبار سوسو شنو ما اديتنا منو شىء ولو البسيط

على عبد الحفيظ على اورحمد كتب:: الاخ الاكرم اخبار سوسو شنو ما اديتنا منو شىء ولو البسيط

في سنه من السنين يا علي .. اللوري دخّلنا الغابة الساعة 2 صباحاً ... قمت طوّالي مشيت حلة السعداب لبيت عمي مهدي الاسيد .. رحمه الله
فتح لي الباب سوسو
أول حاجة صرف لي واحد من المعلوم وقال لي الجابك زي الساعة دي شنو
ومع نِهّير .. تعال شيل معاي السرير ده لا بره
ده سريرك ودي البطانيه .. وده الحمام
وطبعا أنا كنت جعان ... سألتو .. والمطبخ وين
قال لي والله يا هو الفضل

دحين هسى أنت صاحى ولا نااااااااااااااااايم
أكان صاحى نوم بعدين قوم أقرأ التعليق دا
وأكان نايم أصحى وقوم اتسحر ويوسف
بسلم عليك وااااجد

كسرة صغيرة
سوسو دا ياهو زملينا ببنك فيصل فرع الغابة
انى طلع ياهو دما حكايتو دايرليها رواية
وله مواقف مشهودة وخاصة في الإستقالة

كسرة نص كم
زولك دا شوفوا ليهو سواق
والله يعينكم ويعين أم العيال
ويديها طولة البال

أتوقع سوسو دا سيف الدين مهدي
احكي قصته مع المدرسين المصريين في المدارس المصرية في كبري النونتني

عثمان الشيخ الاسيد كتب:: يتصل بي في المنزل ويقولون له نائم يقول صحّوه .. ايوه يا هاشم في شنو .. يقول لي بالله انت نايم .. فاتك لقاء في قناة الشروق لكن ح يعيدوه بكره

ههههههههههههه والله غياااظ جنس غظ..

العجب أكان ما عادو البرنامج..

ابوبكر الشيخ الأسيد كتب:

عثمان الشيخ الاسيد كتب:: يتصل بي في المنزل ويقولون له نائم يقول صحّوه .. ايوه يا هاشم في شنو .. يقول لي بالله انت نايم .. فاتك لقاء في قناة الشروق لكن ح يعيدوه بكره

ههههههههههههه والله غياااظ جنس غظ..

العجب أكان ما عادو البرنامج..

ههههههههههه الزوووووول دا شكلو قدر على عثمان !!!!!!!!!1

mohamed osman idris كتب:: دحين هسى أنت صاحى ولا نااااااااااااااااايم
أكان صاحى نوم بعدين قوم أقرأ التعليق دا
وأكان نايم أصحى وقوم اتسحر ويوسف
بسلم عليك وااااجد

كسرة صغيرة
سوسو دا ياهو زملينا ببنك فيصل فرع الغابة
انى طلع ياهو دما حكايتو دايرليها رواية
وله مواقف مشهودة وخاصة في الإستقالة

كسرة نص كم
زولك دا شوفوا ليهو سواق
والله يعينكم ويعين أم العيال
ويديها طولة البال

أنت كمان مالك قرّبت تبقى زيو .. مصحّيني ثلت الليل عشان تقول لي قوم أسحر وفي شهر رجب
أيوه ياهؤ بتاع بنك فيصل فرع الغابه وهو أبن عمي .. ويلّه احكي لينا قصة الاستقاله الله يخليك
الا كان سواق آلي ..
أم العيال عاجبها تصرفاتو بس عشان شايقي

الصادق ابو حسن كتب:: أتوقع سوسو دا سيف الدين مهدي
احكي قصته مع المدرسين المصريين في المدارس المصرية في كبري النونتني

هو ياهو زاتو
لكن ان ماعارف قصة المدرسين المصريين في المدارس المصرية في كبري النونتني
خلّي واحد يتبرع ويحكيها وان ارشح اسماعيل كيجاب

ابوبكر الشيخ الأسيد كتب:

عثمان الشيخ الاسيد كتب:: يتصل بي في المنزل ويقولون له نائم يقول صحّوه .. ايوه يا هاشم في شنو .. يقول لي بالله انت نايم .. فاتك لقاء في قناة الشروق لكن ح يعيدوه بكره

ههههههههههههه والله غياااظ جنس غظ..

العجب أكان ما عادو البرنامج..

انشاء الله مايعيدوه أنت كمان

راشد عبد الحفيظ كشكش كتب:

ابوبكر الشيخ الأسيد كتب:

عثمان الشيخ الاسيد كتب:: يتصل بي في المنزل ويقولون له نائم يقول صحّوه .. ايوه يا هاشم في شنو .. يقول لي بالله انت نايم .. فاتك لقاء في قناة الشروق لكن ح يعيدوه بكره

ههههههههههههه والله غياااظ جنس غظ..

العجب أكان ما عادو البرنامج..

ههههههههههه الزوووووول دا شكلو قدر على عثمان !!!!!!!!!1

ان شاء الله ياراشد يقابلك في الخرطوم سايق الجيب بتاعو نوع متسبيشي ح ازودك برقم اللوحه وهو الان في اجازة في السودان بالله ما نوصيك عليهو

أخوي عثمان .. زولكم دهـ .. تحفة .. خليط من ثقافات و أفكار و أذواق وألوان سياسية متعددة .. شايقي مولود عند الجعليين .. على رأي ود الزومة شايقي " مرخص " جعلي .. و دي الزبدة في البوست بتاعك ده كله .. يعني كل الإضطراب اللي عايش فيهو صاحبك ده .. و كل القلق الذي يسببه للاخرين .. سببو .. الجهوية المختلطة دي .. عشان كده تلقاهو جبهة إسلامية و لابس جلابية أنصارية .. كريم عبوس .. ممكن تلقاهو عندو تناقضات كثيرة أخرى إنت لا تدري عنها .. يعني أنا سرحت شوية .. و أطلقت لخيالي العنان في رسم صورة واضحة في مخيلتي .. " لحضرتو " .. تخيلتو طويل .. ضخم .. سمين .. ثيابه فاخرة جدا .. و من أرقى أسواق الرياض .. و لكن الألوان غير متناسقة .. خطاط جدا لكنه " أشول" .. يضحك بعصبية .. تلقاهو سايق سيارته يؤشر يمين و هو لافي يسار .. يحب التوقيعات و لكن لا يركز .. وقع على ماذا ؟؟ و إذا حدثت مشكلة .. ببساطة يرمي كل المسئولية على مرئوسيه الذين وقعوا قبلو .. تلقاهو يرد على " صاحب الحلال " في التليفون و يتكلم في مواضيع هامة جدا تخص الشركة و يعطي بيانات مالية .. و هو يطالع آخر أسعار الجوالات النوكيا في الإنترنت!! أذنه على التليفون و عينه على الداخل و المارق و فكره في البيت !! الجماعة صحو و لا لسه نايمين ؟؟ .. يتكلم كثيرا عن الأصالة و الرجوع للأصل .. و يموت في سندوتشات الشاورما و البيرجر .. و متابعة المسلسلات .. باب الحارة و نور !! و مباريات الدوري الممتاز في السودان .. و هكذا ..
أخوي الأسيد .. الله يعينكم .. و إجابة على سؤالك : الزول ده تعمل معاهو شنو ؟؟ أحسن حاجة – من وجهة نظري – تصاحبو !! لامن ربنا يفرجها عليكم .. و كفى الله المؤمنين القتال ..

ما عارف ليه الزول ده ذكرنى الزول داك؟؟ طبعاً الزول ده هو بطل هذا البوست..أما الزول داك هو بطل الطرفة القديمة..أما الطرفة، فهى : قالوا فى واحد جا البيت (بيتو هو طبعن)..ولدو قال ليهو: يابا فى واحد جا هنا ومالقاك..فدار بينهما الحوارالتالى:
- الأب : الزول ده لابس جلابية؟
- الإبن: آآى.
- الأب : الزول ده لابس نضارات؟؟
- الإبن : آآى.
- الأب : الزول ده طوييل كده؟؟
- الإبن: آآآى.
- الأب : الزول ده لونو أخدر؟؟
- الإبن: آآآآى يا أبوى.

- الأب: يااااربى ده منو؟؟

[quote="معاوية عبد الله محمد خير"]أخوي عثمان .. زولكم دهـ .. تحفة .. خليط من ثقافات و أفكار و أذواق وألوان سياسية متعددة .. شايقي مولود عند الجعليين .. على رأي ود الزومة شايقي " مرخص " جعلي .. و دي الزبدة في البوست بتاعك ده كله .. يعني كل الإضطراب اللي عايش فيهو صاحبك ده .. و كل القلق الذي يسببه للاخرين .. سببو .. الجهوية المختلطة دي .. عشان كده تلقاهو جبهة إسلامية و لابس جلابية أنصارية .. كريم عبوس .. ممكن تلقاهو عندو تناقضات كثيرة أخرى إنت لا تدري عنها .. يعني أنا سرحت شوية .. و أطلقت لخيالي العنان في رسم صورة واضحة في مخيلتي .. " لحضرتو " .. تخيلتو طويل .. ضخم .. سمين .. ثيابه فاخرة جدا .. و من أرقى أسواق الرياض .. و لكن الألوان غير متناسقة .. خطاط جدا لكنه " أشول" .. يضحك بعصبية .. تلقاهو سايق سيارته يؤشر يمين و هو لافي يسار .. يحب التوقيعات و لكن لا يركز .. وقع على ماذا ؟؟ و إذا حدثت مشكلة .. ببساطة يرمي كل المسئولية على مرئوسيه الذين وقعوا قبلو .. تلقاهو يرد على " صاحب الحلال " في التليفون و يتكلم في مواضيع هامة جدا تخص الشركة و يعطي بيانات مالية .. و هو يطالع آخر أسعار الجوالات النوكيا في الإنترنت!! أذنه على التليفون و عينه على الداخل و المارق و فكره في البيت !! الجماعة صحو و لا لسه نايمين ؟؟ .. يتكلم كثيرا عن الأصالة و الرجوع للأصل .. و يموت في سندوتشات الشاورما و البيرجر .. و متابعة المسلسلات .. باب الحارة و نور !! و مباريات الدوري الممتاز في السودان .. و هكذا ..
أخوي الأسيد .. الله يعينكم .. و إجابة على سؤالك : الزول ده تعمل معاهو شنو ؟؟ أحسن حاجة – من وجهة نظري – تصاحبو !! لامن ربنا يفرجها عليكم .. و كفى الله المؤمنين القتال ..
[/
[size=24]لك التحية يا معاوية
أشرف أحمد نقدالله قال .. مافي مدير مالي يمتاز بالرقة في التعامل مع الاخرين وأنا كمان وافقتو الرأي .. والوقت داك كنت ناسيك (لكل قاعدة شواذ)
احيانا أنت تكون سايق سيارة او بتعمل في اي شى يحصل خطأ بسيط يغير الموضوع للعكس تماما .. أنا عايز أعرف انت عملت شنو عشان تكون ابدعت في عكس تصورك له تماما 100%
أأما نصيحتك .. انا مصاحبو من زمان وهو صديق شخصى واسأل عنو عباس عوض حماد
عشان كده لمّا يجي من الاجازة سوف أعرض عليهو كلو مادار في البوست وأخليهو يقراهو بنفسو وبعدين شدو حليكم معاهو
وشكرا يا معاوية على ظهورك واااااااصل]

عثمان الشيخ الاسيد كتب:: أأما نصيحتك .. انا مصاحبو من زمان وهو صديق شخصى واسأل عنو عباس عوض حماد
عشان كده لمّا يجي من الاجازة سوف أعرض عليهو كلو مادار في البوست وأخليهو يقراهو بنفسو وبعدين شدو حليكم معاهو
وشكرا يا معاوية على ظهورك واااااااصل][/size]

[/size]

الصادق ابو حسن كتب:

عثمان الشيخ الاسيد كتب:: أأما نصيحتك .. انا مصاحبو من زمان وهو صديق شخصى واسأل عنو عباس عوض حماد
عشان كده لمّا يجي من الاجازة سوف أعرض عليهو كلو مادار في البوست وأخليهو يقراهو بنفسو وبعدين شدو حليكم معاهو
وشكرا يا معاوية على ظهورك واااااااصل][/size]

[/size]

طيب مالو ؟ .... في شنو

يا عثمان ما فى طريقة نقل لمكان تانى عشان ترتاح من الزول ده

واكان مالقيت ليك حل تعال

عثمان الشيخ الاسيد كتب:

mohamed osman idris كتب:: دحين هسى أنت صاحى ولا نااااااااااااااااايم
أكان صاحى نوم بعدين قوم أقرأ التعليق دا
وأكان نايم أصحى وقوم اتسحر ويوسف
بسلم عليك وااااجد

كسرة صغيرة
سوسو دا ياهو زملينا ببنك فيصل فرع الغابة
انى طلع ياهو دما حكايتو دايرليها رواية
وله مواقف مشهودة وخاصة في الإستقالة

كسرة نص كم
زولك دا شوفوا ليهو سواق
والله يعينكم ويعين أم العيال
ويديها طولة البال

أنت كمان مالك قرّبت تبقى زيو .. مصحّيني ثلت الليل عشان تقول لي قوم أسحر وفي شهر رجب
أيوه ياهؤ بتاع بنك فيصل فرع الغابه وهو أبن عمي .. ويلّه احكي لينا قصة الاستقاله الله يخليك
الا كان سواق آلي ..
أم العيال عاجبها تصرفاتو بس عشان شايقي

والله قصة الإستقالة فيها شوية استهبالة
طبعاً أنت عارفو عنيد وحاد وجاف لكن كان بتعامل معى بكل لطف ويضحك ويهظر كماااااان والجماعة مستغربين على الوضع دا ، طبعاً طبقت فيهو مقالب كثيرة لا يسع المجال لذكرها ، أما حكاية الإستقالة مختصرة جداً حيث قرر فجأة انو خلاص ترك الشغل من منازلهم طيب يا أخى تعال وقدم استقالتك قال ما بجى ، طبعاً يوم قابلته فى السوق وعملت ما شايفو عشان ينادينى بطريقته الظريفة وانا أقوم أقول ليهو يا أخي انت بتنادينى وللا بتقلع كجر مالك بتنادى بي نتقة كدا ، طبعاً يتكيف ويضحك ضحكته المميزة وبعد داك أقنعته انو يمشى معاي البنك وقد كان.....

محمد ميرغني عبدالرحمن كتب:: يا عثمان ما فى طريقة نقل لمكان تانى عشان ترتاح من الزول ده

واكان مالقيت ليك حل تعال

مافي طريقة يا محمد ميرغني لانو الزول شخصيتو عشعشت في نفس كل من تعامل معه بمختلف جنسياتهم .. يعنى وين ما تروح هو معاك

تعرف يا عثمان فى اشخاص عندهم خصال وطبائع مختلفة يسببون المتاعب للغير ومهما تتزمر وتتضايق منهم وهم يحسون بذلك
تجدهم لا يتغيرون ولايحيدون عن تلك الخصال لانها صارت من سماتهم وبمرور الزمن الانسان
الملازم لهم يتعود عليهم ويلتصق بهم اكثر وتصبح له هذه المسالة عادية بل يذهب اكثر من ذلك يتضابق ويحس بفراغ عندما
يغيب ذلك الشخص او يفتقدة يعنى بقى ليه زى قهوة الصباح
وانتوا تعودتوا على الزول صاحبكم
والله ما كدى

mohamed osman idris كتب:

عثمان الشيخ الاسيد كتب:

mohamed osman idris كتب:: دحين هسى أنت صاحى ولا نااااااااااااااااايم
أكان صاحى نوم بعدين قوم أقرأ التعليق دا
وأكان نايم أصحى وقوم اتسحر ويوسف
بسلم عليك وااااجد

كسرة صغيرة
سوسو دا ياهو زملينا ببنك فيصل فرع الغابة
انى طلع ياهو دما حكايتو دايرليها رواية
وله مواقف مشهودة وخاصة في الإستقالة

كسرة نص كم
زولك دا شوفوا ليهو سواق
والله يعينكم ويعين أم العيال
ويديها طولة البال

أنت كمان مالك قرّبت تبقى زيو .. مصحّيني ثلت الليل عشان تقول لي قوم أسحر وفي شهر رجب
أيوه ياهؤ بتاع بنك فيصل فرع الغابه وهو أبن عمي .. ويلّه احكي لينا قصة الاستقاله الله يخليك
الا كان سواق آلي ..
أم العيال عاجبها تصرفاتو بس عشان شايقي

والله قصة الإستقالة فيها شوية استهبالة
طبعاً أنت عارفو عنيد وحاد وجاف لكن كان بتعامل معى بكل لطف ويضحك ويهظر كماااااان والجماعة مستغربين على الوضع دا ، طبعاً طبقت فيهو مقالب كثيرة لا يسع المجال لذكرها ، أما حكاية الإستقالة مختصرة جداً حيث قرر فجأة انو خلاص ترك الشغل من منازلهم طيب يا أخى تعال وقدم استقالتك قال ما بجى ، طبعاً يوم قابلته فى السوق وعملت ما شايفو عشان ينادينى بطريقته الظريفة وانا أقوم أقول ليهو يا أخي انت بتنادينى وللا بتقلع كجر مالك بتنادى بي نتقة كدا ، طبعاً يتكيف ويضحك ضحكته المميزة وبعد داك أقنعته انو يمشى معاي البنك وقد كان.....

مرة جاء زيارة عندنا الخرطوم وكان يعاني من آلام في معدته وبرضو أقنعته انو يمشي الدكتور وقابلنا الدكتور وقال له انت ممنوع من اكل الشطة
والدهون و.. الي حين مقابلتي
وصاحبنا في الغدا ما قصر ضرب الشطة والدهون وكل الممنوعات .. فقلت له انت الدكتور ياسيف الدين مش منعك من الحاجات دي
ضحك ضحكته المميزة وقال لي .. هو الدكتور هسع وين شايفني

محمد ميرغني عبدالرحمن كتب:: تعرف يا عثمان فى اشخاص عندهم خصال وطبائع مختلفة يسببون المتاعب للغير ومهما تتزمر وتتضايق منهم وهم يحسون بذلك
تجدهم لا يتغيرون ولايحيدون عن تلك الخصال لانها صارت من سماتهم وبمرور الزمن الانسان
الملازم لهم يتعود عليهم ويلتصق بهم اكثر وتصبح له هذه المسالة عادية بل يذهب اكثر من ذلك يتضابق ويحس بفراغ عندما
يغيب ذلك الشخص او يفتقدة يعنى بقى ليه زى قهوة الصباح
وانتوا تعودتوا على الزول صاحبكم
والله ما كدى

والله كلامك صاح قاعدين نخرم ليه عديل كده

الســـلام عليكــم و نأ ســف للانقطاع و ا لســبب هـو

طبعا عرفــتــوهو !!!!!؟؟؟؟

وأ نا الآن طالع مع وليدع السلام و راقيـــة فى زيارة

لعروسة ا لمنتدى مــــــروة و الزيارة بســبب عو دتها

مــن شهــر ا لعســــــــــــل ،،،،،،

و تفا صيل ا لزيارة و الكثيــر من الاخبار مســاء

ا ليوم !!!!!

» أعلم ان الدُنيا ايام تدور...
» تلميذه تدخل فى غيبوبه بعد تعرها للضرب على يد معلم...
» الزول ,,,,
» رايك شنو في الزول دا ؟
» الزول إن أباك ...