الشاي في المغارب ذكريات وصبابة ..... !!!

.

وبالطبع فالمغــربية .. والصـــبابـة وصورها الجميلة النقية فيها لا تكون بتلك المعــاني الحقــة إلا في الباديــة ...

لا ازال اتذوق طعـم شـاي المغــربية ...

وكم امني النفس اليوم قبل باكــر .. بأن أحظى بكباية شاي مغرب كاربة...فتعالو أمشاكم معاي إلى هناك !!!!

وعادة ما يكون شـاي المغربية بعد عــناء يوم طويل لمن ذهـبوا للزراعة وحــش الــقش ... والمــوديلات الجديدة بعد التمــرين المسخــن ... عشـان بــدأ من عصــراً بــدري ....
وبعد أن يأتي الناس من ( بلــــد بي تحــت ) ... محملين بي عشــا المــراح .. ويقـوموا يرموهو ليك رمية واحدة ... تتســابق إليه كل السعــية ... مناظـر .. لا توجـد إلا عـندنا .. وحـياة .. لا مثيل لها في الحـنية ...

هــنا ياتي دور ســت البيت ( الام الحـنون – واحيانا البت الكبيرة ) ... بي كورية اللبن ويبدأ الحلب وصوت الشخب .... !!!!

نار الجريد الموقدة في ( الكنتــوش) ... وطبقات اللبن القديمة هي التي تشكل ريحة اللبن المفور .. ( المقــــنن) ..

أها ... الشفــع ( الأطفــال ) .. في انتظار هذا الشــاي ..
والكبار يمنون نفسهم برشفــة مــنه ليرد لهم انتعاشهم بعد يــوم مضــن ...
والمغلوبين في تمرين العصــرية يطفئون به نــار الغلــب استعــدادا ليوم جديد ومنافسة أخــرى ...



.

مااروع هذة الخاطرة التى تختزل فى زاكرتك هذا المشهد الريفى الجميل ياريت الزمن يرجع بينا مرة ابدعت يامبدع

محمد ميرغني عبدالرحمن كتب:

آآه يازمن محمد محجوب خليت الواحد عايش فى لحظات من الماضى الجمبل المعتق ... برائحة البرسيم والجروف و00000000000000000000000000000000000

بصـراحة .. ليس الكثيرون مـنا .. من عاشــوا هذه اللحـظات ..
والبعض عـاشهـا بكل تفاصـيلها الجمــيلة ..
اما الآن .. وفي زمــنا دا .. شـاي المغـــرب بقـى في الطـربيزة والكـبابي الطقـــم ..
.. بـس بـدون ريحــة الجــروف ..


.

الحاج كيجاب كتب:

مااروع هذة الخاطرة التى تختزل فى زاكرتك هذا المشهد الريفى الجميل ياريت الزمن يرجع بينا مرة ابدعت يامبدع

يا كيجـاب .. لابـد لأن نعـيش الزمـن الجمـيل بكل تفاصـيلة .. وذكـرياته التي تظـل في عقـولنا ونوصـلها لأبنـائنا .. لأنهـم لن يجـدوا مــثل هذه اللحـظات في ظـل العــولمة .. والتكلــنولجـــيا ...

.

اقتباس :

الشاي في المغارب ذكريات وصبابة ..... !!!

>

معــروفه الجـذور .. ياخــينا نحـنا اصحــابـا
والشــاي اب لـبن اسكـت كب منو لا تتغـــابـا
نشــربو في مواعـيدو البي المغـارب واجـبابـا
ومابنخـليهو تب .. حتى إن مـرقنا من الغــــابـا

.

محمد محجوب كيرى ماشاء الله انت زول خيالك واسع بالذات تصويرك لبرتوكولات شاى المغرب فى البلد وحش القش والسعية لانو محمد محجوب البعرفو انا زول مدينة
ومن مواليد المدن وعاش فيها والبلد يأتيها فى المناسبات لكن مع ذلك تشكر لمشاعرك الطيبة نحو البلد وتقمصك الشخصية البلدية لان من يسمع كلامك ويقرأ شعرك يقول
الزول دا مابارح البلد وماشاف المدينة تب لك التحية 0

حاتم عبدالله كيري كتب:

محمد محجوب كيرى ماشاء الله انت زول خيالك واسع بالذات تصويرك لبرتوكولات شاى المغرب فى البلد وحش القش والسعية لانو محمد محجوب البعرفو انا زول مدينة
ومن مواليد المدن وعاش فيها والبلد يأتيها فى المناسبات لكن مع ذلك تشكر لمشاعرك الطيبة نحو البلد وتقمصك الشخصية البلدية لان من يسمع كلامك ويقرأ شعرك يقول
الزول دا مابارح البلد وماشاف المدينة تب لك التحية 0

.

[quote="محمد محجوب كيري"]


[size=24]
فعلاً زكريات جملية ونكهة الشاي المقنن ...... وأذكر كنا عندنا خدامة هندية يومياً تشاكلنا بسبب حرق حلة اللبن وكانت بتعيفنا لهذا السبب....
وأضيف كمان شاي الصباح في التُكُل جنب اللدايات مع زلابياياية ولا باقي فطير خاصة في الشتاء لما تغسل وشك من حد العيون بس وأثر الموية مع الغباشة ترسم لوحة بريشة الطبيعة .....

لكن تعالو وخاصة الأطباء ما هو أثر القنانة (( الكربون )) على الصحة؟ مرات أقول دي يمكن واحدة من مسببات مرض الفلان ذاك سيئ الذكر أعاذنا الله وإياكم خاصة وتعالي نسبته في الشمال بصفة عامة ....

اقتباس :

ده ماشايينا لانو خفيف وما مقـــنــــــــــن ومافى كبايتنا البنعرفه وما بالغمال ومافيهو سبيبه شعر الغنمايــــــــــــــه ايام لاتنسى يديك العافيه

شـوف اقول ليك .. اللـبن المقـنن فقـد الطعـم لانو بالغـاز ما بتظـبط التقـنينه ..
ياحـليل زمـن العـويش ..
عشـان كـدا الكـباية اتطــورت مع تطـور الزمـن ..
وشـاي المغـرب بقـى ليهــو طقــوس اخــرى ...... ما تستعجـل بنجـيب ليك الباقي ..


..