تقبض كم وتبيع السودان ؟؟؟؟؟؟؟؟؟؟؟؟

زائر

_ لو انت مسئول كبير في السودان السجمان دا
_ و سألوك السؤال دا
_ تقبض كم وتبيع السودان ؟
_ انا شخصيا ما طماع وعشان كدا ما عاوز اكتر مرتب مية دولار شهري وسكن عشوائي كدا في اي حته غير الصومال والسودان
_ ولو مافيها مرتب انا ممكن ابيعو بي 100الف دولار وجاي جاي ممكن ابيعو بي ناسو بي 500الف دولار
_نص مليون دولار بس وابيعك ياسودان
_وشهادة ميلادي وجنسيتي وبطاقتي الشخصية والله ما اخسر فيها كبريته واقرب ست شاي اجدعهم في الكانون بتاعها
_تخيل كيف يكون الحال لو ما كنت سوداني
_والله بكون مية مية
_يكون حال السرور
_حال الهناء
_انحنا في بلد المواطن في خدمه الشرطه
_ في بلد العندو ضهر ما بينضرب علي بطنو
_ بلد الزكاه توزع علي العاملين عليها
_بلد رئيسها يقول كلام والتحت منو يقول كلام تاني
_ بلد فيها رئيسين
_ بلد في نائبين
_ بلد فيها 50 مستشار للرئيس
_ بلد زي الكوتشينة
_ الوزارات يدكوها ويوزعوها
_ وزير الداخلية يبقي وزير دفاع
_ من الشرطه للجيش
_ وزير الطاقه يبقي وزير مالية
_ وزير كدا يبقي كدا وكدا يرجع لي كدا
_دي وزارات ولا خط مواصلات
_ قال رسول الله ( لعن الراشي والمرتشي والرائش الذي يمشي بينهما )
_ كدا كدا انا ملعونين بالواضح كدا وعشان كدا البلاوي بتكتر علينا
_عشان لو داير تطلع رخصه لازم تدفع رشوة
_ جنسية عاوزه رشوة
_ شهادة عاوزة رشوة
_ دا موضوع وموضوع الحرامية دا كمان انسي
_ حرامي يسرق موبايل المواطنين يقعو فيهو دق العيش
_ يسلموهو لي ناس الشرطه
_ ديل كمان يتمو الناقصة
_ شلاليت وكفوف وضرب
_ يودوهو القسم
_ هناك يعملو ليهو عيد ميلاد
_ ويودوهو للقاضي عشان يقطع التورته
_ وحكمت المحكمة بي سنة سجن
_و واحد يحتال ويختلس 80 مليار
_ يقبضوهو معزز مكرم
_ يودوهو سجن الشيكات
_ غرفه 5 نجوم
_ تكيف
_ تلفزيون
_ خدمات متكامله
_ وتطلع خميس جمعه كمان
_ ولو عندك محامي شاطر بتطلع بي اعسار
_ بس تدقس وتختلس بنك او تضرب بنك
_ وقعتك سو و و و ده
_ تبقي في السجن لحين السداد
_ ليه تضيعو حق المواطن وتحافظو علي حقوق البنك
_ ليه ما يكون الاتنين يبقي لحين السداد او الاتنين يطلعو بي اعسار
_ تخيل كيف يكون الحال لو ما كنت سوداني
_ كنت ح اعيش عزيز كريم
_ لا ادفع رشوة ولا اقبض رشوة
_ نهي اختلاسات
_ كش نهي سرقات _ شيكات
_ نهي دجالين
_ وديل حكايتهم حكاية
_ الحكومة تشيل من المواطن وهم يكملو الباقي
_ نيجيريا مشهوره بالسحر
_ بس بعد كدا ح يجو يتعلمو مننا
_ دجل شعوذة سحر احتيال نصب اختطاف اغتصاب
_ شغل داير واسطه
_ نصيحه لي ناس الشهاده العربية
_ ابقو كيزان
_ كيز ا ا ا ا ا ا ا ا ا ا ن
_ عشان تبقي ابراهيم مع الجماعه
_ دمغه جريح
_ رسوم نفايات
_ ضرائب عوائد كهربا موية هواء
_ تفتح دكان قبل ما تقول بسم الله ناس البلدية بي جهه والنفايات و و و و
_ دعم طلاب
_ اتخيل الطالب يدعم بكفاله تقدر بس 50 جنية شهريا
_ ناس الصندوق يعملو بدعه ويقولو الا طالب ساكن داخلية يحق ليهو يصرف كفاله
_ وناس الداخلية يسجلو الف طالب والكشف يطلع بي 300 طالب يحق ليهم الكفاله والباقي يقولو ليهم اسمكم سقط تجو السنة الجاية وال 700ديك الله اعلم لأي جيب ذهبت
_ السنة الجاية يقولو ليك انت في تانية وما تحق ليك كفاله الكفاله تسجل ليها من اولي
_الدنيا كيف متقلبنة تصحي العصافير الوديعه مع الصباح متخلقنة وشر الكلاب متمسكنة وين ترتا وهيهيوا وين الليله غاب كلب الجناين زيو زي كل الكلاب كلب الغلابه المستغلين العبيد الليله سيد وسيد مهاب كلب اب زهانة تهينو هانة ومن المهانة تقولو تك حكم انقلابات التساب دواره دنيا فرندقس نتجاري فيها سبق سبق نخسر بعض في هين تراب
_ اها يا عمك
_ تقبض كم وتبيع ؟؟؟[b]

انا بسألك سؤال غير
انت وضعك شنو في الكلام القلتو ده؟
ليه ترضى بسجم الرماد في خشمك ؟ ما عندك خشم ؟
انا اتوقعك لو مسكت محل اي واحد فيهم حتطبق نفس النظرية وتملا خشم الناس بالتراب وللا تبيع تراب بلدك وتسد خشم بيت الناس
وللا شنو يا أممممك ( يعني يا عمممممك)

كلامك صاح لكن
بلادي وإن (جارت) علي عزيزه
لكن انت شكلك اذا بتبيع بالسعر دا لو مسكت البلد حتكون أكعب منهم

زائر

يا الصادق البلد دي ما مضمونة والله يلم فيك واحد ذي بتاع سوق المواسير دا يخليك ماشي حفيان عشان كدا احسن تبيع وتقبض وتشوف ليك جقب في اي حته بره السودان تلبد فيهو

لك تحياتي ياتحياتي ، لكني أسجل إختلافي الصريح معك لأنو السودان أبو كنداكه ده عزيز وغالي مهما جار علينا والله جرنا عليهو ، وبي حالتوا الإنت شايفه دي لمن تبعد عنو بتحن ليه شديد - ملعب طفولتك- مرتع صباك - مسرح شابك ، وبعدين المشاكل الي ذكرتها دي تكاد تكون متكرره وبالكربون في معظم البلاد الي في مستوانا والي أعلى من مستوانا كمان وآخرها قضية شاب الإسكندريه التي شغلت الرأي العام المصري والعالمي ، ودونك ماحدث في إنتخابات إيران وبعض الدول الأفريقيه

تخريمه - قبل فتره كان في مقطع في اليوتوب عن السوداني الي راجع من السعوديه ملخصها ( أنو عسكري سعودي قال ليهو ياعبيد ( تصغير عبد ) فالسوداني رد عليه قال ليهوا أنا ماشي السودان الآن وأقدر أقول رأي في البشير وفي الميرغني وفي الصادق وفي أي شخص وزير والله غفير ، لكن إنت تقدر تقول رأيك في ........ هسه العبيد فينا منو )

مش قلت ليك سودان الكتاحه والكنداكه ده سمح - بس نقول ربنا يصلح الحال ويوحد كلمتنا ويجمع الناس تحت رأية المواطنه

ياتحياتي انت داقس هو ما فضل حاجة تبيعة انت مكان انت واقف الان بكرة ماحقك وياعبد القادر ساتي كدي تعال اخدليك سنة انا خايفك تبيع بدون مقابل

عدد الرسائل : 7 تاريخ التسجيل : 10/11/2009

الاخ الفاضل الوليد عبدالسلام لك التحية ولاهل السودان عموم
والله ياوليد الواحد ياتثر عندما يسمع مثل هذا الكلام من انسان متعلم وفاهم مثلك
ياخى ضحت ملاين الشباب وهم من خيار شباب السودان باروحهم من اجل هذه الوطن
جاى انت تبيعو بى حفنت دولارات
والله ياوليد يانت ماحاسى بالنعمة الانت فيها يا مامقدر قيمة وطنك

زائر

الأخ عبدالقادر صحيح المشاكل موجوده في الدول بس في فرق بين دوله متقدمة في أي حاجه في الفن في الكورة وفي اي مجال وموفرة للمواطن حياة رخيصة يعني عندك في مصر 20مليون بالسوداني تأخد شقة مفروشه في الأسكندرية وفي السودان ال20 دي ما تجيب لي قطعه في خلاء امدرمان والشقة ايجارها يصل لمليون ونص عندك في السعودية تأكل مالذ وطاب وتاكل جداد مكرفس تقول مساعد لوري ضاربو سقط وتجي هنا طلب الجداد بي 18 جنية يعني الدجاج دا الا تكون عيان والصحه والتعليم كلو بي قطع قلب وذي الشاب بتاع الأسكندرية دا عندنا منو الالاف بس ما عندنا اعلام بقول الحقيقه

تخريمه

قال ليك سودانين قبضوهم ناس الكشة في السعودية وودهم السجن ودايرين يسفروهم علي مجموعات والضابط شال الكشف وبنادي في الأسماء
حسن علي تسمع واحد من السودانين يقول ما ا ا في
محمد احمد تسمع واحد يقول الزول دا في المستشفي
عبدالرحمن عوض تسمع واحد يقول الزول دا في الحمام
وكل واحد ينادو اسمو ينكر ويقول الزول دا مافي
المهم سألوهم الحاصل شنو قالوا ياعمك سجن السعودية ولا حرية في السودان

عشوائي جده ولا فلل امبدة

زائر

يا الوليد صحيح باقي الفضل شالو الهوا

وين الوطنية يا شباب

زائر

الأخ الحبيب تربيع عبدالمحسن انا ما حاضر زمن نميري بس سامع ناس ليبيا دايريين منو قروش وقالو ليهو يديهم قطعه الأرض الحاليا مبني عليها برج الفاتح ونميري فرض علي كل مواطن كم ماعارف وسدد القروش وحاليا ياعمك تمشي اي حته يقول ليك خصخصوها لي اجانب والأجانب يطردو الموظفين السودانين والبلد مليانة حبش وبنغاله وهنود وانت في بلدك تتذل انا شخصيا ابيع جانو

زائر

الوطنية شردت بره السودان ودرست في سوريا وشغاله في قطر
تدرس بره السودان لية ؟؟
وتشتغل بره ليه ؟
تعال هنا عشان يلم فيك حبشي يجهجك

درست بره والان شغال بره في النهاية اي فايدة ترجع لجوة:
تحويلات سنوية، استثمار، عمران ، عملات، سيارات
ما عايز اقول المغتربين شايلين معظم الاسر في السودان ( أب، أخ، ابن ، الايام دي البنات شايلات الهم ومتغربات عشان أسرهم)
مع ذلك بيع الوطن ده كلمة كبيرة حتى لو مزاح
بعض القراءات تقول ان اليهود كانو بيدو الفلسطينيين مبالغ كبيرة عشان يبيعو اراضيهم يبيعوها ويهاجروا
الوضع عندنا يختلف بيع من اجل الاستثمار على ارضنا ولو صفوا أعمالهم ما حيشيلوها معاهم
وللا شنو

زائر

يا تحياتي بيع مره واحده كده حرام عليك ده كلام زول يأس وخلي عندك امل في بكره ولا الحق عبد الواحد محمد نور
واتمرد وتعاون مع اسرئيل وتعال بأنقلاب عسكري وخلص نفسك وخلصنا معالك بدل البيع

حيث كنا حدت بنا زكري ماؤها الشوق كلانا فداء * نتمني جماله لنري هل لترفيه عيشه ثمن

حيث هذي الماء نبزلها كالفدائي حين يمتحن * بسخاء بجرئة بفداء كالفدائي حين يمتحن

انا سوداني انا انا سوداني انا

رغم المحن ورغم الظروف التي تحيط بالوطن لا تتبني هذا الشعار

تقبض كم وتبيع السودان بل قول تدفع كم؟؟؟؟؟؟ وتحتنفظ بالسودان

واعلم ان حب الوطن من الايمان

وان كل هذا الكلام من وراء قلبك

زمن الرويبضة ... { حديث شريف } للتذكير

السلام عليكم ورحمة الله وبركاته

عن أبي هريرة رضي الله عنه قال: قال رسول الله صلى الله عليه وسلم:

((سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة))،

قيل وما الرويبضة يا رسول الله ؟ .. قال: «الرجل التافه يتكلم في أمر العامة» .

--------------------

قال اللغوي ابن منظور: «الرويبضة: هو العاجز الذي ربض عن معالي الأمور وقعد عن طلبها، والغالب أنه قيل للتافه من الناس لُِربُوضِه في بيته، وقلة انبعاثه في الأمور الجسيمة».

يبين الرسول صلى الله عليه وسلم أموراً ستصير في مستقبل الأيام وهي حاصلة في واقعنا المعاصر، منها: أن يتمكن التافه من الكلام، وكأن الأصل أن لا يتكلم إلا العاقل الحكيم،
ومما يزيد المشكلة عمقاً ومساحة أن يكون هذا وأمثاله ممن يتناول أمور الجماهير فيساهم في تضليل الرأي العام، وتوجيه العامة إلى مستوى طرحه كتافه قاعد متقاعس، أو على ضعفهم فوُسِّد أمرهم لرويبضة.

يصف الرسول صلى الله عليه وسلم الزمن الذي يصول فيه الرويبضة بالسنوات الخدّاعات، ذلك لأن الأمور تسير خلاف القاعدة، فالصادق يُكذَب والكاذب يُصدَّق، والأمين يُخَون والخائن يُؤتًمن، والصالح يُكمَّم والتافِهُ الرويبضة يُمكن.

فهل نحن الان في زمن الرويبضة ..؟؟؟

زائر

الأخ الصادق الزول بغترب وبكون شايل نفسو وشايل اهلو في السودان عشان السودان دا القروش اتعدمت فيهو والقروش دي بقت في جيوب معينة وانت تتكلم عن عقارات وسيارات ونسيت بعبع اسمو الجمارك تجي بي سياره جماركها تكون ضعف ثمنها وبالنسبه للأستثمار معقوله بس انا ادي مستثمر حق في ارض او مصنع لمده 15 او 20 سنة ودا عمر جيل كامل بيطلع من ناقش ابو النوم عشان المهندسين صينين العمال حبش بنغاله هنود عندك واسطه تشتغل وانت خريج مقبول ماعندك واسطه تشوف لي جركانة موية وتكورك برد برد

زائر

انقلاب عسكري
يا هادية انتي نسيتي نكته الجان القالو ليهو اعمل كوبري من السودان للسعودية قال ما بقدر قالو ليهو طيب اقلب الحكومه قال ليهم الكوبري قلتو من وين لي وين
ديل قالو الزارعنا غير الله يجي يقلعنا

زائر

الأخ عاطف
اولا صدق رسول الله صلي الله عليه وسلم
ثانيا من هو الرجل التافه الذي يتكلم بإسم العامه ؟
هل اعضاء هيئة علماء السودان تافهين لأنهم يحللون ويحرمون ويفتون علي مزاجهم ومنها فتواهم التي قضت بتكفير كل من يطلع في مسيره الحركه الشعبية !!!! كيف يكون كافر ورئيس الحركة الشعبية نائب رئيس دولتي؟؟؟
هل ائمة المساجد تافهين لأن اغلب خطبهم عباره عن خطب جاهزه مطبوعه وموزعه علي المساجد
هل مدير عام الشرطه تافه لأنه يقول في عام 2009 سجلنا تلاته بلاغات خطف وحالات بسيطه من الأغتصاب مع العلم بإن دكتور الجميعابي مدير دار الرعاية الأجتماعية أكد بوصول حالات بمعدل 3 _ 5 يوميا اطفال لقطاء
هل انا تافه لأني فكرت ابيع السودان
ياخ مانويل جوزية مدرب الأهلي المصري جاب كم بطوله قارية للأهلي وما ادوهو الجنسية وعندك كلتشي لاعب المريخ عريس في امريكيا جنسيتو طلعت في الخرطوم وانت عشان تمشي تطلع جنسية رأسك يسخن وتقول لي سوداني

يا أخ تحياتي تقبل مروري وتحياتي مره أخرى - عزيزي لا أحد ينكر المشاكل التي تفضلت بذكرها بل جميعنا يعايشها ، وإن أنكرت على الصادق أبو الدراسه خارج السودان وعلينا جميعاً العمل خارج السودان ده ظلم للناس البره السودان لأنو الناس دي بتعاني معناه شديده لكنهم صابرين زي ماقال ليك الصادق عشان أولادهم وبناتهم وأخواتهم وخالاتهم .... الخ

لكن ده كلوا يجعلنا أكثر عزه وأكثر تمسك بوطنيتنا - كما إن الأوطان للشعوب وبالشعوب وليس بالحكومات ، ولك في ماقاله مصطفى سيدأحمد العزاء ( حيكومات تجي وحيكومات تغور ... تحكم بالحجي والدجل الكجور ) لكن الوطن لم ولن يغور ، ويكفينا مخاطر التقسيم لخمس دويلات الماثله أمامنا

أتمنى أن نجدد العزم جميعاً لرفعة الوطن ولو بعد حين

والله على الرغم ان تحياتي بيقول كلام صعب في قالب هزلي
ولكن يا شباب ربما هذا الموضوع اثار كوامن الغبن من جهة وكوامن الوطنية من جهة اخرى وجعلنا ننظر بعين الواقعية اكثر من العاطفية

--------------------------------------------------------------------------------

((عقوبة التشهير والقذف والسب))

السلام عليكم ورحمة الله

بيانا لاخواننا لخطورة هذا الامر أحببت أن انقل لكم هذه المادة
جاءت الشريعة الإسلامية بحفظ حقوق الأفراد والجماعات من أن ينالهم في أعراضهم أو سمعتهم كل ما يسوءهم، وشرع الله عز وجل حد القذف لكل جان قادته نفسه الأمّارة بالسوء، إلى النيل من أعراض الناس أو قذفهم والتشفي منهم.
والقذف - لغة - هو الرمي بالحجارة، ثم استعمل في الرمي بالمكاره، لعلاقة المشابهة بين الحجارة والمكاره في تأثير الرمي بكل منهما؛ إذ أن في كليهما أذى، وفي الشرع هو: اتهام المحصن - وهو العفيف البري- بالزنا أو نفي نسبه من أبيه، وهو بالمعنى الشرعي جريمة حديّة من جرائم الحدود السبعة المقررة شرعاً، ومن كبائر الذنوب التي حذرت الشريعة منها لصيانة أعراض الناس، فأوجبت حد القذف على القاذف وهو ثمانين جلدة، وعدم قبول شهادته في أي أمر من الأمور- ما لم يتب- وهو فاسقٌ بنص القرآن الكريم، يقول الله تعالى: (وَالَّذِينَ يَرمُونَ المُحصَنَاتِ ثُمَّ لَم يَأتُوا بِأَربَعَةِ شُهَدَاء فَاجلِدُوهُم ثَمَانِينَ جَلدَةً وَلَا تَقبَلُوا لَهُم شَهَادَةً أَبَداً وَأُولَئِكَ هُمُ الفَاسِقُونَ) سورة النور .

والقذف حقٌ من حقوق الله عز وجل، لا يسقط عن القاذف ولو عفا عنه المقذوف على رأي الحنفية؛ في حين يرى الجمهور أن القذف حقٌ للمقذوف، إن شاء عفا ولو بعد وصوله إلى ولي الأمر. فشرع الإسلام حد القذف لحماية سمعة الأفراد من التلويث والتدنيس من قبل مروجي الإشاعات الكاذبة الذين لم تتحرك دوافع الإيمان في صدورهم، ولم يردعهم الضمير الإنساني عن نزوات نفوسهم المريضة.
ولو لم يثبت حد القذف المقرر شرعاً؛ بأن تخلف أحد شروط ثبوته، فإن القاذف لا يسلم من العقاب، بل للقاضي أن يعزّره على ذلك.يقول ابن قدامة - رحمه الله - في المغني: (وكذلك لو قال يا كافر، يا فاسق، يا سارق، يا منافق، يا فاجر، يا خبيث، فلا حدّ في ذلك كله؛ لكنه يعزّر لسبّ الناس وأذاهم). إذا تقرر هذا؛ فقد علمنا يقيناً أن الشريعة الإسلامية جاءت لمنع الأذى الذي ينال الناس في أعراضهم وسمعتهم، وردعت كل مَنء تسول له نفسه الإضرار بمكانة الغير وحقوقهم الاجتماعية بالعقوبات الرادعة التي تكفل تحقيق الأمن الاجتماعي وتعاقب الذين يحاولون النيل منه.

ولا إشكال في ردع هذا المعتدي الذي يظهر علناً للناس وينال من أعراضهم؛ إنما المشكلة اليوم تكمن مع تطور وسائل الاتصال الحديثة، والتقدم التقني الهائل في مجال المعلومات الالكترونية، وسرعة انتقال المعلومات الكاذبة، والإشاعات المحرضة عبر الشبكة العنكبوتية، من دون معرفة مُصدِرها، حتى أصبحت هذه الشبكة مرتعاً خصباً لأصحاب الأنفس المريضة الذين لم يستطيعوا مواجهة الناس بالحجة والبيان، أو النصح والحوار، فأعمى الحقد قلوبهم، والضغينة نفوسهم، فاتخذوا من هذا المكان الذي يتوارون خلف ستاره وسيلة لتفريغ الحقد والكراهية التي ثقُلت بها جنوبهم، ونالوا من أناس أبرياء معتقدين أنهم بتخفيهم في هذا العالم المجهول سيُفلتوا من العقاب، وما علموا أن عقاب الآخرة أشد وأنكى.

ولا يمكن تفسير ما يقوم به أولئك من سبٍ وشتم بأنه من حرية الرأي؛ إذ أن حرية الرأي في الإسلام ليست مطلقة، بل هي مقيدة بعدم التعارض مع مقاصد الشريعة الإسلامية، وبالتالي بعدم الإضرار بمصالح الجماعة، أو الإساءة للآخرين، فلا ضرر ولا ضرار، فللفرد الجهر بالحق، وإسداء النصيحة للعامة والخاصة فيما يحقق نفع المسلمين ويصون مصالح الفرد والمجتمع، ويحفظ النظام العام، لكن هناك قيود وضوابط لا ينبغي تجاوزها في هذا الأمر، منها:
أن تمارس هذه الحرية بأسلوب سلمي قائم على الدعوة إلى الله بالحكمة والموعظة الحسنة، فلا يجوز التعبير عن الرأي إذا كان في ذلك ضرراً على الآخرين، أو اعتداءً على حرماتهم وأعراضهم، أو اجتراءً على الدين وأهله..
كما أنه لا يمكن أيضاً تفسير ما يقوم به أولئك من استعمالهم لحق النقد؛ إذ أن ذلك مرهونٌ بعدم التعرض لشخص المسند إليه، وإذا امتد النقد من التصرفات إلى الأشخاص، والتدخل في حياتهم الخاصة، وأمورهم الاجتماعية، فليس بنقد، بل هو تشهيرٌ يوجب تعزير فاعله. وفي الحقيقة كنا نعاني في وقتٍ مضى من غياب النصوص النظامية المجرّمة لتلك الأفعال، حيث عالج المنظّم السعودي قضايا التشهير في المطبوعات، ولم يتطرق فيما لو كانت الإساءة والتشهير عبر شبكة الانترنت.
مع العلم بأن حقوق الناس لا تضيع في بلادٍ اتخذت من كتاب الله تعالى وسنة رسوله صلى الله عليه وسلم دستوراً لها؛ فالشريعة الإسلامية صالحة لكل زمان ومكان، فكانت المحاكم الجزئية - ولا زالت - تستقبل دعاوى المتضرر من هذا التشهير عبر مواقع الانترنت، وخصوصاً إذا كان الجاني معروفاً باسمه؛ فيتقدم المتضرر أو مَنء ينوب عنه، أو ورثته من بعده، برفع الدعوى الجزائية الخاصة أمام المحكمة الجزئية لأخذ حقه ورد اعتباره، ويتم طلب هذا الجاني عن طريق محضري المحكمة أو رجال السلطة العامة ليمثُل أمام القضاء، وفقاً للمادة السابعة عشرة من نظام الإجراءات الجزائية، بل نصت المادة الثامنة عشرة صراحة على إمكانية إقامة الدعوى الجزائية أو إجراءات التحقيق في الجرائم الواجب فيها حقٌ خاص للأفراد ولو لم يتقدموا بالشكوى؛ فيما إذا رأت هيئة التحقيق والادعاء العام مصلحة عامة في رفع الدعوى، والتحقيق في هذه الجرائم، والتي نص مشروع اللائحة التنفيذية للنظام على أن من هذه الجرائم القذف والسب في مكانٍ غير علني.

فحق هذا المتضرر من التشهير في العقاب حقٌ قضائي، لا يمكن أن يستوفى إلا بحكم قضائي، حيث يعد مبدأ "قضائية العقوبة" من المبادئ الأساسية المقررة في الشريعة الإسلامية، أي أنه لا عقوبة بدون حكم قضائي، وبما أن لكل جريمة عقوبة، فإن الجريمة التي تقع على حق العبد لا سبيل إلى توقيع العقاب المقرر شرعاً أو نظاماً على مرتكبها إلا عن طريق رفع الدعوى الجنائية الخاصة أمام القضاء، والذي لا يتحرك من تلقاء نفسه، وإنما تحركه إقامة تلك الدعوى حتى تصل إلى حكمٍ قضائي يُثبت ذلك الحق أو ينفيه. وكنت قد تلقيت مطلع هذا الأسبوع العديد من الاستفسارات التي يسأل أصحابها عن إمكانية رفع الدعوى الجزائية الخاصة ضد شخص أساء للناس في سمعتهم وكرامتهم وحاول النيل منهم بطريقة التشهير عبر الإنترنت، والتي أصبحت اليوم تشكل ظاهرة سلبية في العديد من جوانب الحياة الاجتماعية والإعلامية، وأصبحت وسيلة لنشر الكذب والبهتان والتطاول على الأعراض والحُرمات لبعض الأشخاص الطبيعيين باختلاف مكانتهم الاجتماعية، وأفادني طالبو تلك الاستشارات أن ذلك الشخص أفصح عن اسمه ومحل إقامته، وأنه سبق وأن قذفهم ونال من أعراضهم.. ولا أعتقد أن في هذا الأمر غموضاً؛
إذ إن نظام الإجراءات الجزائية أوضح ذلك جليّاً في الفصل الخامس (الادعاء بالحق الخاص) من الباب السادس (إجراءات المحاكمة)، وأيضاً فيما ذكرناه سابقاً في المادتين السابعة عشرة والثامنة عشرة من النظام. كما أن النظام حدّد في المادة الحادية والثلاثين بعد المائة الاختصاص المكاني للمحاكم بأنه في المحل الذي يقيم فيه المتهم، والمكان الذي يُعتبر محل إقامة هو: الذي يقيم فيه المرء على وجه الاعتياد، هذا في الاختصاص المكاني. أما الاختصاص النوعي فإن النظام في المادة الثامنة والعشرين بعد المائة حدد الاختصاص النوعي للمحكمة الجزئية بأنه في الفصل في قضايا التعزيرات إلا بما يستثنى بنظام، وفي الحدود التي لا إتلاف فيها. وجريمةالقذف والتشهير عبر الانترنت لا تخرج عن هذين النوعين من الجرائم، فهي إما قذفٌ بالمعنى الشرعي - على ما بيناه سابقاً - فيكون حداً لا إتلاف فيه، وإلا فهو تعزير. وليس جديداً على محاكمنا استقبال أمثال تلك الدعاوى؛ فلقد استقبلت إحدى المحاكم في منطقة القصيم دعوى مماثلة، وصدر فيها صكٌ شرعي، فهي كغيرها من قضايا القذف والسب، والبينّة على المدعي واليمين على مَنء أنكر!. ولقد استبشرنا خيراً قبل أيام، حين قرر مجلس الوزراء في جلسته المنعقدة يوم الاثنين السابع من ربيع الأول من هذا العام، الموافقة على نظام مكافحة جرائم المعلوماتية والذي سيسد ثغرة كبيرة في هذا المجال، وسيردع كل مَنء تسول له نفسه الإضرار بسمعة الآخرين من خفافيش الظلام الذين امتلأت قلوبهم حسداً وكمداً، واتخذوا من هذه التقنية الحديثة مكاناً لتفريغ حقدهم وعداوتهم، ومرتعاً لتصفية حساباتهم مع مخالفيهم بسيئ الأقوال وبذيء الكلام، محاولين تحقيق الإشباع الذاتي والتوافق النفسي لشخصياتهم المريضة عن طريق نشر الإشاعات الكاذبة، والتهجم غير المبرر على أشخاصٍ خالفوهم الرأي، أو لم يجاروهم في أطروحاتهم وأفكارهم. فقرر نظام مكافحة جرائم المعلوماتية في المادة الثالثة منه على أنه يعاقب بالسجن مدة لا تزيد على سنة، وبغرامة لا تزيد على خمسمائة ألف ريال، أو بإحدى هاتين العقوبتين، كل شخص يرتكب أيّاً من الجرائم المعلوماتية والتي منها: جريمة التشهير بالآخرين أو إلحاق الضرر بهم، عبر وسائل تقنيات المعلومات المختلفة. بل إن النظام قننّ عقوبة جريمة المساس بالحياة الخاصة عن طريق إساءة استخدام الهواتف النقالة المزودة بالكاميرا أو ما في حكمها، ففرض لها نفس العقوبة الماضية؛ السجن مدة لا تزيد على سنة، وبغرامة لا تزيد على خمسمائة ألف ريال، أو بإحدى هاتين العقوبتين. وأسند النظام التحقيق في هذه الجرائم، وإقامة الادعاء فيها إلى هيئة التحقيق والادعاء العام، في حين تتولى هيئة الاتصالات وتقنية المعلومات وفقاً لاختصاصها تقديم الدعم والمساندة الفنية للجهات الأمنية المختصة خلال مراحل ضبط هذه الجرائم، والتحقيق فيها، وأثناء المحاكمة. وفي اعتقادي أنه وبمجرد العمل بهذا النظام سيرتدع الكثير من مجرمي الانترنت المستترين بغطائه، والذين لم يردعهم وازع إيماني أو أخلاقي عن تصرفاتهم المريضة، ولم تستشعر نفوسهم قول الله تعالى: (يَا أَيُّهَا الَّذِينَ آمَنُوا اجتَنِبُوا كَثِيراً مِّنَ الظَّنِّ إِنَّ بَعضَ الظَّنِّ إِثمٌ وَلَا تَجَسَّسُوا وَلَا يَغتَب بَّعءضُكُم بَعضاً أَيُحِبُّ أَحَدُكُمء أَن يَأكُلَ لَحمَ أَخِيهِ مَيتاً فَكَرِهتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ). سورة الحجرات آيه (12).
وقوله تعالى: (وَالَّذِينَ يُؤذُونَ المُؤءمِنِينَ وَالمُؤمِنَاتِ بِغَيرِ مَا اكتَسَبُوا فَقَدِ احتَمَلُوا بُهتَاناً وَإِثماً مُّبِيناً). سورة الأحزاب
وقول المصطفى الأمين صلى الله عليه وسلم: (إياكم والظن، فإن الظن أكذب الحديث، ولا تجسسوا، ولا تحسسوا، ولا تباغضوا، وكونوا عباد الله إخوانا). رواه البخاري ومسلم.
نسأل الله عز وجل أن يوفقنا لكل خير، وأن يهدينا لأحسن الأخلاق، وأن يجنّبنا سيئها، وصلى الله على نبينا محمد وعلى آله وصحبه وسلم،،،

زائر

يا تحياتي شيل شيلتك الحكاية بقيت فيها عقوبات ومطالباتك بالجلوس في قفص الاتهام والتهمة

( مرتزقه +عميل سري للموساد الاسرئيلي )

ابعيك انت و اقبض السودان .... رايك شنو cheers

زائر

الأخ عبدالقادر شكرا لمرورك وانا لا اعيب للأخ العزيز الصادق الدراسة في الخارج ( اطلبوا العلم ولو في الصين ) ولا اعيب له الأغتراب ( لأن في السفر فوائد
بل ما اعيبه عن شخص بعيد كل البعد عن الواقع ويتكلم بما يسمعه من الناس او يشاهده في التلفاز وانا لا اقصدك ولا اقصد احد في المنتدي

زائر

_ الأخ عاطف تحدث عن القذف والسب والتشهير
_ دي حقايق محسوسه وملموسه وما فيها شئ من رأسي
_ كلام الجميعابي دا سمعتو منو شخصيا دار المايقوما بتستقبل 3_5 حالات اطفال مجهولي الهوية يوميا
_ يوميا
_ اين دور الأمن والشرطه
_ كيف يكون ليها دور وهي تساعد علي الفساد
_ انت بعيد من السودان يا حبيبنا
_ تعال شوف حبيبي مفلس
_ لو ما فاهم دي الحدايق المفتوحه
_ حدايق المهندسين وحدائق الطابية و و و
_ قدام كل كوبري حديقه ظريفه ومكتوب عليها محلية امدرمان حدائق النخيل محلية الخرطوم حدائق الطابية
_ من الساعه 2 ظهر لغاية نص الليل النجيله كلها اولاد وبنات وستات شاي وشيشه وبرد
_ ستات الشاي بشيلو منهم رسوم
_ دا كل همهم
_ كيف دار المايقوما يا يتملي
_ الحركة الأسلامية
_ اي اسلام هذا الذي يجيز الأختلاط ويساعد عليه
_ البلد دي مشكلتها السياسه والتضليل والفتاوي
_ السياسه دي اي حاجه بدخلو فيها سياسه
_ حتي الخطب في الجوامع
_ آخر البدع قناة ساهور
_ قناة تحمل شعار تعظيم الرسول ( ص )
_ والنهار كلو شابكننا البشير كسح _ اوكامبو _ البشير البشير
_ التضليل دا مافي مسئول بقول حقيقه
_ والفتاوي دي موضوعها براهو
_يا شيخ عاطف اطيعوا الله والرسول واولي الامر منكم
_ اتكلم لينا عن صفات ولي الأمر عشان نطيعو
_ يعني ما تشوف الفيل وتطعن في ضلو

عزيزي تحياتي : صدقني رغم إختلافي معك لكني حريص كل الحرص أن تقول كل مافي نفسك وبأريحيه لأنو وجهة نظرك ووجهة نظري ووجهة نظر عاطف والصادق عندما تتلاقى وتتلاقح سوف تخرجنا لبر الأمان

كما أنني لم أقصد الدفاع عن الأخ / الصادق أبو ولاعن نفسي في الدراسه أو العمل خارج السودان إنما قصدت فقط أشير لمعاناة هذه الفئه من المغتربين - وأبداً لم آخذ الموضوع بمقصد شخصي ، بل أعتز بأن لك وجة نظر تدافع عنها بماتراه أنت وأنا أتحدث إليك بما أراه أنا ، كما إنني على قناعه أن هذا العنوان لايعبر عما تجيش به نفسك بل هي ردة فعل تجاه ماتراه من مسالب

فيمايتعلق بالقذف والتشهير أتمنى أن نتحلى جميعاً بالمقدره على قبول الرأي الآخر ومحاورته ومناقشته لأنه مهما كان الرأي الآخر مختلف معنا فلن يخلو من جزئيات صحيحه ، وكما إن السودان يسع الجميع فهذا المنتدى قادر على أن يسع الجميع

والله كلنا حاسين بالمعاناة
وزي ما قلت الجمارك أضعاف السلعة في النهاية بيدفعها المواطن
أما عن الاستثمار هاك مثال اكبر مصنع للسكر في كنانة انشئ بأموال أجنبية واليوم كل انتجه للسودان
البترول في السودان استثمار خارجي في النهاية حيبرد للسودان ( لكن بعد ما ينضب)
الاستثمار الزراعي والحيواني ريعه للسودان (ان اتقوا الله في الناس )

زائر

تحياتي الرائع عبدالقادر
كلامك سمح شديد واي زول يكون صدرو وا ا ا ا ا اسع ويقبل آراء الآخرين
انت عارف يا عمك بجي علينا زمن بننسي شكل القروش والله انا شخصيا لي قريب شهر ما شفت ورقه قروش فئه 50 والله القروش اتعدمت عديل ياخ في المواصلات لو عندك ورقه ابو 10 جنية تلف بيها اليوم كلو وترجع معاك عشان بتسمع نغمة مافي فكة دي كتير
‏_‏ بالمناسبه يا استاذ عاطف حظرو النشر في قضية المخلفات الألكترونية ليه -؟؟؟

وتحياتي

زائر

_ الأخ الحبيب تكعيب الصادق
_ علي فكره التجار بسافرو لأثيوبيا وبشترو سكر كنانة ويجيبوهو راجع للسودان ويدفعو دم قلبهم ويبيعوهو في الاسواق السودانية
_ ليه سكر كنانة يترحل من هنا ويصل لغاية الحبشه ويرجع تاني للسودان بسعر اقل من سعر السكر الطلع من المصنع للسوق السوداني
‏_‏ يعني مثلا شوال يطلع من المصنع للخرطوم بسعر 100 جنية
‏_‏ وشوال يطلع من السودان للحبشه ويجي راجع تاني السودان بسعر 90 جنية
‏_‏ يقولو ليك السبب تحسين علاقات
‏_‏ انت شعبك جعان وما وصل لمرحله اكتفاء ذاتي
‏_‏ تقول لي كنانة

انا اتمنى زول واحد قاعد في البلد دي يقول ماببيع لكن السؤال لو عرضت الباقي لو في باقي زاتو مابتلقى زول يشتري

انت رجعت للمربع الاول
المشكلة ما في السودان عشان تبيعه
نحن عندنا سوء ادارة والكل يعرف ذلك
لذلك اكرر سؤالي الاووووووول : اين موقعك من هذا كله؟ كن اداة للتغيير بالتعبير بالإضراب بالعمل الدؤوب
قوم هاجر زينا كده وتعال كل سنة ادفع لدا وساعد دا خفف عن دا لغاية ربنا يحقق حلمك وحلم اي سوداني
طيب نحن مشكلتنا اكبر منكم
مع هم الغربة والذل القاعدين نشوفو
عندما نقارن بين بلادنا والبلاد الخارجية والله الحسرة تاكل قلوبنا ليه ما نبقى زي ديل ليه ما نبقى نضاف في لبسنا واكلنا وشوارعنا وبيوتنا ومكاتبنا ووزاراتنا ووووووووو
الناس كلها تنتظر متى المدارس تغلق ابوابها عشان ياخدو اولادهم ويسافرو بلادهم
عشان رمضان في بلادهم جميل ونحن نتحاشى السفر في رمضان عشان الحر وفي الصيف عشان البعوض والخريف عشان الامطار وفي الشتاء ما عرف عشان ايه وكده

خلاااااص ياتحياتي الناس دي شكلها زعلت ورافضة البيع تاجر رايك شنو

زائر

_ يا الصادق اضراب شنو انت ما سمعت بي اضراب الدكاتره ولا شنو
‏_‏ فصلو منهم كمية
‏_‏ اذا بفصلو دكتور ودي وظيفه ما هينة وحساسه شديد اها بعد كدا البعالج الناس منو ؟؟؟
‏_‏ وييييييييييييييين ياالوليد فضل حاجه للإيجار تاني
‏_‏ البلد كلها مطاعم تركية ومصرية وقهاوي حبشية وفنادق ليبية وعمارات سعودية ومصانع صينية و و و

زائر

_ يا الصادق اضراب شنو انت ما سمعت بي اضراب الدكاتره ولا شنو
‏_‏ فصلو منهم كمية
‏_‏ اذا بفصلو دكتور ودي وظيفه ما هينة وحساسه شديد اها بعد كدا البعالج الناس منو ؟؟؟
‏_‏ وتقول عاوز تهاجر يقولو ليك عليك خدمه وطنية
‏_‏ قاعد تخدمو طالع تخدمو تجي راجع تخدمو
‏_‏ وييييييييييييييين ياالوليد فضل حاجه للإيجار تاني
‏_‏ البلد كلها مطاعم تركية ومصرية وقهاوي حبشية وفنادق ليبية وعمارات سعودية ومصانع صينية و و و

الاخ تحياتى:
ماذا يعنى لك الوطن ، هل هو فقط قطعة من الارض ، إذا كان الأمر كذلك فهاجر فأرض الله واسعة ومجموعة كبيرة من السودانيين هاجرت ومنهم من تجنس بجنسية أخرى ، أما أنا وفى إعتقادى فإن الوطن مهما كان لا يمكن تقييمه بحفنة من الدولارات ولو كثرت ، فالوطن يعنى ابى وامى واخوتى وجيرانى واهل بلدتى فإن إستطعت أن أبيعهم يمكننى بعد ذلك بيع الوطن.
أما عن لومك الحكومة والشعب والناس والممارسات فلا تلومن إلا نفسك فحيثما تكونوا يول عليكم ولا يغير الله ما بقوم حتى يغيروا ما بأنفسهم

بالمناسبة يا تحياتى انا لدى فى الإغتراب أقل من سنتين فقط يعنى كنت قاعد فى السودان بعمرك وزيادة كمان

زائر

_ كنت قاعد زمن كيس الرغيف فيها 10 رغيفات وزمن البلد بي خيرها
‏_‏ زمن اي حاجه كانت رخيصه
‏_‏ وهي في الزمن دا كل شئ غالي الا روح الأنسان فهي رخيصه وعندك الناس القتلو في احداث خليل تم تعويضهم بقطع ارض في نبته
‏_‏ في نبته
‏_‏ ياخ زول مات وشبع موت تجي تقيمو بي قطعه ارض
‏_‏ وفي نبته كمان
‏_‏ ياخ قيمو شوية واعملها في الصالحه
‏_‏ لا يغير الله بقوم حتي يغيرو ما بأ نفسهم وانحنا فضل في نفسنا شنو اذا كان جيت الدنيا دي لقيت الحكومه دي وانشأالله بموت وافارق الدنيا وتكون ياها نفس الحكومة
‏_‏ الراحه في التغير ياعمك مفروض يكون عندنا نظام ذي امريكيا دورتين ويجي رئيس غيرك
‏_‏ دستورك للأنتخابات الجديده الفاتت دي ينص علي انو ماف زول عسكري يترشح والجماعه قالوا البشير نزل وطول فتره الأنتخابات بقولو ليك المواطن عمر البشير وبعد الانتخابات بقي المشير عمر البشير
‏_‏ احسن نسكت عشان ............ ياهادية

زائر

والله يا تحياتي انت ما عزبت الجماعه يجيبوها يمين توديها شمال يجيبوها شمال تجيبها يمين

الله يكون في العون

ضميني ضميني يافرحة المسكين بالصبر قادر اطير بالضم معاهوا سكون

والحكاية ما حكاية بييع وشراء حقيقي الزول ده ياجماعة الخير قاعد يناقش الحاصل في قالب ساخر حبتين وعرف يطلع الفي

الفؤاد مدسوس ويستفزكم بحكاية البيع ده افهموها ياناس

( شقي ومجنون)

والله لو انت شايف السودان اكعب من كدا

انا ماببيعو

زائر

وتبيعيهو كيف ياناس هاي وجاو
‏_‏ لو قعدتي رمضان في البلد ح تبيعيهو
‏_‏ لو اكلتي ام بقبق وام تكشو وام ققو وام بلكصات وام جنقر ح تبيعيهو
‏_‏ لو اتخرجتي وما اشتغلتي ح تبيعيهو
‏_‏ لو _ حرف تمني تفيد امتناع لو جود
‏_يعني حاجه موجوده بس الناس محرومه منها
‏_‏ الا من رحمه ربه وعندو واسطه وضهر

ماهو الوطن بغض النظر عن النظام الحاكم فارجو من الاخ ان يفرق بين الوطن والنظام

ياتحياتي ياخوي الناس بقت تفتي فينا سااااااااكت شوف الرافضين البيع كم واديهم حقهم في الجابرية لانو شايف في واحد تشادي وواحد صومالي وواحديوغندي عاوزين يخشو المنافسة بس شرطهم عملاات محلية وليست دولااااار

زائر

_ الأخ خالد
_ اولا الفرق بين الوطن والنظام دي بتاع ترمس بعرفها ليك
_ ثانيا مافائده الوطن اذا كان النظام مسيطر ومهيمن ودكتاتوري ؟؟
_ ودي من اسباب هجره المصطفي صلي الله وسلم واصاحبه من مكه
‏_‏ وفي اي منظومه سياسية اذا كانت دكتاتورية وشمولية والناس ما قادره تعبر عن رأيها اكيد ح تشوف ليها منفذ عشان تأخد راحتك ذي ما قال لام اكول ( وانا ما حركه شعبيبه يا ناس هو و و ي )
‏_‏ وانا الليله اذا حبيت آخد راحتي وافر بجلدي من البلد دي اكيد بطالبوني بالخدمه الوطنية ( وينو الوطن البخدمو )
‏_‏ عشان كدا انا حبيب ابيع واتخارج

زائر

‏_‏ دا كلام سمعتو الليله وزاد كراهيتي للسودان وللنظام
‏_‏ الليله كنت مع احد اصدقائي
‏_‏ وهو سوداني مسئول امن في بعثه الأمم المتحده في السودان
‏_‏ بتونس معاي وقال لي تصدق انا بفك ديون السودان لدي بنك النقد الدولي
‏_‏ سألتو كيف الكلام دا ؟؟؟
‏_‏ قال لي الحكومه السودانية رفضت تعفي المنظمه من الضرائب والمنظمه طالب الحكومه بالديون وكان المخرج الوحيد للحكومه هو خصم من مرتبات الموظفين السودانين العاملين في الأمم المتحده بالسودان
‏_‏ اتخيلو بخصمو كم كل شهر من الموظفين
‏_‏ بخصموا مبلغ 190 جنية شهريا من كل موظف
‏_‏ 190 جنية
‏_‏ دا برا ا ا ا ا ا هو مرتب موظف امن في شركة الهدف
‏_‏ واتخيلوا بعثه الأمم المتحده فيها كم موظف
‏_‏ وصاحبي دا البحكي عنو دا تم تعينو سنة 2006 ورقمو المتسلسل تخطي ستين الف
‏_‏ الكلام دا سنة 2006
‏_‏ والليله اتخيلو الليله يكونو حصلو كم موظف
‏_‏ ومن كل زول يخصمو 190
‏_‏ كل شهر
‏_‏ تخيلو المبلغ يكون كم كل شهر ..؟؟؟
‏_‏ مواطن يسدد ديون حكومه ومسئول يختلس من حساب الحكومه
‏_‏ اين نحن
‏_‏ حتي ناس الدهب الحكومه ضايقتهم
‏_‏ تقول لي وطن
‏_‏ شغل ماف انا اجتهد واقعد في الخلا القط دهب الحكومه تضايقك فيهو بي حنك ثروة قومية
‏_تشتغل مع الخواجات يخصمو منك 190 شهر
‏_‏ تقول مسافر يطالبوك تقعد يطالبوك
‏_‏ ............
‏_‏ وكفي
‏_‏ تحياتي

زائر

الأخ الحبيب الوليد
ال في البر عوام

عضـو عدد الرسائل : 91 تاريخ التسجيل : 11/03/2010

(على كل حال نحن مانا بايعين يا الحبيب لكن انت ممكن تتصرف في نصيبك لو قدرت تعرف نصيبك ده وين ) ،، تحياتي،،

تحياتي لمن دمر حياتي كتب:: ‏_‏ وانا الليله اذا حبيت آخد راحتي وافر بجلدي من البلد دي اكيد بطالبوني بالخدمه الوطنية ( وينو الوطن البخدمو )
‏_‏ عشان كدا انا حبيب ابيع واتخارج

وانت ماخد راحتك بالكامل مما دخلت باسم مستعار
وانا قلت ليك الكلام من اول يوم وقلت ليك كمان تعرف تلف الناس حواليك فتحت موضوع مستفز وكل الناس قامو ضدك وانت متكيف من الحكاية دي

تحياتي لمن دمر حياتي كتب:: ‏_‏ دا كلام سمعتو الليله وزاد كراهيتي للسودان وللنظام
‏_‏ الليله كنت مع احد اصدقائي
‏_‏ وهو سوداني مسئول امن في بعثه الأمم المتحده في السودان
‏_‏ بتونس معاي وقال لي تصدق انا بفك ديون السودان لدي بنك النقد الدولي
‏_‏ سألتو كيف الكلام دا ؟؟؟
‏_‏ قال لي الحكومه السودانية رفضت تعفي المنظمه من الضرائب والمنظمه طالب الحكومه بالديون وكان المخرج الوحيد للحكومه هو خصم من مرتبات الموظفين السودانين العاملين في الأمم المتحده بالسودان
‏_‏ اتخيلو بخصمو كم كل شهر من الموظفين
‏_‏ بخصموا مبلغ 190 جنية شهريا من كل موظف

‏_‏ تحياتي

موظفون سودانيون في الامم المتحدة يسددون ديووووووووون السودان لدى البنك الدولي
ينفع عنون كتاب

زائر

‏_‏ الأخ سعيد اسمح لي ان اهمس لك واقول لك لا تبيع وعسي ان يذكرك التاريخ
‏_‏ الأخ الصادق اولا دا ماموضوع مستفز وتانيا انا ما متكيف عشان عاوز الم الناس ولا يرضيني الم الناس بي موضوع مستفز وهذا يعبر عن رأي ليس الا ومن له رأي مخالف فليقله بدون فتاوي وبدون اشعار حماسية
‏_‏ الأخ الصادق انا كنت اتمني مشاركه اعضاء موجودين بالسودان وعايشين الواقع المرير
‏_‏ كنت اتمني مشاركه اعضاء علي وجه الخصوص امثال الأستاذ جدو والاستاذ الوليد والباشمهندس منذر والأخ حسن وكل الأعضاء الموجودين بالسودان
‏_‏ الاخ الرائع الوليد جزاه الله خير قال رأيه
‏_‏ بس للأسف
‏_‏ للأسف اغلب الردود اتت اما من اشخاص لم يعيشو الواقع المرير وعاشو حياتهم في المدن او اشخاص مغتربين بعيدين كل البعد عن السودان وعن مشاكل السودان وكلما يعرفونه اخبار اهلهم واخبار هلال مريخ وشوية اخبار من نشره الساعه 10
‏_‏ الأخ الصادق ماذا تعرف عن قضية المخلفات الألكترونية
‏_‏ ماذا تعرف عن قضية قمح كردفان
‏_ وماذا تعرف عن الأسهالات المائية
‏_‏ والقائمه تطول
‏_اذا اي مغترب عرف عن الحاجات دي ممكن يحق ليهو يتكلم عن البيع
‏_‏ ما عرفته تسحب منك كراسه العطاء وترجع تشوف اخبار هلال مريخ وتشاهد قناه ساهور وتنسي حاجه اسمها بيع وشراء وحاجه اسمها وطنية ووطني مرتع صباي
‏_‏ يا اخي
‏_‏ عندك ابسط مثل الأخ منذر بقول عمل دراسات عليا عشان يزيد من فرصه العمل بتاعتو
‏_‏ كم مثلة في السودان
‏_‏ وكم شاب او شابه تخرج/ت بمقبول ودبلوم وتوظف في اعلي واهم الوظائف
‏_‏ كم شخص وكم اسره وكم عائلة تركت قريتها وتركت الغابه وتوجهت للخرطوم
‏_‏ انت تغترب وتبني بيت في الخرطوم وترحل اهلك من الغابه للخرطوم
‏_‏ ولو في فرصة ح ترحلهم من الخرطوم للدول البره
‏_‏ طيب الغابه دي مش وطن صغير
‏_‏ الناس طلعت منو ليه
‏_‏ رحلت منو عديل وسكنت في الخرطوم
‏_‏ وين مرتع صبانا و وطنا وبلدنا وشبابنا وحنك العاطفه دي
‏_‏ واقولك ان موظفين الأمم المتحده يسددون ديون السودان وانت سوف ترجع لتسدد ديون السودان
‏_‏ بس صدقني ح تبيع

كلامك عن الوضع الحالي دا فيهو كتير صحيح لكن من زمان قلنا ليك مابنبيع بي حفنة دولارات (( بلادي وإن جارت علي عزيزه ))

» كن هادئا تتألق وتبدع
» كـــلام فى السودان فقط
» وضع التعليم في السودان
» كلام بنات السودان
» السودان والارهاب