تقبض كم وتبيع السودان ؟؟؟؟؟؟؟؟؟؟؟؟

تذكير بمساهمة فاتح الموضوع :

_ لو انت مسئول كبير في السودان السجمان دا
_ و سألوك السؤال دا
_ تقبض كم وتبيع السودان ؟
_ انا شخصيا ما طماع وعشان كدا ما عاوز اكتر مرتب مية دولار شهري وسكن عشوائي كدا في اي حته غير الصومال والسودان
_ ولو مافيها مرتب انا ممكن ابيعو بي 100الف دولار وجاي جاي ممكن ابيعو بي ناسو بي 500الف دولار
_نص مليون دولار بس وابيعك ياسودان
_وشهادة ميلادي وجنسيتي وبطاقتي الشخصية والله ما اخسر فيها كبريته واقرب ست شاي اجدعهم في الكانون بتاعها
_تخيل كيف يكون الحال لو ما كنت سوداني
_والله بكون مية مية
_يكون حال السرور
_حال الهناء
_انحنا في بلد المواطن في خدمه الشرطه
_ في بلد العندو ضهر ما بينضرب علي بطنو
_ بلد الزكاه توزع علي العاملين عليها
_بلد رئيسها يقول كلام والتحت منو يقول كلام تاني
_ بلد فيها رئيسين
_ بلد في نائبين
_ بلد فيها 50 مستشار للرئيس
_ بلد زي الكوتشينة
_ الوزارات يدكوها ويوزعوها
_ وزير الداخلية يبقي وزير دفاع
_ من الشرطه للجيش
_ وزير الطاقه يبقي وزير مالية
_ وزير كدا يبقي كدا وكدا يرجع لي كدا
_دي وزارات ولا خط مواصلات
_ قال رسول الله ( لعن الراشي والمرتشي والرائش الذي يمشي بينهما )
_ كدا كدا انا ملعونين بالواضح كدا وعشان كدا البلاوي بتكتر علينا
_عشان لو داير تطلع رخصه لازم تدفع رشوة
_ جنسية عاوزه رشوة
_ شهادة عاوزة رشوة
_ دا موضوع وموضوع الحرامية دا كمان انسي
_ حرامي يسرق موبايل المواطنين يقعو فيهو دق العيش
_ يسلموهو لي ناس الشرطه
_ ديل كمان يتمو الناقصة
_ شلاليت وكفوف وضرب
_ يودوهو القسم
_ هناك يعملو ليهو عيد ميلاد
_ ويودوهو للقاضي عشان يقطع التورته
_ وحكمت المحكمة بي سنة سجن
_و واحد يحتال ويختلس 80 مليار
_ يقبضوهو معزز مكرم
_ يودوهو سجن الشيكات
_ غرفه 5 نجوم
_ تكيف
_ تلفزيون
_ خدمات متكامله
_ وتطلع خميس جمعه كمان
_ ولو عندك محامي شاطر بتطلع بي اعسار
_ بس تدقس وتختلس بنك او تضرب بنك
_ وقعتك سو و و و ده
_ تبقي في السجن لحين السداد
_ ليه تضيعو حق المواطن وتحافظو علي حقوق البنك
_ ليه ما يكون الاتنين يبقي لحين السداد او الاتنين يطلعو بي اعسار
_ تخيل كيف يكون الحال لو ما كنت سوداني
_ كنت ح اعيش عزيز كريم
_ لا ادفع رشوة ولا اقبض رشوة
_ نهي اختلاسات
_ كش نهي سرقات _ شيكات
_ نهي دجالين
_ وديل حكايتهم حكاية
_ الحكومة تشيل من المواطن وهم يكملو الباقي
_ نيجيريا مشهوره بالسحر
_ بس بعد كدا ح يجو يتعلمو مننا
_ دجل شعوذة سحر احتيال نصب اختطاف اغتصاب
_ شغل داير واسطه
_ نصيحه لي ناس الشهاده العربية
_ ابقو كيزان
_ كيز ا ا ا ا ا ا ا ا ا ا ن
_ عشان تبقي ابراهيم مع الجماعه
_ دمغه جريح
_ رسوم نفايات
_ ضرائب عوائد كهربا موية هواء
_ تفتح دكان قبل ما تقول بسم الله ناس البلدية بي جهه والنفايات و و و و
_ دعم طلاب
_ اتخيل الطالب يدعم بكفاله تقدر بس 50 جنية شهريا
_ ناس الصندوق يعملو بدعه ويقولو الا طالب ساكن داخلية يحق ليهو يصرف كفاله
_ وناس الداخلية يسجلو الف طالب والكشف يطلع بي 300 طالب يحق ليهم الكفاله والباقي يقولو ليهم اسمكم سقط تجو السنة الجاية وال 700ديك الله اعلم لأي جيب ذهبت
_ السنة الجاية يقولو ليك انت في تانية وما تحق ليك كفاله الكفاله تسجل ليها من اولي
_الدنيا كيف متقلبنة تصحي العصافير الوديعه مع الصباح متخلقنة وشر الكلاب متمسكنة وين ترتا وهيهيوا وين الليله غاب كلب الجناين زيو زي كل الكلاب كلب الغلابه المستغلين العبيد الليله سيد وسيد مهاب كلب اب زهانة تهينو هانة ومن المهانة تقولو تك حكم انقلابات التساب دواره دنيا فرندقس نتجاري فيها سبق سبق نخسر بعض في هين تراب
_ اها يا عمك
_ تقبض كم وتبيع ؟؟؟[b]

رسالة الى ادارة المنتدى/المؤقرين
السلام عليكم ورحمة الله وبركاته
وجهة نظر شخصية/ مجرد رأى للعرض وليس للفرض
تعتبر مثل هذا الموضوع (تقض كم تبيع السودان)مع احترامنا لكاتب الموضوع من المواضيع التى تنافى قواعد وقوانين التى من أجلها اسس المنتدى بنص الفقرات والبنودالأتية:
بند(1) الإلتزام بتعاليم الشريعة الإسلامية فى جميع مواضيع المنتدى.
ويعتبر هذا الموضوع محرض ومنفر أكثر من أن يجمع بغض النظر عن جديته أو هزليته والشريعة بريئة منه براءة الذئب من دم بن يعقوب.
بند(3) عدم الخوض فى مواضيع السياسةوأنظمة الدول ونحو ذلك.
أرى هذا الموضوع وإثارة بعض الردود قد تجاوز الخطوط الحمراء لهذا البند من إنتهاك واضح لسيادة السودان ولحقوق السواد الأعظم للشعب السودانى حتى ولو كان فى طور المزح والترفيه.
بند(4) يمنع منعاً باتاً تحويل المواضيع عن مسارها بخلق جو من المزاح الزائد حده والدردشه بين الأعضاء.
فهذا الموضوع تحت هذا البند يجعلنا بين خيارين احلاهما مر إما نحمله محمل الجد ويعتبر موضوع سياسى بحت ولا نرضى لأنفسنا ولكم أن نباع ونشترى فى سوق النخاسةإما نحمله محمل المزاح الذى ذاد عن حده لينغلب الى ضده. نعم الإسلام فيه المزح والصطفى صلى الله عليه وسلم كان يمزح ومنه تلك المرأة التى مازحهاعندمااتته وقالت أسال الله لى الجنة فقال لها النبى لا يدخل الجنة عجوز غضبت المرأة قال لها النبى إنما يدخلون الجنة شبابابمعنى الكهول يردهم الله الى أعمار الشباب.
بند(6) عدم نشر الإشاعات وتحرى الدقة فى جميع المواضيع المطروحة.
لا نشك فى نزاهة اى فرد لكن بعض الردود جانبها الصواب .ونحن فى بلاد الغربة لا يعنى انقطاعنا عن أخبار السودان والله متابعين أخباره يوميا وعلى مدار الساعة .لله درك ياوطن
بند(7) المنتدى وضع للفائدة والتعليم ويمنع إستغلاله فى غير ما وضع له.
فبربكم كل من يقراء مثل هذه المواضيع ما الفائدة التى جنيناها ؟وماذا تعلمنا نت هذا الموضوع؟ حب أم كراهية الوطن؟ وماذا تجلب لنا مثل هذه المواضيع التى تسمن ولاتغنى عن جوع غير الفرقة والشتات والخلافات .
من المفترض ان ارسل مثل الرأى الى الإداره مباشرة لكن للأتى:
اولا: يهم الإدارة فى المقام الأول.
ثانيا:لأنه يتعلق بالموضوع أعلاه.
:ثالثا: اردت ان اضع كل عضو فى الصورة حتى لا ننساق الى هاوية مظلمة.
اخيراً: توجد بعض الكلمات القاسية ولكن لابد منها للأننا نصطحب بعض الأصدقاء فى السياحة على المنتدى ليتعرف أكثر على المنطقة ورمزها الذين خلدوا تاريخ ناصع للبلد ولكن وما أسف بعد لكن يستحى ويحرج الإنسان أن يطلع أحد أصدقائك على مثل هذه المواضيع بم يصنف المنتدى؟
اذا كانت مثل هذه المواضيع تطرح ومقبوله يمكن للإدارة تعديل البنود المزكورة أعلاه دون حرج.......!
ودمتم. ودمت ياوطن
حافظ الدرديرى

_ الأخ الحبيب تربيع حافظ محمد الدرديري الرياض
‏_‏ ان كان الرياض هذا اسم جدك فلا حرج
‏_‏ وان كنت تقصد به الرياض بتاعت السعودية فأسمح لي ان اقول لك سوف تبيع قريبا لأنك انتسبت لمنطقه ما عندها دخل بي وطنك
‏_‏ ليه ما تكون حافظ محمد الدرديري السودان ؟؟؟
‏_‏ او
‏_‏ حافظ محمد الدرديري الغابه ؟؟؟
_ سؤال
لماذا هاجرت من السودان
_ هل لتحسين وضعك المادي ام للترفيه
_ اكيد لتحسين وضعك المادي
_ لماذا لم تقبل بوضعك الحالي في السودان وترضي بالقليل
_ لماذا تستفيد دول الخليج من خبراتك ولا يستفيد منها السودان
_ تتحدث عن قوانين المنتدي وتنسي ان هناك بند ينص علي يمنع طرح المواضيع التي تحث الأعضاء التعريف عن انفسهم بشكل غير مباشر ............الخ
_ وانت تقول ( انا غايتو هادية دي عرفتها ابا عن جد وما احتجت لجهد كبير ........ الخ
_ راجع نفسك وبعدين اتكلم عن قوانين المنتدي
_ وما تقول شايلها معاك وكدا
_ الموضوع ياعزيزي هناك من افتي فيه بزمن الروبيضة وافتي فيه بالفسق والتشهير والقذف وانت تفتي ببرأه الشريعه الأسلامية برأه الذئب من دم ابن يعقوب
_ تتكلم خطوط حمراء وتتناسي ان اهل الغابه ضاقوا من مراره العيش لدرجه استقبلو مصطفي عثمان بي جنازة في الزلط
_ هل هذا تشهير
_ هل هذا فسق
_ هل الشريعه بريئة منهم برأه الذئب من دم ابن يعقوب
_ هل سألت نفسك عن السبب شنو ؟ وعملو كدا ليه ؟
_ اين الدمقرايطية ؟؟؟
_ عن حميد بن هلال ان حفص ابن ابي العاص كان يحضر طعام عمر رضي الله عنه فكان لا يأكل فقال له عمر :- ما يمنعك من طعامنا ؟ قال ان طعامك جشب غليظ وأني راجع الي طعام لين قد صنع لي فأصيب منه قال عمر : اتراني اعجز أن آمر بشاه فيلقي عنها شعرها وآمر بدقيق فينخل في خرقه ثم يصب في خرقه ثم آمر به فيخبز خبزا رقاقا وآمر بصاع من زبيب فيقذف به في سعن ثم يصب عليه من الماء فيصبح كأنه دم غزال ، فقال : اني لأراك عالما بطيب العيش !!! فقال عمر : اجل ! والذي نفسي بيده لولا ان تنتقص حسناتي لشاركتم في لين عيشكم .
_ كتاب اصحاب الرسول (ص)
_ حب الوطن حب فطري والأنسان يتعلق بالأرض التي عاش عليها
_ فهذا الحب مغروس في جبله الأنسان وهو امر فطري
_ قال الله عز وجل ( يا عبادي الذين آمنو إن ارضي واسعه فإياي فاعبدون )
_ صدق الله عز وجل
_ وليس المقصود الحدود السياسية التي وضعها المستعمر او غيره فبلاد الاسلام هي كل بلد احتكمت الي الشريعه الأسلامية والواجب ان يكون للمسلمين نظام سياسي واحد هو الخلافه
_ وأما قول الرجل انا وطني فهو نسبه الي وطنة وكل انسان يصح له ان ينتسب لوطنه
_ والحكم في قائل هذه العباره يا من تفتون فينظر الي مقصده من قوله
_ فأن كان يقصد انه ينصر حقوق المسلمين ولا يغشهم فهذا معني صحيح
_ وان كان يقصد الولاء النظام فلينظر لحال النظام
_ والوطن بمعني النظام القائم
_ وأن كان نظاما اسلاميا قائما بالشريعه الأسلامية فحبه من الأيمان لأن الحب هنا لرجال مؤمنين يقومون بأمر الله تعالي وسنة نبيه علي افضل الصلوات واتم التسليم
_ لأن النظام ما هو الا رجال يحكمون وحب المؤمنين من حب الأيمان
_ قال تعالي : ( لا تجد قوما يؤمنون بالله واليوم الآخر يوادون من حاد الله ورسوله ولو كانوا آباءهم او ابناءهم أو اخوانهم او عشيرتهم أولئك كتب الله في قلوبهم الأيمان وايدهم بروح منه )
_ الأخ حافظ
_ إي اشاعات تتحدث عنها واي ردود جانبها الصواب ؟؟
_ انت في بلاد الغربه وغير منقطع عن السودان ومتابع اخباره بالساعه
_ من اين تتابع الأخبار ؟؟؟
_ هل لديك قناة مثل قناة الحياة المصرية تقول كل الحقايق؟؟؟؟
_ هل لديك حرية صحفية لقول كل الحقايق؟؟؟
_ واذا كانت موجوده ماهو سبب اغلاق صحيفه الوان ؟؟؟؟
_ وما سبب حظر صحيفه رأي الشعب لمده 3 ثلاته ايام
_ ماذا تعرف عن قضية النفايات الألكترونيه التي حظر النشر فيها
_ ماذا تعرف عن قضية قمح كردفان الذي تسبب بحالات الهستريا في كردفان ؟؟؟؟
_ اين دور هيئة المواصفات والمقاييس
_ ماذا تعرف عن حالات الأسهالات المائية
_ ماذا تعرف عن حالات الحمي النزيفية وحمي الوادي المتصدع في بورتسودان
_ مع وجود تصريحات لوزاره الصحه بعدم وجود هذا المرض
_ ماذا تعرف عن سوق المواسير
_ اخي اسمح لي ان اقول انت بعيد كل البعد عن متابعه الاخبار
_ولا تحكم وتقل انها اشاعات لأنك بعيد عن الحقايق
_ انت تقول فبركم كل من يقرأ هذه المواضيع ما الفائده التي جنيناها ؟؟
_ ان تعرف عن قضية محظور النشر عنها هذا وحده فائده وقد قال احد الأعضاء في موضوع حكاية الجنازه ومصطفي عثمان انه لم يسمع بهذا الموضوع هذه فائده مني له لأنه لم يتكرم احد بعكس صوره الحدث للمغتربين
_ وانا لا اريد ان اكون الناطق الرسمي للسودان ياشيخنا
_ وانت تقول ماذا تعلمنا من هذه المواضيع ؟
_ اريد ان اعلمك انت مغترب اذن انت بايع وطنك بطريقه غير مباشره لأنك لا تعرف عن وطنك شئ
_ اريد ان اعلمك ان الوطن بمعني النظام القائم
_ وأن كان نظاما اسلاميا قائما بالشريعه الأسلامية فحبه من الأيمان لأن الحب هنا لرجال مؤمنين يقومون بأمر الله تعالي وسنة نبيه علي افضل الصلوات واتم التسليم
_ لأن النظام ما هو الا رجال يحكمون وحب المؤمنين من حب الأيمان
_ وتتحدث عن خلافات وفرقه وشتات وانت ناسي سودانك دا مهدد بشبح الأنفصال
_ واسمح لي ان اقول لك انا لااتكلم بما لايرضي الله حتي تستحي من اصطحاب اصدقائك للمنتدي
_ انا اقول حقايق انت واصدقائك مضللون عنها
_ حبيبنا الأداره ليها الحق تحذف بس دا بعبر عن رأي وليس رأي الأداره
_ واقول ليك حاجه اخيره
_ اقسم بالله الذي لا آله الا هو بعد قريت كلامك دا طلعت زي المجنون واقسم بالله سألت17 شخص في الطريق لا تربطني بهم علاقة دم ولا معرفه شخصية وسألتهم سؤال
_ لو قالو ليك بتبيع السودان دا ح تبيعو ولا لأ ؟؟؟
_ والله منهم 11 قالو بنبيع بدون تردد
_ و 5 قالوا لو لقينا بديل ح نبيع
_ و واحد قال لو خيروني عاوز تمشي ياتو دوله ومعاك اسرتك ح ابيع
_ وواحد رفض البيع وشبكني دا وطني وبتاع
_ سألتو انت شغال ؟ قال شغال اها بتصرف كم ؟؟ قال 2 مليون و 70 جنية !!!! سألتو لو كنت عاطل ؟؟؟ ضحك وقال لي والله ح ابيع
_ وديل اشخاص اقسم بالله لأ اعرف عنهم شئ
_ بس عرفت ان فيهم طلاب جامعات وموظفين دوله وعطاله وواحد شغال في السوق
_ و ح تقول كلامك دا يشوبه الصواب وعشان كدا انا اقسمت عليه
_ حبيبنا تعال السودان
_ تعال بالعندك
_ وبعدها نشوف رأيك
_ حبيبنا المشكله في السياسه والتضليل والفتاوي
_ ولك تحياتي ولا تعتبر هذا رأي الأداره او هذه مشكله شخصية فهذا يعبر عن رأي الشخصي ليس الا

تحياتى


بدل ان تلعن الظلام اوقد شمعة



مع تحياتى

_ اختي الحبيبه اريج
‏_‏ فلنوقد الشموع بالحقائق ومناقشتها لا بالتضليل والتكتم عن الحقيقة
‏_‏ لا اعلن الظلام بل اعلن الحقيقه
‏_‏ وصحيح الحقيقة مره
‏_‏ وتقبلي تحياتي

‏_‏ استخفاف ؟؟؟؟
‏_‏ اين هذا الاستخفاف عندما يقول لي احد الأعضاء _ ح تطلع انشتاين يعني
‏_‏ اين هذا الأستخفاف عندما تقول انت اشكرنا علي صبرنا عليك ؟
‏_‏ الأخ الصادق اول حاجه دي ما هضربه واشكرك علي رأيك وعلي اقتراحك بعمل جريده
‏_‏ انت متخيل انا مبسوط يعني عشان انت اوغيرك يرد علي موضوعي
‏_‏ غلطان انت والله اذا متخيل كدا
‏_‏ وانت تقول هذا الموضوع حرك الغبن من جهه والوطنية من جهه
‏_‏ هل لديك غبن تجاه وطنك؟؟؟
‏_‏ شوف دوار واقيف فيهو عشان تلم الناس!!!!!!!
_ للأسف انت تتكلم عن الأستفزاز
‏_‏ وللأسف كتبت هذا الموضوع يا اخ الوليد
‏_‏ وانا يا سيد الصادق ما اجبرت شخصا" للرد علي هضرباتي وكل العملتو كنت برد علي مشاركات الأعضاء
‏_‏ احتراما" لرغباتك وليس تنفيذا" لرغباتي سوف اكتفي علي هذا القدر من حقائق تعتبرون ذكرها فسوق وتشهير و هضربه
‏_‏ مع كل احترامي للأعضاء واحترامي لك انت ومحبتي للمنتدي
‏_‏
‏_‏ تخريمه
‏_‏ ممنوع الأقتراب والرد والتعليق
‏_‏the end ‎

اشكرك الأخ الصادق على الإستجابة
اذا كان الإستخفاف فى شخصى أنا لا أرد علية عبر هذا(المنتدى) لأنه ليس ملكاً لى واحترام الأخرين واجب وطنى وأنا شخصياً لا أحب الجدل الغير مثمر ولا مجدى ولكن عندما يكون الإستخفاف بالوطن لن نصمت..........!
وشكرا

وإن عدتم لن نعود

‏_‏ العفو اخ الصادق
‏_‏ دا واجبنا
‏_‏ وواجب كل الأعضاء
‏_‏ بنختلف ونختو قرض مع بعض بس ماف زول بشيل في قلبو حاجه لي زول من المنتدي
‏_‏ بس طلب بسيط منك يا هناي
‏_‏ اقعد وفكر بي رواقه واشرب كباية شاي كدا وقلب في رأسك المشاكل الأنا ذكرتها وسألتك منها وشوف نسبة معرفتك بها تساوي كم في المية

‏_‏ تخريمه بسيطه

‏_‏ the end
‏_‏ كافي البلاء ما بتعرف انجليزي
‏_‏ بالواضح كدا ياعمك شطبنا خلاص
‏_‏ البوست اتملي وما عندنا شماعه
‏_‏ يلا اتخارج لينا عشان دا بوست عسكري ممنوع الأقتراب والردود

‏_‏ النها ا ا ا ا ا ية
‏_‏ اخراج : تحياتي لمن دمر حياتي

‏_‏ ياعمك عارف شوت ضفاري دا بعوق الزول
‏_‏ بس نحن نحترق لنضئ للآخريين
‏_‏ شوف الفلسفه والجلكسات دي كيف!!!!

نعيــــــــــب زماننا والعيب فينا،،،،ومالزماننا عيب سوانا
يقولون الزمان به فساد!!!!!!!!!!!!!!!!!!!!!!!!!!!!!!!!!!!!!!!!!!!!!!!!