عيدو ما تعيدو دى حاجه بتخصكم انا غايتو بعيد عليكم وعيد سعيد للناس الحلوين وكيه للشنيين سلاااااااااااااااااااااااام جاكم من البجيب ليكم الكتاحه وعدم الراحه
هيييييييييييييييييييييي
>
> دايرة تدينى عين؟؟ .. يا أم وشّاً شين ؟؟ ..يا قدُر نفرين .. يا البتفطر شحدة,, و بتتعشّى بالدين ؟؟!!! ... يضُربك الضريب شقّاق العناقريب ...!!
> ما تقيف فى الزلط و تتكلم غلط..
> .. نحن نححححححححححححححمد الله الغدا ضأن... و التحلية برتكان...
> ...العشا حمام و التحلية شمّام .....و مليانيييييييييييين يا إنت ...
> ....لا كوع يقد الوسادة لا ساق يضبح الجدادة ...نحن تربية بيت و فرش موكيت.... تربية عِز ورضاعه بِز...أحححححمدو , مبسووووطين و شلاليفنا ممطوطين !!
>
> ....هيييييههههيييييييييى....
>
> .... حليلكم إنتو يا ناس الإشلا ق يا الما سمعتو بى السيريلاك ....
> ... سُكنة قطاطي ومستوي واطي... شِراكم قطّاعي وركوبكم النقل الجماعي...
> ...بششششششتنة و الناس متمحنة ..قهر و فراق أهل..... نببببببببرة و نستبرة و ما نسكن جبرة..يا الديّامة يا حطب القيامة.. يا ناس أمبدة , البِفطُر فيكم ما بتغدّى .. يا البتستحمّوا بى مويةالعِدّة !!!... عشوائى جدّة ولا فِلل أمبدّة ...!!..دا مستوي داير دَوا !!
> يخخخخخسسسسسسى و مرض نفسى ...
>
>
> .هيييييييييييييييييييييييى ...
>
> لا كرعيننا رقاق و لا مولودين فى زقاق ..
> أولاد عوااااااااايل و عندنا فايل ....
> ربّونا فى الإمتداد و حبينا فى البلاط.... ولدونا فى الدايات و قرينا فى الراهبات....
> .نححححححححححححمدو..... نحن نشتّت و خلق الله تلقّط ..
> البنريدو بنولع ليو اللمبة.. و الما بنريدو بنحرش ليو الكلبة !!
> ساكنين الخرطوم , محل الرئيس بنوم , والطيارة بتقوم , والجكس بِحوم ..... أولادنا لابسين الجِنز وحالقين مارِنز..اولاد راستا ..وعشانا باسطة..وشٌغلنا واسطة .. ما بنتردّى , ونلبس الشدّة ... لا بنركب الركشات , ولا بندخل غُرف الشَات.. بنعرف الذوق ,ومستوانا فوق .... بناكل المنقة و ما بنعرف الزنقة .. بنعرف الجكس , وما بنركب التكس..اسكيلنا عالي ,ومهرنا غالي..
> و مناسبين ناس أمدرمان , العصيرهم رٌمّان , و شارعهم شيكان , و محطّتهم شقلبان !!
> .. و مصاحبين ناس بحرى البيخلطوا فى الكوبرى ..كوبرى شمبات المكسّر بالجمبات ,بى تحت موية و بى فوق عربات !!!.. عصيرهم أناناس و ما بيضايقوا الناس!!
> حكوووومة و الناس مظلووومة ... !!
> .. عشا ن كدا أعمل لاين و أقيفى بهايند.... و أفهمها... أعملى شخيط و اقيفى بعيد ..
> سجم و كمان عدم فهم؟؟ يا بجم يا ولادة الندم ؟!!..
>
> ...هييييييييييييييييى و تااانى هييييييييييييى و تانى و تانى هيييييييييييييييييى....
>
> ما تكُبّ الريحة و تعمل تفتيحة , و تخلينا نقيف ليك فى طرف المعلقة و نورّيك الصعلقة .. هييييييى إتلمّ يا البتقع و ما بتسمّى ..يا جرجير يا وسخ الزير ... بالنهار تسبّح , وبالليل تضبّح ..
> كان جبل طلعناو و كان عسل لحسناو ..
>
> .هووووووووووووى.... تنبزينى أنا يا كرور يا وسخ الخور !!... يا اللُقمة الفِى الزور !!
> يا شوكة الحوت اللا بتتبلع لا بتفوت لا بتخلّى الزول يموت !!.. يا تربيزة الجزارة يا اللامّة الوسخ و الزفارة !! ... والله دى ق ص ّة و دايرة حصّة !!
>
>
> هييييييييييييييييييى
>
> أخير ليييييك فتح عينك قدر الريال و خلّى أضانك قدر العقال ...
> ما تخلينى أدق الصفايح و أطلع الفضايح... و أقيف ليك فى الحوش و أنفُض الكَلُوش !!!
>!
>
>
> هييييييييييييى......
>
> خِفّة و شعر تِفّة ... مرجخيص و النبق الرخيييص ,, جابوهو بالجمعة وباعوهو بالخميس..
> براااانا بنعرف مستوانا ...
> برستييييج يا ناس أر ي ييج .... و إستااايل يا ناس واااائل ...
> ما ناس الدمار و رفع الأريال فوق بيت الإيجار ...
> ناس الشمار و البوبار ..
> ناس الشوبار و عدم الدبار...
> د يل خسارة الداية و تعب السماية .......
> بطااااااااطس و مستوى غااااااطس ....
>
> هيييييييييييييييييييييى
> ....بَنَضورة و كشفنا دورها....
> قرفة و عدم عرفة... بستلّة و حايمة فى الحِلّة...
> كركدى و ما عرفنا ليه ... بامبَى و أبى ينجض لَى ...
>
> نحن الغدا ريجييم و التحلية إيسكريييم.....
> متعلّمييين.. من ما قمنا بين الكراريييس ... الفطور فى لندن و العشا فى باريس ..
> سمعتنا و مصاريف جامعتنا .. حبّونا وفى الحدائق ما شرّونا ...!!
> .. لابسين الموضات و راكبين العربات , مقاعدنا سوستة وسواقنا اوسطى !!
> البيابانا بنوصّف ليهو غلط.. و البريدنا بنقطّعو الزلط..........
> قناااابل فى محطّة البلابل..
> هييييييييييييييييى...
>
> جقر جقر يا كمونية البقر!!!! .. يا القليدة , شرّابة المديدة !!! إنشالله تدخل عليك بالساحق و الماحق و البلا المتلاحق ,, بركة الجمعة الجامعة و الكلمة السامعة !!بركة سيد البريّة و تيران بدريّة !!... قولى آآآمين .. إنشالله تاكلى الضب السمين , بالكسرة و العجين !!
> عشان تعرف شُغل الدفِس البلا نَفِس.. ..
> يا الراخي أضانك و ما ناقش حنانك ,إنت يا الطيرة المبارية السيرة ..!!!
> نفسياات و عدم إمكانياات...شِدّة و بَدَل عِدّة.....
> والله دى قصّة و آخرها لسّة ..!!
>
> هييييييييييييييييييييييييى يا ...
>
>
> دى شلاليف وللا مجارى خريف ؟؟!! .. ديل جضيمات وللا عيونى كعبات ؟؟!!
> هو العسل إلاّ ينقّط والقرد إلاّ ينطّط..؟؟
> يخخخخخخخخخخسى و مرض نفسى ..!!!
>
> كوااارع و حايمة فى الشاارع....
> مكرووونا و ما عرفنا لونا....
>
> هووووووووووى يا أخوي الجابك شنو ؟؟؟؟!!
> لسّة ما خلّيت الشلاقة , والمتاوقة بالطاقة .. ؟؟!!
> عارفنّك شليق , و بتشرب بالإبريق ..
> يا زول الصَقَت جا ...خلَّى عندك ذووق..
> باب المنتدي مقفول يللا نط بى فووق...!!
> أخير ليك تلاوِز و ما تجى تحاجِز !!!
> و أحسن ليك تتدسّة و ما تخرب الرصّة ... كان قُلتا أخ , الليلة بتِتلَخ !!
> يا النسيت ناسك و فقدتَ إحساسك ...
> شِن جدَّ فى المخدّة ؟؟... التنجيد ولّلا الكيس الجديد ؟؟؟
> يا راجل يا كشَا مشَا.. يا العزموك فطور جيت عشَا....
> يا الدقّيت بابنا و أكلتَ كبابنا ..تشرب شايينا و تكسّر كبابينا !!
> يا ناصل و ما عارف الحاصل ..!!
> هووووووى يا أب رِدا ... وشّك كِدا ؟ وللا خَرَبو الشِتا ؟؟ ... أجيب ليك عيشة تقرّضا ؟ وللا مخدّة تنجّدا ؟
> يا طويل يا سلك الغسيل .. يا شمّاسى يا ظهر الكراسى...
> هبّهاااااان ووسخ بيان...
> عامل لَى فيها تفتيييحة و شايل مفاتيييحها...؟؟
> كان إنت واقع من السما ,نحن اللزّيناك ... و كان مزروع فى الأرض , نحن الغزّيناك !!
>
> هيييييهييييييييييييي يا ..
> ما تقعد تنقنِق و عُضامك تطقطِق ...
> إنت واقع من لورى شطّة ؟ وللا فاتتك المحطّة ؟؟!! ..
> ما تعمل لَى فيها خطيييير و بتستحمّى بى موية الزيييير ... يللا كِش عشان نقدر نمِش ..
> ما تقعد تعاين و تطفّش الزباين ... و أوع تِنفَرّا و تمرُقنا بى برّة .. ولّلا تتمطّى و تكشّح فينا الشطّة ..
> يا الكاتلاك السخانة , و ما شُفت الحضانة ..عيشتك كلّها فوضى , و ما دخّلوك الروضة !!
> يخخخخخخسى و مرض نفسى ..
>
>
> هييييييييييييى.....وتاااااانى هييييييييييييى ...
> هيييييييي يا هاء , يا همزة على ياء ...!
> ما تخلّينى أورّيك المغطّى و ملان شطّة ... يا بتاع البوبار يا البتخمّس السجار ..
> القميص جمايكا .. و الصلعة فورمايكا....
> الأضان هبّابة .... و الفَلَجَة بوّابة..
> الجبهة سبّّورة .. و النخرة ماسورة..
> شوفوا البوز الما ضاق الموز!! .. اليدّين مساويك , والكرعين مفاريك ..
> ما تعمل فيها شِفِت و ممسّح بالزِفِت ..
> كان إنت ضربتا السما جير ,, نحن أدّينا الهوا بوهية, و ضربنا النجوم مَنَكير !!
> أطََفَّر ؟؟ وللا بتدفِّر ؟؟..نجى بالدَرِِب وللا فيه كلِب ؟؟؟
> مرّة تجوط , ومرّة كاتم صوت ..
> ..يا بايركس , يا ما بتعجب الجكس ..
> يا المن قمت ما باسوك , و يا الرُحت و أهلك ما كاسوك !!
> يخخخخخسسسسى و مرض نفسى ..
>
>
> خلاص نسينا سيرتكم , ورمينا طوبتكم ..
> صحى ناس ناس .. و ناس أنناس ...
> و ناس أذى للناس ...
> وناس يتمَوا بيهم باقى الناس....
وكل سنة والناس الحلوييييييييييييييييييين والشينييييييييييييين وناس المنتدي وناس الغابة كلهم بخييييييييييييييييييير
--------------------------------------------------------------------------------
شنو يا جدو الواحد يمشي عمره ويجي يلقاك عملت الحكايه جد جد ياعمك كل سنه وانت طيب والسنه الجايه عريس يا ياير
ميااااااااااااااده شوقنا مدفق
الدرديري شوق كميات
ود ابو واحشني اوي اوي
ود كيري طبعا كالعاده مافي شوق ومافي داعي اغشك
طارق اذيك ياوجيه يا باااااااااااااااااااااا ....................... تم الباقي خيال
باختصار كدا كلكم احمد سعيد ابراهيم, جمال حسين, محمد عبد الرحيم علي نقد, , أشرف أحمد نقد الله, امجد حمزه محمد احمد, ابوبكر موسى, احمد سعيد ابراهيم, انس الفاضل حاج احمد, د.صلاح القاضي, جمال حسين, حاتم عبدالله كيري, حسن محمداحمد, حسن مصطفي, سعيد علي عبدالكريم حمد, زهير سلطان عبد اللطيف, samah awad, satti mohamed_satti, عبد الحفيظ عبد الله, عبدالله فرح عثمان, عبدالقادر ساتي عبدالقادر, عصام ضوي شموم, ولد الغابة, طارق لطيف, طارق عبد العزيز
كلكم كدا تامين ولامين
--------------------------------------------------------------------------------
ا
الرئيسية
