الدكتور والميكانيكي .. واحـد ..

كل فى مجاله مبدع وماهر
الدكتور صاحب الانامل الناعمة التى تمتد الى جسم المريض
مداويا ومطبطبابكل دقة ورافة وفى بعض الاحاين تمتد يده بالمشرط والمريض فى وعيه وكامل اجهزت الجسم تعمل
اما الميكانيكى صاحب الايادى الخشنة تمتد تلك الايادى الى باطن العربة معالجا لاوجاعهاواعطالهابعد ان يقوم بتخديرها كاملا
والكل يتبع التركيز الشديد والدقة كى يصل فى النهاية الى ما ينشده انه عمل شاق للاثنين معا

mohmdalsheikh كتب:

تستأهل الف لايك يا محمد محجوب ولكن المهندس يستطيع إصلاح العطل الكهربائي بدون ان يفصل التيار يعني لكل قاعدة شواذ

الافـندي .. لك التحـية والتقـدير على المداخـلة وطبعاً لكل قاعدة شـواذ بس الكلام دا ليهو معاني كتيرة .. ومنها كل مجال وليهو ناسو والمهن المتنوعة تختلف بإختلاف البيئة والوضوع والظروف ..
بس الماممكن هو انو نحنا عندنا وفي بلدنا كل الناس بقت تجار .. دي حاجـة غريبة مش كـدا ..
ومافي مهـن ثانية غير الطب والهندسة ..
أما من ناحية الميكانيا .. فدي بقت عندنا مهنة معيوبة ..
اما اذا اشتغلته مهندس ميكانيكي ممكن .. بس شرطها الوحيد .. ما يشتغل بي يـدك ..
يعني مهندس لكن تقعـد في المكتب .. اما المهندس الكهربائي .. فلا ننقص من وزنه شئ ..

حقيقة .. ما ينقصـنا هو انو ما يدرسـه الطلاب في المدرسـة والجامعـة اصبح شئ نظـري وتشعر انها قراية بتاعت (عدي من وشك) .. لذلك يصعب عليهم تطبيق العملي لما يصلوا المرحلة العملية لتطبيق النظـري .. ودي مشكلة كبيررررررة بالجـد ..






.

في واحد زمان اشتري سيارة مرسيدس من ابو العلا يلَه بعدين ساق العربية وطلع بيها بره لمَا يجي يمسك فرمله وللا لمَ يهدي شويه يسمع صوت ..تل. في الماكينه قام رجع لي ناس ابو العلا قال ليهم الحاصل .. فحصوا العربية وقالوا ليهو ما في اي حاجه كل شي تمام.. بعد ما زهج منهم قام مشى للمكانيكية في المنطقة الصناعية .. برضو كلهم قالوا ليهو صاح الصوت ده موجود لكن والله نحن ما عارفين السبب شنو.... في واحد صبي ميكانيكي قاعد يسمع ويشاهد المنظر دا كل يوم
ولمَا شاف الراجل خلاص ادركه اليأس ... قال ليهو يا عمو ... انا بصلح ليك العربية دي.. الراجل لم يعير الصبي اهتمام. ... لكن تحت الحاج كيجاب أقصد الحاح الصبي ... الراجل وافق
الصبي فتح الكبوت وقعد في الرفرف وقال .. حرك يا عمو... وفعلا عمو اتحرك .. امسك فرمله يا عمو... عمو مسك فرامل...الصوت موجود .. تاني حرك يا عمو... امسك فرامل .. لازال الصوت موجود وفي المره الخامسة قال الصبي حرك ياعمو... أمسك فرامل... الصوت مافي تاني حرك يا عمو امسك فرامل الصوت مافي.. نزل الصبي من السيارة وقفل الكبوت وركب مع عمو وقال ليهو يلَه رجعنى الورشه عشان انا تاخرت والمعلم ح يضربني بالمفك
الرجل سأل الصبي يا ولدي المشكلة كانت شنو
قال ليهو بسيطة يا عمو بس البطارية ما كانت مثبته كويس وانا ثبتها

التشخيص ... التشخيص ..