يوميات عمك تنقو

عمك تنقو دخل اتحمي
سجل نفسو حارس مرمي
هاك يا جونتي فوق الايد
وفاول الركبه عندو مفيد
شكي فنليتو لفو كراوعو
ختي حجابو فوق لضراعو
قال للجمهور اللعب فنون
اتحدي الكل يدخل قون
اول شوته هدفا لازع
قال للتيم قونكم واسع
تاني قذيفه جاءت صاروخ
خبطت عمك في النافوخ
ثالث واحده جاءت قارضه
عمك نطا العارضه
عمك حب يحاور و يناور
فجاءه الكوره دخلت توووش
في الصلعه نزل برطوووش
جاء الجمهور ياخذ الثار
عمك تقول خطفو إعصار
لو ما النجده جاءت بسراع
عمك كان لا يد لا كراع

والله زكرتنا زمن ابوك ما فكر فى العرس يديك العافيه

يشدني الحنين الي ايام زماااان ايام سنة اولي خش سنة تانية خش ,, (يعني خلاص كبرنا وكدة)..
واحلي الذكريات بالطبع هي ذكريات الطفولة ومراحل الدراسة الاولية بالرغم من قساوتها ومرارتها في بعض الاحيان ,,
ويلا كدي نتذكر كلنا قصائد زمان

وبالله معليش ناس الاساس يقيفو غاااادي ..
وعايزين نشوف بالمرة الناس القرو غير منهجنا كان بيدرسو شنو ..(شهادة عربية وكدة)..
ونبدأ باولي قصائد الابتدائي سنة اولي ..

هاتي هاتي يا نخلاتي
هاتي البلح يا نخلاتي
احمر واصفر يا نخلاتي
حلو الطعم يا نخلاتي
مثل السكر يا نخلاتي

والقصيدة الجميلة في اولي برضو

لي قطة صغيرة سميتها سميرة
تنام بالليل معي وتلعب باصابعي
ودائمـــا تغنـــي ولا تخاف منــي
لأننـــي احبهـــا ولا أريد ضربهــا

وايضا نشيد الصبح

نحن ان اشرق الصبح نترك النوم ونصحوا
ثم نمضي فنصلي ان تقوى الله ربح
ونحيي ابوينا فرضا الاباء فتح
ولنا كل صباح امل في الله سمح

ويلا نسمع منكم ,,, ونواصل

[quote="أسماعيل كيجاب"]

يشدني الحنين الي ايام زماااان ايام سنة اولي خش سنة تانية خش ,, (يعني خلاص كبرنا وكدة)..
واحلي الذكريات بالطبع هي ذكريات الطفولة ومراحل الدراسة الاولية بالرغم من قساوتها ومرارتها في بعض الاحيان ,,
ويلا كدي نتذكر كلنا قصائد زمان

وبالله معليش ناس الاساس يقيفو غاااادي ..
وعايزين نشوف بالمرة الناس القرو غير منهجنا كان بيدرسو شنو ..(شهادة عربية وكدة)..
ونبدأ باولي قصائد الابتدائي سنة اولي ..

هاتي هاتي يا نخلاتي
هاتي البلح يا نخلاتي
احمر واصفر يا نخلاتي
حلو الطعم يا نخلاتي
مثل السكر يا نخلاتي

والقصيدة الجميلة في اولي برضو

لي قطة صغيرة سميتها سميرة
تنام بالليل معي وتلعب باصابعي
ودائمـــا تغنـــي ولا تخاف منــي
لأننـــي احبهـــا ولا أريد ضربهــا

وايضا نشيد الصبح

نحن ان اشرق الصبح نترك النوم ونصحوا
ثم نمضي فنصلي ان تقوى الله ربح
ونحيي ابوينا فرضا الاباء فتح
ولنا كل صباح امل في الله سمح

ويلا نسمع منكم ,,, ونواصل[/quote
_______________________________________-

شكرا ياسمعة على المرور الجميل]

قد كان عندى طائر فى قفص من خشب..

ظريف ريشه حلو طويل الذنب...

وهويغنى دائما بصوته المحبب...

وقال لى حريت لاتشترى بالذهب...
..............................

ياعبد الله وياحسين سيبوا الدوشه ولعب الطين يلا الروضه نكون فاهمييييين....{دى يازرياب من أناشيد الروضه..}

وبجيك صادى لما إذكر ليك حاجه تانيه

مجدي عبدالله عاصي القيد كتب:: قد كان عندى طائر فى قفص من خشب..

ظريف ريشه حلو طويل الذنب...

وهويغنى دائما بصوته المحبب...

وقال لى حريت لاتشترى بالذهب...
..............................

ياعبد الله وياحسين سيبوا الدوشه ولعب الطين يلا الروضه نكون فاهمييييين....{دى يازرياب من أناشيد الروضه..}

وبجيك صادى لما إذكر ليك حاجه تانيه

________________________________________

شكرا يا مجدي على اناشيد الروضة

وأنا مني ليكم كل يوم قصة لعمك تنقو

عمك تنقو اشتري عربيه
اخر موديل ماركه قويه
قال للعازه وكل الناس
انا الكداري ودعتو خلاس
بنزيني معبأ ومال النتك
قروشي كتيره فوق البنك
ولع بخره وجاب لو بخور
نحر الناقه وضبح التور
عمك عامل سواق ماهر
يمثل اكشن كلو مخاطر
قام بعربيتو باخر سرعه
وقعت العازه من الخلعه
عمك يلفلف بمزاج رايق
وقال في نفسو انا احسن سايق
بس لكن في اخر الشارع
عمك فرمل ودقش الشافع
اتلمو الناس وجات الشرطه
وعمك دخل في اكبر ورطه
عمك خلاس ح يروح في حديده
لو ما اعدام يمكن تابيده
تنقو نام في التخشيبه
هدومو مشرطه وحالتو عجيبه
فجاءه العم قام من نومو
عاين ليدو وشاف لهدومو
جاتو العازه تقدل ساي
وبره الناس ضربو الروراي
قالت لعمك جاتك هديه
عربيه ملك ماركه قويه
عمك قال ما ينفعش
الكداري دا اجمل شئ

عمك فرمل ودقش الشافع
اتلمو الناس وجات الشرطه
وعمك دخل في اكبر ورطه
عمك خلاس ح يروح في حديده
لو ما اعدام يمكن تابيده
تنقو نام في التخشيبه
هدومو مشرطه وحالتو عجيبه

وسطوا ليهو سيادة العقيد أبوبكر الإسيد.....

مجدي عبدالله عاصي القيد كتب:: عمك فرمل ودقش الشافع
اتلمو الناس وجات الشرطه
وعمك دخل في اكبر ورطه
عمك خلاس ح يروح في حديده
لو ما اعدام يمكن تابيده
تنقو نام في التخشيبه
هدومو مشرطه وحالتو عجيبه

وسطوا ليهو سيادة العقيد أبوبكر الإسيد.....

وبالمـــرة يعملو ليك مخالفــة يــا مجدى ... لانو الكتابة بتاعتك دى جاريــــة بسرعـــة غير قانونية

عمك تنقو والله زمان
كان عدمان وكان فلسان
دوام مديون دوام زهجان
شوفو الليلة يا صبيان
حالو اتصلح بقى تقيان
ريح باله وزيادة امان
بكل سهولة وأطمئنان
بطاقة وشيك بنك ام درمان
***
عمك تنقو حبيبنا الغالي
بقى مرتاح وماهو يبالي
يسحب ويودع بالصراف الالي
***
قال لي نفسه كدا يا ود
القرش الابيض لليوم الاسود
***
عمك تنقو من الفرحة
قروشي العازة ح تشمها قدحة

تنقو وطارق السويدان
لتطوير الذاتي

عمك بسأل نفسه سؤال شافي
ايه في الدنيا تكوني أهدافي
ولدوني أعيش فقط واموت
كأني ما كانت زول موجود
عايز حياتي تبقى مثيرة
وللعالم حولي اخلّف سيرة
بدل حياتي تبقى عقيمة
لازم اقدّم حاجة عظيمة
وتكوني شخصيتي ذات قيمة
هيأ نفسـو وأتحمس وثار
كسلو وخجلو نفضو غبار
علشان تنقو يكون جادي
يحتاج توجيه وتطوير ذاتي
عمك تنقو الما بتردد
سحل اسمو في اقرب معهد
دخل القاعـة وكان متحسس
مع الطبقة الهاي بقى متوجس
طارق يشرح وبروجكتر ومنصه
العندو إضافة توضيح أو قصـة
ح اجدع الكورة وياخـد الفرصة
عمك تنقو زاد إصرار
زي سوبر مان في الجو طار
صبّ الكورة بثقة وتأني
قال انتو جميع مش أحسن مني
وقفوا لتنقو ادوه تحية
عمك تنقو زول شخصية
طوّر نفسو وعاش مسرور
أصبح مؤثر ويمثل دور
بي رايو يشارك وبقى مشهور
عمك الكان خجول كسلان
عايز يحاضر مع السويدان

ماما لبساتنى الجزمه والشراب

مشيت للافندى ادانى كراس

قالى اكتبى عاربى كتابته حساب

والموسيقى تضرب وال

عمك تنقو من ما يقوم
يلبس مركوبو يمرق يحوم
... كايس شغله تتر اللوم
وقال الرقده ما ليها لزوم
عندو ديون حامياه النوم
قاعد عاطل من كم يوم
لاقاهو وليد سيد الدكان
قالو ياعم مالك زهجان
ولو شفت كمان حاج عثمان
مادد قدومو عامل زعلان
وسيد الطبليه قاعد زهجان
امس مضروب بخمسه اقوان
غمك تنقو قال لوليد
ياخ الحاله صعبه شدييد
مراتب البيت عايزات تنجيد
وهدوم العازه دايرات تجديد
وسيد البيت كل يوم تهديد
قال دا اخر شهر من غير تمديد
عمك فكر في اخر الشارع
يعمل حله يملاها كوارع
ولي يبقي ممثل بارع
ليهو الناس تجري تسارع
ويمكن برضو يبقي مصارع
يغلب (بك شو) بطولو الفارع
عمك تنقو غلبو التدبير
خانو الفهم خانو التفكير
شال الجردل شان يملا الزير
قال يا ريت لو يبقي عصير
عمك قال النومه اخير
باكر يحلها رب الخير[/b][/b]

نهاية فضولي

عمك مرة قصد الراحة
سافر اوروبا تغيير وسياحة
أول دولة زاره فرنسا
عالم تاني يا زول أنسى
آخر متعة وفيها اتفسح
ايفل ولوفر وابرا ومسرح
عمك شاف الناس الدايشة
عايز يعرف كيفن عايشة
عمك تنقو قرا إعلان
بكره زواج البت فيفيان
قال لي نفسو نمشي نبارك
ونعرف حاجة برضو نشارك
عمك تنقو اخـدو فضـول
قال ظابط جدا كدا يا زول
يم الموعـد دخـل القاعتة
والاستقبال وين يا جماعـة
عمك وقف بين بابين
باب شمـال والتاني يمين
في الصالة دخل فضول وشمار
العريس يمين وعروسو يسار
لصاحب الدعـوة أنت اختار
عمك تنقو بقى محتار
إختـار الباب الـ ناسـو كتار
المعاهو هدية الباب الاول
وفي حاله عدمو التاني اتفضل
عمك تنقو راح متسارع
الباب التاني بوديك للشارع
ديل خواجات والله صراحة
كيف ورونا الطرد براحـة

عمك تنقو .. مناضل...
صبحت شمس الليل الطال
وعمك تنقو نفس الحال
... ملازمة العازه و ما شغال
و يومى تنق فى هادا بطال
عمك تنقو شال فى الخاطر
اصبح شارد و همو مشاطر
فكر و فكر و فاكر شاطر..!
وجاهو الحل لا بده يخاطر
فتح الفيس إشعار إشعار
ولفت لى نظرو ..شوفو العار..
صفحة معارضة على الاسعار
يسقط ..و.. ثورة .. فيها شعار
و قلّب قلّب شاف كم رابط
فى اليوتيوب تسجليها زابط
واحد شاب صنديد و مرابط
عاصر حاكمو ويقولو يا هابط
عمك تنقو زادت نارو
وقال يا يموت يا تبقى اقدارو
باكر حالف افارق دارو
يفوت القصر و يحكى ودارو
و كل ما لحظه اتزايد غُبنو
شوية شوية اتناقص جُبنو
وعمك تنقو اليوم التانى
قال لى العازه جزم ما تعانى
طالع الشارع و ما همانى
وبعدو بجيك تب زولا تانى
ومن الساعة هاكى و صيتى
الصبيان و الكتب الهيلتى
ابقى عليها تمام فى غيبتى
وكان ما جيت بيعيها..حبيبتى؟؟

اتمنى من الجميع ... الباقى يتمو خيال.. واكتفى بهذا القدر

» عمك تنقو
» يوميات مغترب
» من يوميات زوجه سابقه..!
» يوميات حاااج اللمين .....!!
» صفحات من يوميات الفاتح حسين